Nire telesailak salto egin du marrazoaren gainetik!

Atalak: Albisteak, Telesailak

Zure telesailak jauzia egin duela marrazoaren gainetik? Txoratzen hasi al gara? Ez! argibidea oso sinplea da; telesail batek “jumping the shark” edo marrazoaren gainetik salto egiten duenen , zer arraio esan nahi ote du? Atal edo denboraldi konkretu batean, non gertakizun oso garrantzitsu bat gertatzen den ( gidoi biraketa, ezusteko hilketa, pertsonaia berriak eta abar) , justu momentu horretatik aurrera, telesailaren kalitatea oso nabarmen jaisten hasten denean. Eta nondik dator izen hau? Jatorriz, “Happy days” izeneko telesail batetik.  Bertan protagonistak, uretako-eski batzuekin, marrazo baten gainetik salto egiten du -literalki-. Telesaila amaitzear zegoen eta zaletuek momentu horretatik aurrera gehiago ez ikustea erabaki zuten, guztiz galdu baitzuen zentzua. Hementxe momentua:

Espresioa, Jon Hein izeneko kritiko batek asmatu zuen 1997 urtean, zerrenda bat osatu zuenean. Bertan, “Jumping the shark” egin zuten 200 telesailen izenak ipini zituen, ekoizpen horien beherakada nabarmena adieraziz. Arrakasta izugarria izan zuen eta geroztik betiko itsatsia geratu da.
Mota honetako fikzioek modu ugaritan egin dezakete “salto”. Tramarekin guztiz konektatzea lortzen ez duten  aktore “gonbidatuak” kontratatzea izaten da baliabide erabiliena – Friends telesailean, Julia Roberts adibidez-, baina izaten dira beste batzuk ere; ezkontzak, jaiotzak eta hildakoak esaterako.
 
Zerrenda oso luzea egin genezake, baina motzean:  ezinezkoa ahaztea, Sarah Tancredi eta Prison Break-en kasua, Dexter telesaila nola joan zen guztiz pikutara, The Office-en Michael Scott (Steve Carrel) joan zenean, Glee, The Big bang theory, House, Weeds, Heroes eta abar luze bat;



Bideo honetan adibide gehiago ikus ditzakezue:
 

Eta zuen telesail “kuttun” horrek, egin al du salto dagoeneko? adibide gehiagorik?