Hura da santua ta hau da herria

Atalak: Gomendioak, Laburmetraiak, Zinemaldia 2016

Narciso, La chica de la luz, Txintxorro, Puntu Itsua, Iraila, Los Angeles Observer, Kresala, Kutxa Beltza, La casa del frío, Testimonio, Bidexka eta La Ballena Real. Hamabi begiradaren bitartez Donostiaren erretratu bat egitea. Hamabi begirada horien artean, istorio nahiko biribilak, politak, originalak eta ausartak ikusteko aukera izan dut. Baina baita kaskarrak, irregularrak eta astun xamarrak ere. Dena den, aretoko argiak itzali, pantaila handia piztu eta Kalebegiak proiektuan murgiltzen zareten unean, kontzeptu zinematografikotik haratago doan itsas-brisa moduko bat sentituko duzue. Donostian errodaturiko txoko ezberdinak ikusteko aukera izatea eta Euskaraz grabaturiko hainbat istorio, bi puntu oso erakargarri direlako zalantzarik gabe. Horrez gain, film labur bakoitzak amaieraraino nork zuzendu duen ez jakiteak joko/kiniela moduko batean sartuko zaituzte , aurreiritzien jaka hasieratik esekitokian uztea behartuz eta garrantzitsuena, hasiberriek  jarritako ilusio eta lan guzti hori, pantaila zeharkatzen duela nabarituko duzuelako.

Baina sentimendu eta kontu metafisiko horiek alde batera utziz eta eremu zinematografikora bueltatuz, gorabehera dezente antzeman dizkiot proiektuari. Bai, bizpahiru film labur asko gustatu zaizkidan arren, beste batzuk interesgarri eta ausartak, badira nahiko kaskarrak iruditu zaizkidanak ere. Hori bai, proiektu osotik gehien gustatu zaizkidan puntuak nabarmentzea erabaki dut. Bai, helburu eta intentzioa konkretu bat duen proiektua hau, kontu negatiboekin bustitzeak -hasiberriak daudela kontuan izanik gainera- bilduma osoa zikin dezakeela uste dudalako.

Iraila, Kresala eta Narciso zalantzarik gabe gehien gustatu zaizkidan hiru ekoizpenak. Segituan antzeman dut zer eta batez ere, nola kontatu nahi zuten eta hasieratik murgildu naiz hiru kontakizunetan. Biribilenak, gidoi sendoena zutenak eta kalebegiak bilduma honetatik kanpo ateraz gero ere, bikain funtzionatuko luketen hiru film. Interpretazioaren arloan, “Txintxorro” filmeko Asier, Angela eta Manex (Urte Berri on Amona) zoragarri daudela uste dut. Naturalak, freskoak eta oso sinesgarriak.  Puntu Itsua-n istorioan, Ramon Agirre handia ere bikain -beti bezala-, lehen aipaturiko “Irailan” gure John Wayne partikularra, Kandiko Uranga. Eta ikusgai dugun azken laburrean, “La Ballena Real”, Xabier Perurena ere oso ongi, Marta Eturaren pertsonaiari  kontrapuntu polita emanez. Argazkia, muntaia eta musikaren arloak, orokorrean oso ongi uztartu dituztela uste dut. Soinu banda logikoki, Alberto Iglesias, Joserra Senperena, Angel Illarramendi eta Pascal Gaigne nabarmenduz, baina musikene eskolakoen lana ere goraipatuz jakina.
Beraz, apur bat irregularra eta batzuetan tonutik kanpo geratzen diren kontakizunak daudela iruditu zaidan arren -zuek deskurbitu beharko dituzue zeintzuk diren-, gozatzeko moduko istorio sorta polita eta interesgarria topatuko duzuela ziur nago. Teknika ala narratiba konkretu batetik kanpo, sentsazio bereziak piztuko dizkizuelako -Donostiarroi batez ere- .
 

 
KALEBEGIAK
Urtea: 2016
Film labur sorta
Zuzendariak:Koldo Almandoz, Asier Altuna, Luiso Berdejo, Daniel Calparsoro, Iñaki Camacho, Borja Cobeaga, Maria Elorza, Telmo Esnal, Maider Fernandez Iriarte, Isabel Herguera, Ekain Irigoien, Julio Medem, Izibene Oñederra, Gracia Querejeta, Imanol Uribe
Aktoreak: Ramon Agirre, Marta Etura, Bárbara Goenaga, Miren Ibarguren, Paco Sagarzazu, Alfonso Torregrosa, Kandido Uranga, Nagore Aranburu, , Egoitz Lasa, Xabier Perurena, Javi Tolosa