"Supertrailerra": 300 film 5 minututan

2015-01-22  //  Albisteak, Pelikulak  //  Iruzkinik ez

Azken aldian, antza denez, modan jarri da filmen irudiak hartu, musika epiko bat gehitu eta  “off ahots” bat erantsiz, ezinezko nahasketak egitea. Kasu honetan, ikusgarria oso, 300 filmekin egindako 5 minutuko muntaia hau.
Baina hortik haratago, ikusgarritasun horretaz gain alegia, nahiko “hutsak” izaten dira -orokorrean-. Adibide honetan, protagonisten esaldiek ez dute batere ahokatzen beraien artean eta irudiek bata bestearekin ez dute zentzu gehiegirik. Halere, edozein zinezale oilo-ipurdiarekin jartzeko moduko bideoa dela dudarik ez dago:

Baina gai honekin jarraituz, beste bi muntaia eransteko beharra sentitzen dut. Hauek bai iruditzen zaizkidalako bere osotasunean, zoragarriak eta ezinbestekoak. Sakatu “pantaila osoa” botoia, igo bolumena %100-era eta gozatu:

Nire telesailak salto egin du marrazoaren gainetik!

2015-01-19  //  Albisteak, Telesailak  //  Iruzkinik ez

Zure telesailak jauzia egin duela marrazoaren gainetik? Txoratzen hasi al gara? Ez! argibidea oso sinplea da; telesail batek “jumping the shark” edo marrazoaren gainetik salto egiten duenen , zer arraio esan nahi ote du? Atal edo denboraldi konkretu batean, non gertakizun oso garrantzitsu bat gertatzen den ( gidoi biraketa, ezusteko hilketa, pertsonaia berriak eta abar) , justu momentu horretatik aurrera, telesailaren kalitatea oso nabarmen jaisten hasten denean. Eta nondik dator izen hau? Jatorriz, “Happy days” izeneko telesail batetik.  Bertan protagonistak, uretako-eski batzuekin, marrazo baten gainetik salto egiten du -literalki-. Telesaila amaitzear zegoen eta zaletuek momentu horretatik aurrera gehiago ez ikustea erabaki zuten, guztiz galdu baitzuen zentzua. Hementxe momentua:

(gehiago…)

Making of…"Birdman"

2015-01-13  //  Making of, Pelikulak  //  Iruzkinik ez

(gehiago…)

Urrezko globoak 2015: Irabazleak

2015-01-12  //  Albisteak, Pelikulak, Sariak, Telesailak  //  Iruzkinik ez

Gaur gauean banatu dira Los Angeles hirian 2015eko Urrezko globoak. Aurkezleak Tina Fey eta Amy izan dira eta orokorrean sorpresa gutxi eta espero nituen izenak atera dira.  Orain egun batzuk egin nuen kinielarekin konparatuz gero,  harropuzkeria pixka bat kanpora ateratzeko baimena eskatuko dizuet, filmen sailean: 13tik 10 asmatu ditut eta telesailen sailean ordea 9tik 5, oso erraz aurreikusteko modukoak beraz. Hementxe irabazleak:

 
(gehiago…)

Urrezko globoak 2015: apustuak martxan!

2015-01-08  //  Albisteak, Pelikulak, Sariak, Telesailak  //  Iruzkinik ez

Iritsi dira 2015ko Urrezko Globoak,  Hollywooden dagoen atzerriko prentsak sortutako zinema eta telebista sariak alegia. 1944. urtean sortuak, zinema eta telebista arloetako saririk nagusienak dira, Oscar eta Emmy Sarien ondoren, hurrenez hurren. Hasieran zinema Sariak baino ez baziren ere, 1956an telefilm eta telesailetarako kategoria berriak sortu zituzten. Tina Fey eta Amy Phoehler aktoreek gidatuko dituzte 2015ko Urtarrilaren 11an Los Angelesen banatuko diren sari hauek.

Aurreko urteetan MAD MEN, HOMELAND eta MODERN FAMILY telesailekin gertatu dena –ia sari guztiak eramatea alegia– baietz aurten THE AFFAIR eta TRANSPARENT telesailekin gertatu? BOYHOOD filmak irabaziko al ditu aurtengo sari guztiak? Animaziozko film onenaren izendapenak, azken urteetako kaskarrenak al dira? Zergatik ez daude inzendatuak , Whiplash  eta Nightcrawler bezalako film bikainak ? Sorpresarik egongo al da? nork irabaziko du eta nork irabazi beharko luke? Hona hemen sari garrantzitsuenekin eginiko nire kiniela, egin apustu zuek ere!

  (gehiago…)

Tarkovsky zinegilearen filmak interneten ikusgai

2014-12-30  //  Albisteak, Pelikulak, Zuzendariak  //  Iruzkinik ez

Andréi Arsényevich Tarkovski , sobietar zine zuzendari eta idazlea. Serguéi Eisenstein aparte utzita, Errusiako zinemaren ordezkari handienetakoa eta Zinemaren historian garrantzitsuenetarikoa izateagatik ezaguna. 1962an, ospe handia eman zion filma zuzendu zuen, Ivanen haurtzaroa eta Cannesko eta Veneziako zinemaldietan sariak jaso zituen. Argi dago mundu osoak ez duela jakin bere obraz gozatzen. Bere filmak irudikorrak dira, baina baita oso luzeak ere, eta ikusteko zailak askotan. Zuzendari handienen zuzendari izan zen; Ingmar Bergman-ek esaterako, historiako onena bezala kontsideratzen baitzuen.
Tarkovskiren obra guztia Mosfilm ekoiztetxeak  – errusiako handiena eta zaharrena- liberatu ditu, hau da, filmak domeinu publiko izatera pasa dira. Honek zer esan nahi du? ez bakarrik ordaindu gabe ikus ditzakegula, baizik eta jazarpen legal baten beldurrik gabe, ikertu, berrikusi eta aldatu ditzakegula. Jarraian film guztien zerrenda eta link-a, batzuk euskaraz azpititulatuak ikusteko aukerarekin:
(gehiago…)

Euskaraz errodaturiko ezinbesteko film eta dokumentalak

2014-12-23  //  Dokumentalak, Gomendioak, Pelikulak  //  Iruzkinik ez

Orain hilabete batzuk, Euskal laburmetraiak eta Euskarazko azpitituluekin ikus ditzakegun film onenak aipatu nituen, bada garaia beraz, Euskaraz errodaturiko filmei, merezi duten tartea eskaintzeko.  Eider Garaikoetexeren artikulu interesgarri honek dioen bezala:
“Euskal zinema, industria bezala ulertuta, 80ko hamarkadan jaio zen. Euskaldunen eta zinemaren arteko harremana, ordea, ez da atzo goizekoa. Zinemaren abenturari Europako beste herrikideek abiatutako momentuan ekin zitzaion Euskal Herrian ere. Lumiere anaiek 1895 aldera egin zituzten Parisen aurreneko zinema erakustaldiak. Handik urtebetera, izango zuten Biarritzeko biztanleek makina bitxi haren irudi zirraragarriak ikusteko aukera, eta denbora gutxiren buruan, berdin Bilbon, Gasteizen, Iruñean eta Donostian. Ez hori bakarrik, Lumiere anaien pelikula eta kamera erabilita, zenbait film errodatu zen Biarritzen, Gasteizen edo Bilbon. XX. mendearen hastapena film mutuen garaia izan zen. Euskal dokumentalaren arteak ere, sasoi honetan ditu erroak. Eusko Ikusgayak izenpean, Manuel Intxaustik euskaraz, gazteleraz eta frantsesez azpi-titulatutako dokumental sorta egin zuen…”Euskarazko zinemaren historiak bide luzea egin du gaurdaino, saiakera asko izan ziren 70-80ko hamarkadetan eta batzuek kale egiten zuten. Bi arrazoi nagusi daude horretarako: publikoaren erantzun eza eta errepresioa” 
Hementxe filmak eta dokumentalak, esan bezala Euskara hutsean errodaturikoak:

(gehiago…)

96 minutu Alfred Hitchcock-ekin

2014-12-22  //  Albisteak, Making of, Pelikulak, Sailkatugabeak  //  Iruzkinik ez

Sir Alfred Joseph Hitchcock  zinema zuzendari eta ekoizle ingelesa izan zen, thriller eta beldurrezko generoetan maisulan ospetsuen egilea. Lanean Erresuma Batuan hasi bazen ere, 1938tik aurrera Ameriketako Estatu Batuetan errodatzen hasi zen, eta 1956an, hango hiritartasuna erdietsi. 60 urteetan zehar 50 film baino gehiago zuzendu zituen. Dudarik gabe zinemaren historiak eman duen zuzendari onenetarikoa eta baita nire  gogokoenetarikoa ere.
Egunen batean luze eta zabal hitz egingo dut zuzendari handi honi buruz, baina oraingoan 1976 urtean bere azken filma aurkeztuz – Family Plot – La trama-  eman zuen hitzaldi bati buruz hitz egin behar dugu. 96 minutuko elkarrizketa honetan, bere ibilbidea, zinema ulertzeko modua eta estiloa eta hainbat pasadizo aipatuko ditu. Hementxe 96 minutuko “Masterclass” bat, Alfred Hitchcock-ekin:
 (momentuz azpititulurik gabe)

2014ko telesail eta mini-serie onenak

2014-12-19  //  Gomendioak, Telesailak  //  3 iruzkin

Urtero bezala, American Film Institute erakunde famatuak urteko 10 telesailen zerrenda osatu du, bertan: Game of thrones, Mad men, Jane the Virgin, Orange is the new black, Fargo, The Americans, Transparent, Silicon Valley, The Knick eta How to Get Away With Murder azaltzen dira. Alde batetik argi dago, Los Angelesetik haratago ez dutela begiratu ere egin nahi eta bestetik True detective bezalako maisulan bat kanpoan uztea, miniserie gisa kontsideratzen dutelako ez dela  bidezkoa. Beraz, barruan dudan egonezin hau kanporatzeko, nire zerrenda propioa osatzea erabaki dut, aurtengo telesail eta mini-serie onenen zerrendarekin alegia:
 
(gehiago…)

2014ko film onenak

2014-12-16  //  Albisteak, Gomendioak, Pelikulak  //  Iruzkin bat

 

Abenduan gaude dagoeneko eta urteroko erritua egitea tokatzen da. Bai, halaxe da, urte amaierara iritsi eta  TOP famatuak gora eta behera sarea betetzen hasten dira. Kasu honetan, nire ustez urte honek eman dituen film onenen zerrendarekin natorkizue.

(kontuan hartuta, Birdman, A Most Violent Year, Whiplash, Unbroken, Foxcatcher, Inherent Vice eta abar ez ditudala oraindik ikusi)

(gehiago…)