Indarkeriaren muga

2014-09-22  //  Pelikulak, Zinemaldia 2014  //  Iruzkinik ez

Indarkeriaren mugei buruzko hausnarketa sakon baten aurrean jartzen gaitu Ilmar Raag zuzendari Estoniarrak. Teknologiak izan dezakeen eragin negatiboa (ciberbullying-a) eta gizakiak sufritzeko duen gaitasunaren analisi bikain bat eginez. Ekoizpen Estoniar hau, orain arte ikusi dugun bullyng edo eskola munduko biolentzia horren eredu adierazgarrienetarikoa izan liteke (Gus van sant zuzendariaren  “Elephant” eta “Bully” dokumentalarekin batera, biak oso gomendagarriak).
Klass ez dabil itzulinguruka, zuzenean harira doa. Mutil horren eguneroko bizitza gogor eta latz horren ikusle zuzenak bilakatzen gaitu,  tonu erdi-dokumental bati esker. Pelikula hasten den momentutik aurreikusteko moduko bukaera izango duela badakigu eta  gezurra dirudien arren,  hori da nire ustez lorpen handiena. Ikuslea irrikan mantentzen baitu, amaiera hori lehen bailen iritsi dadin erregutuz.  Deseroso sentiarazten gaitu, sabela kolpatuz egongo balira bezala eta errealitate gordin horren parte izatearen gonbite zuzena eskaintzen du.
Azken finean, morala lurretik uzten duen film bikain eta gogorra. Eginkizuna betetzen duten interpretazio zuzenak, ongi marrazturiko pertsonaiak, trama interesgarria eta modu nahiko suntsitzailean errealitate horren testigu bilakatzen gaituen ekoizpen Estoniarra.
 
Saila: Atzera begirako tematikoa: Eastern Promises
KLASS / THE CLASS
Urtea: 2007
Zuzendaria: Ilmar Raag
Aktoreak: Vallo Kirs, Pärt Uusberg, Lauri Pedaja, Paula Solvak, Mikk Mägi
Estonia
99 minutu.

Hiri azpiko klaustrofobia argitsua

2014-09-21  //  Pelikulak, Zinemaldia 2014  //  Iruzkin bat

 
Budapesteko metroan bizi den faunari buruzko fabula gautar surrealista bat. 2004 urtean Cannes-en gazteriaren saria eta Europar sarietan zuzendari onenaren izendapena jaso zituen. Kontroll, bitxikeria hutsa da eta ez bakarrik Hungariarra delako,  argumentu arraroa duelako , kokapen geografiko-tenporal indeterminatua duelako, interpretazioak pintoreskoak direlako eta aukera txiki bat emanez gero ikuslea harrapatzeko gaitasun harrigarria duelako baizik.  Bitxia dirudien arren, nire ustez film honen eragozpen handiena, ikusleen %90ak dituen aurreiritzi negatibo horiek dira, batez ere pelikula Hungarriara dela entzuten dutenean.
Nabarmentzekoa, boskote protagonista (antiheroiak guztiz), Donnie Darko untxiaren bertsio xelebrea (modu batean esatearren) eta filmaren giroa, klaustrofobia argitsu bat? Oso gomendagarria batez ere zerbait desberdina ikusi nahi izanez gero, emaiozue aukera bat.
 
Saila: Atzera begirako tematikoa: Eastern Promises
KONTROLL / CONTROL
Urtea: 2003
Zuzendaria: Nimród Antal
Aktoreak: Sándor Csányi, Zoltán Mucsi, Csaba Pindroch, Sándor Badár, Zsolt Nagy
Hungaria
105 minutu.

Malenkolia urtezahar-gauean

2014-09-20  //  Pelikulak, Zinemaldia 2014  //  Iruzkinik ez

 

Maitasuna, bakardadea eta denboraren igarobideari buruzko istorio batekin etorri zaigu Germán Tejeira Uruguaidarra Donostiako Zinemaldira. “Zuzendaria berriak” sailean, bistakoa beraz bere lehen filma dela.
Patua bideratzeko asmoz, Uruguaiko herrixka txiki batera heltzen diren hiru pertsonaia gautar eta bakartiei buruzko hiru kontakizun. Beraien artean inongo harremanik ez duten arren, hainbat puntutan “ukitu” egingo dira. Nostalgiaz beteriko gidoia dugu esku artean;  xumea, apala baina eraginkorra era berean.
Hau guztia kontuan hartuz, ezin zaio askoz ere gehiago eskatu asmo handirik gabeko film honi. Justu xamar, baina eginkizuna betetzen du. Nahiko gustura ikusten diren 80 minutu atsegin.
 
Saila: Zuzendari berriak
UNA NOCHE SIN LUNA
Urtea: 2014
Zuzendaria: Germán Tejeira
Aktoreak: Daniel Melingo, Roberto Suárez, Marcel KerogliánZsolt Nagy
Uruguai
80 minutu.
 
 
 
 
 
 

Egiaren bila dabilenak, aurkitzeko arriskua izan dezake

2014-09-19  //  Pelikulak, Zinemaldia 2014  //  Iruzkinik ez

 

Aurtengo Zinemaldira joateko 25 proposamen

2014-09-10  //  Dokumentalak, Gomendioak, Pelikulak, Zinemaldia 2014  //  Iruzkinik ez

Egun batzuk besterik ez dira falta aurtengo Zinemaldirako eta hasi gara pixkanaka zer ikusi dezakegun pentsatzen. Urtero bezala, sail desberdinak aurki ditzakegu: Ofiziala, Zabaltegi, Perlak, Zuzendari berriak eta abar. Aldez aurretik gomendioak egiteko garaian konplikatua izan daiteke, gehienetan loteria antzeko bat izaten baita. Zinemaldiaren xarma horietako bat, ezezagunak diren film eta ekoizpenetan murgiltzea da, ezusteko maisulanak aurkitu baititzakegu, baina baita film nekagarri eta aspergarriak.
Aurten ez duzula “arriskatu” nahi? orduan zurea, “PERLAK” saila da. Espainian argitaratu gabeko urteko film luze nabarmenen aukeraketa. Sail honetako filmek kritikaren txaloak nahiz sariak jaso dituzte nazioarteko beste zinemaldi batzuetan.  Ideia bat egiteko, azken urteetan sail honetan ikusi ahal izan ditugun filmak: Inglorious Basterds, Gravity, Argo, Children of men, Prisoners, Little miss sunshine, Babel eta abar. Bestalde esan behar da,  film guzti hauen ibilbide komertziala askoz luzeagoa dela (batzuk Oskar sarietara iritsi dira), eta ziur, zinema aretoetan ikusteko aukera izango ditugula.
Beraz nire gomendioa sail guztien arteko “popurri” bat egitea, hau da, film ezezagunak hartu, perlak saileko pare batekin nahastu, eta beste sail desberdinekoekin  batera zuen  zerrendatxo  bat osatzea. Eginkizun horrekin laguntzeko, hementxe nire proposamenak:
(gehiago…)

Udazkeneko telesailen gida

2014-09-08  //  Albisteak, Telesailak  //  Iruzkin bat

Udazkena iristear dago eta honekin batera telesail askoren itzulera (AEB tan high season).  Estreinaldi ugari aurkituko ditugu  –Gotham esaterako-, betiko agurtuko direnak –nire kuttunen artean dauden Sons of anarchy eta Boardwalk empire–  eta  denboraldi berrien itzulerak –Homeland, The Good Wife, The Walking dead– .
Telesail guzti hauen artean gal ez zaitezten eta data guztiak argi ikusi ditzazuen, egutegi txiki bat egin dut. Badatoz udazkeneko telesailak!
(gehiago…)

Nola bizi seriezale amorratu batekin

2014-09-04  //  Sailkatugabeak, Telesailak  //  Iruzkinik ez

SERIEZALE AMORRATUOI, atal bat bestearen jarraian ikusteko egun osoa etxetik atera gabe egotea, normala iruditzen zaigu. Baita lagunekin edo familiakoekin genituen hitzorduei uko egitea ere, asteko atalari hutsik egin nahi ez diogulako. Walter white, Desmond, Mcnulty edo Tony Sopranori hurrengo astean zer gertatuko ote zaien ez dakigulako, lorik ere ez egitea. Edo gure telesail gustukoenak Emmy saria eramango duen ala ez jakiteko gaupasa luzeak egitea.
Guretzat “naturala” da, baina gurekin bizi den jendearentzat, –eta demagun 20 telesail batera ikusten ez dituztenentzat (hemendik aurrera “jende arrunta” deituko diegu)– zerbait arraroa edo ezohikoa da. Kondairak dio seriezaleak eta pertsona arruntak bizi litezkeela elkarrekin, badirela zenbait kasu munduan. Ez da erraza, baina ba omen daude.
Zaletasun kontrolaezin hori jasan behar duzuenon tokian jartzen saiatuko naiz, eta bide batez, ea gai zareten gure bitxikeriak ulertzen. Beheko iruzkinean zuen penak arindu behar dituzue, ziur nago terapia erabilgarri bihurtuko dela. Bide batez, elkarte bat sor dezakezue: “Kaixo nire izena Tamara da eta ni ere seriezale batekin bizi naiz”.
 
(gehiago…)

2014ko (orain arteko) 10 telesail onenak

2014-09-01  //  Gomendioak, Telesailak  //  Iruzkinik ez

9 hilabete pasa dira jada urtea hasi zenetik eta telesailen arloan balorazio txiki bat egitea tokatzen da. Estreinu ugari egon dira eta ia guztiak ikusten saiatu naiz ( begiratu hutsarekin eta nire telesailzaletasun friki senari esker, batzuk lehen atala ikuste hutsarekin  baztertu ditut). Pertsonaiengatik nabarmendu dira batzuk, besteak giropen edo atmosferagatik, besteak gidoi borobil batengatik eta musikarengatik, baina gutxi batzuk elementu guzti horiekin sinfonia perfektu bat osatzeagatik. Batzuk amaitu dira, beraz bidezko balorazio bat egin ahal izan dut, baina besteak atal batzuk soilik igorri dituzte edo denboraldi gehiago dauzkate datorren urterako prest. Dena dela, hemen doaz nire ustez, 2014 urteko lehen etapa honek eman dituen 10 telesail onenak:(INFO7 irratian ere hitz egin nuen honi buruz, hemen audioa entzungai nahi duenarentzat)

(gehiago…)

Zer gertatu zen "The Sopranos" telesailaren amaieran?

2014-08-29  //  Albisteak, Telesailak  //  Iruzkinik ez

“The Sopranos” telesailaren amaierak (historian egon den eztabaidagarrienetarikoa) zeresana ematen jarraitzen du. Pantaila belztu eta bukaerako tituluak azaldu zirenean, hainbat zaletuk ez zeukaten argi Tony Sopranoren etorkizuna.  “Solo miembros-en” jakarekin jo al zuten? Tipula-uztail horiek, Tonyren bizitza zirkularraren metafora bat al ziren? zer gertatzen zen Meadow aparkalekutik korrika zetorrenean?
(gehiago…)

Sei film luze aurkeztuko ditu Donostia Zinemaldiko Zinemira sailak

2014-08-27  //  Albisteak, Film laburrak, Pelikulak  //  Iruzkinik ez

Donostia Zinemaldiaren 62. edizioak sei film luze aurkeztuko ditu aurten Euskal Herrian ekoitziriko zinemari zuzendutako Zinemira sailean. Bi estreinaldik eta aurten ekoitzitako lau lanek osatuko dute film sorta.

Bi estreinaldiak Euskal Zinemaren Irizar Saria eskuratzeko lehiatuko dira, baita Zinemaldiaren beste edozein sailetan aurkezten diren eta gutxienez % 20 euskal ekoizpena duten gainerako lanak ere, betiere mundu mailako estreinaldiak badira. Irizar saria nori eman epaimahai espezifiko batek erabakiko du, eta saridunak 20.000 euro gordin irabaziko ditu, filmaren ekoizleentzat.

(gehiago…)