Ordenagailu ultra eramangarria erosiko dut?

Atalak: Uncategorized, Zientzia eta teknologia

Ordenagailu ultra-eramangarria

Wi-Fi sarea edo kable bidezko banda zabaleko konexioa dagoen lekuetan erabil daitezke. Txikiak dira, arinak, eta batez ere oso merkeak. Interneten nabigatzeko eta oinarrizko funtzioak egiteko erabiltzen dira bereziki. Moda bat dela diote batzuek, nahikoa ahalmen ez dutela besteek. Kontuak kontu, harrera oso ona izaten ari dira.

Ordenagailu ultra eramangarrien (UMPC) modelo merkeenak 300 euro inguru balio du. Herrialde pobreetara begira asmatu zituzten, baina merkatu aberatsenetan ari dira arrakasta lortzen. Ikasle eta profesionalek, negozio bidaiari zein motxileroek… jende askok erosi ditu ordenagailu horiek.

AEBetan minibook bezala bataiatu dituzte. Netbook ere deitzen zaie, notebook edo eramangarri tradizionalengandik bereizteko. 7-9 hazbeteko pantailak izan ohi dituzte eta kilo bateko pisua nekez gainditzen dute modelo gehienek.

Asus konpainiaren EeePC moduko eramangarri nanoak sarean nabigatzeko eta oinarrizko ofimatika funtzioak egiteko (testu-lanketa edo kalkulu-orriak, adibidez) pentsaturik daude bereziki. Argazkiak ikusteko edo musika entzuteko ere erabil daitezke. Tentazioari kosk egin aurretik, dena den, badira kontutan hartu beharreko gauza batzuk.

Oraingoz ez dute eramangarri handiagoekin eta mahai gaineko ordenagailuekin lehiatzerik, ezin direlako hain programa pisutsuak instalatu, artxiboak deskargatu, CD-DVDak ikusi eta grabatu, bideokonferentziak egin eta joko interaktiboetan parte hartu, besteak beste.

Memoria murritzeko eta potentzia mugatuko prozesadoreak erabiltzen dituzte, eta lan karga handiagoa eskatzen duten zereginetarako ezin dira erabili. Oro har, Windows XP, Windows Vista edo Linux sistema operatiboa eskaintzen dute, eta indar baxuko (1 GHz) Intel Pentium mikroprozesadoreak dituzte (PCek lau bider indartsuagoak dituzte). Disko gogorrari dagokionez, ultra eramangarri askok ez dituzte, eta USB gailuen flash memoriagatik ordezkatzen dituzte, adibidez.

Gainera, pantaila eta teklatua txikiak dira, eta denbora luzez erabiltzeko ez dira egokiak. Potentzia handiagoko edo denbora luzeagoz erabiltzeko eramangarria behar badugu, hobe da ultra eramangarri konbentzionala (11,1-13,3 hazbete eta 1-1,6 kilo) edo eramangarri arina (12,1-14,1 hazbete eta 1,7-2,5 kilo) erostea. Pantailek 800×480 pixeleko gutxieneko erresoluzioa dute eta Teklatudun eta teklatu gabeko ultra eramangarriak daude.

Dena den, modelo bakoitzak ezaugarri bereziak ditu. Hona merkatuan aurki daitezkeen ezagunenak:

– Assus EeePC 1000H

– Airis Kira 7

– HP 2133 Mini-Note PC

– Acer Aspire ONE

– Dell Inspiron Mini 9

Informazio gehiago:

– Netbook, gaur egungo ordenagailu txiki merkeak (29A bloga)

– Argazki galeria: Eramangarri nanoen aroa (El País)

– Ultra eramangarriei buruz Wikipedian (gaztelaniaz)

– Wikipedian frantsesez

– Ultra eramangarri merkea erosteko gida (Soitu.es)