Katalana, iPhone eta iPad-eko hizkuntza ofiziala
Kataluniako webgune ugarik errebotatu dute Apple enpresak zabaldutako albistea: aurtengo udan erabiltzaileen esku jarriko duen mugikorretarako sistema eragile berriak (OS 4.0) katalana izango du hizkuntza ofizial gisa. Internautak pozik dira, nahiz eta batzuek uste duten ez dela kasualitatea katalanezko bertsioa orain iragartzea, Apple-ek aurki Bartzelona erdian denda bat irekiko duelako.
Apple berandu heldu dela uste dute batzuek. “Hobe hori sekula ez baino”, diote askok. Ziurrenik izango du loturarik Bartzelonako dendarekin, baina kontua da erabiltzaile askoren desioak bete egingo direla. Aurki katalanez konfiguratu ahal izango dira iPhone, iPod Touch eta iPad eramangarriak, jailbreak izeneko prozesua erabili beharrik izan gabe. Jailbreak da aipatu hiru gailuetan kode ez ofiziala exekutatzea, Apple konpainiaren banaketa-mekanismoak lekualdatuz. Apple-ek banatzen duen software-kodea aldatzen da, eta erabiltzaileek aurrez Apple Store zerbitzuan eskuragarri ez zituzten hainbat aplikazio deskarga ditzakete, Installer, Cydia, Rock App eta Icy moduko instalatzaileen bitartez (Def.: Wikipedia). Kataluniarrek badute kontentu egoteko motiborik.
Iruzkinik ez
Trackbacks/Pingbacks