ANV eta “La furia española” (Kirola eta politika I)
Belauste, ANVren fundatzaile eta espainiar indarraren eredu.
Kirolaren eta politikaren arteko harremanek nahi adina artikulu idazteko aukera ematen dute. “ANVko fundatzaileetako baten balentriak sorrarazi zuen Furia española titulua”, irakurri dugu Interneten, gure erreportajerako (PDF) informazio bila ari ginela. 1920ko Anbereseko Joko Olinpikoetan, Jose Maria Belaustegigoitia Landaluce ‘Belauste’ Athletic-eko eta Espainiako selekzioko jokariak, Suediaren aurkako partidan “gol herkulear” bat sartu zuen: hiru defentsa eta atezaina indarrez gainditu eta ate barruan sartu zen baloiarekin. Gol horren harira, Herbehereetako egunkari batek gaur egun ere indarrean dagoen “furia española” terminoa erabili zuen Espainiako selekzioren jokoa deskribatzeko. Eta oraindik bada gol mitiko hura ANVko fundatzaileetako batek sartu izana ahaztu ez duenik.
1920an Belauste EAJko militantea zen, baina apur bat beranduago alderdia utzi eta ANVren sorreran parte hartu zuen, 1930ean. Ondoren, atzera berriro ere PNVren lerroetara itzuli zen. [Irakurri biografia osoa Wikipedian]
eta Espainiako futbol selekzioak etxean jokatu zuen lehen partida: Bilbon!! 😀