Guardia Zibila 2.0, droga saltzailea eta baserritarren kontuak
Hauek ez zuten Facebook ezagutu, baina beserritarrekin luzez aritzen ziren euren gauzez solasean.
Bere bizilagunak droga saltzen zuen. Horregatik laga zuen mezua Facebook-en, Delitu Telematikoen Taldeko (GDT) guardia zibilek ikus zezaten: “Nire bizilagunak droga saltzen du”.
GDTkoek, noski, nahiz eta soilik delitu telematikoez arduratzen diren, droga kontuak daramatzaten lankideei erakutsi zieten mezua. “Beitu, beitu ze abixu pasa digun Facebook-eko gure lagun batek”. Droga kontuak daramatzaten guardia zibilek, noski, lagun horren bizilaguna atxilotu zuten. “Jo, zein efektiboak diren GDTko friki hauek!”.
Juan Salom GDT taldeko komandantea pozik azaldu da, Facebook-en egin dituzten lagunek Internetekin loturiko delituak soilik ez, bestelakoak ere salatzen dituztelako. Ia 6.000 lagun dituzte jada, baina ez dira nahikoak. “Milioi bat lagun egitea gustatuko litzaiguke”, esan du.
Facebook-eko komentario guztiak aintzat hartzen ote dituzten galdetzean, komandanteak konparazio bitxia egiten du: “Irakurri besterik ez ditugu egiten. Hori bai, sare sozialak ikerketarako tresna oso baliagarriak dira. Mendian sakabanaturik zeuden baserrietara joaten zirenean, guardia zibilek horixe egiten zuen: jendeari galderak egitera abiatzen ziren, herritarrekin zuten harremana gal ez zedin”. Mundu osoko baserritarrak, elkar zaitezte… hemen: www.facebook.com/GrupoDelitosTelematicos
Iturria: Elpais.com.
jajajajajajaja! Mundu osoko baserritarrok, jaitsi baserri galduetatik eta joan gaitezen friky horiei birusak bidaltzera facebook bidez! jajaja
onaaa! Geyo, geyo, geyo!