33 urte eta gero, bueltan da Vuelta
Vincenzo Nibali italiarrak irabazi zuen iaz Espainiako Itzulia.
Vuelta a Españak Bilbo eta Gasteiz lotzeak min eman dezake. Ados. Etapa hasiera-irteerak antolatuko dituzten herrietako Udalek dirua beste edozertarako erabil dezakete. Ados. Efemeridea, errepikatzearen errepikatzeaz, gogaikarri bihurtuko da. Ados. Eta abar eta abar. Hala ere, ziklismo-zale bezala, albisteari ez diot vuelta gehiegi emango. Ez dakit lasterketa bertatik bertara ikusiko dudan. Hala bada, kontzientzia lasai asko dudala egongo naiz bide bazterrean. Konparaketak txarrak izan daitezke, baina Donostia, Bilbo, Iruñea eta Gasteizko futbol-zelai eta saskibaloi kantxetara doazenak Leo Messi, Cristiano Ronaldo, Carlos Navarro eta enparauak ikusteko aukera baldin badute, zergatik ezingo ditut nik tropeleko txirrindulari onenak zuzenean ikusi? Nahikoa zaplasteko jasotzen ditu bestela ere txirrindularitzak.
Espainiako itzuliaren ibilbidea gaur aurkeztuko dute, 12:00etan. Informazio gehiago hemen: www.lavuelta.com.
Espainiako selekzioak San Mamesen Brasilen aurka jokatzearen bezain aurka nago Españako Vuelta EHko errepideetatik pasatzearena. Joan daitezela antzarrak perratzera!
Boikot galanta egingo diegu nolabait… eta txirrindulariak errepidean geldi daudela jendeak karrera moztu duelako, orduan izango duzu munduko onenak gertutik ikusteko aukera, denbora luzez gainera.
Touché! Jada hiruk esan didazue gauza bera. Erabakiaren atzean arrazoi politiko hain argiak egonda, zail egiten zait nire postura modu koherente batean azaltzea. Boikota, karrera geratu, errepidean txintxetak zabaldu, bide-bazterreko zuhaitzak bota… albistea irakurri eta boteprontoan halako ideiak pasa zaizkigu askori burutik, baina gero barruan daramadan ziklismo-zale amorratua nagusitu da, eta… Joder, kontzientzia lasai asko neukan ba! Tira, nireari eusten diot, paretik pasatzean, ziklistak animatuko ditut.
Eta Tourrak Donostian etapa bat antolatzea? Edo Belgikan edo Holandan? Eta Espainiako edozein Ligatan Euskal Herriko taldeek bertan jokatzea? Ze ikuspegi hertsia!
Dirudienez, Vuelta ez da EHtik pasa atentatuak egoteko arriskua zegoelako. Dena den, desobedientzia zibila erabil daiteke kontrako jarrera agertzeko, Thoreauk azpimarratzen zuenez.
Eguna ona pasa!
Zuk egin nahi duzuna, Jon. Eta gu gurera: Oier, Carlos, Thoureau,…
Nik bakarrik gauza bat esango dut: Espero dut euskal independentismoa burua altxatzen ari den garai hauetan ez digutela horrelako golik sartuko.
Espero dut desobedientzia zibila bere adierazpenik gorenera eramaten jakingo dugula eta hurrengo urteetarako ibilbide berri baten hasiera izango dela (baita hurrengo belaunaldiak ispiratzeko ekintza ere). Herri bezala erantzun behar dugu eta VUELTA A ESPAÑAk ez duela Euskal Herritik pasa behar argi utziko dugula, ez badute nazioartean ridikulurik egin nahi behintzat. Gure bozgoragailu bezala erabili behar dugu.
Urtebete dugu zer egin pentsatzeko, baina ez dezagun mesedez ulertu 4 pertsonak egingo duten exerialdi bat bezala, baizik eta ehundaka pertsonak parte hartuko duten protesta masibo gisa. Bestela ez dute ikasiko.
Eta Jon (eta zu bezalako txirrindularitzazaleak), kirolaz disfratatutako territorioa markatzeko estrategia bat besterik ez dela konturatu behar zenuke, eta beraz, kirola joko bat besterik ez dela Euskal Herriaren nazio izaera baino askozaz garrantzi gutxiago duena nire ustez. Batzuetan ezin da dena. Lehentasunak jartzen ikasi behar da.
Touché, touché, touché! Gruyère gazta ematen dut. Soilik gauza bat, esandakoak ezkutatzeko Rubalada bat egin aurretik: Oier, arrazoi duzu, desobedientzia zibilaren bideari helduta, garrantzitsua litzateke herri bezala erantzutea. Aitortu beharra daukat, irain orijinal batzuekin batera (Azkunak-eta vueltaespañari babes osoa emateak gauzak konplikatu dizkit), desadostasuna errepideratzeko ideia are orijinalagoak entzuten ari naizela nire inguruan. Ez dakit ekintza horiekin bat egingo dudan (ez dut uste). Erabaki bitartean ixilik egongo naiz, lagunak egiteko abilidade ederra erakutsi dut-eta!