Eka24 0

Munduko Futbol Kopak isiltzerik izan ez duena

Atalak: Brasilgo Munduko Kopa 2014, Futbola

Askok pentsatzen genuen, nik behintzat bai, Munduko Futbol Kopa hastearekin batera Brasil astindu duten mobilizazioek ez zutela jarraipenik izango, estadioetako ikuskizunak protestak itzaliko zituela, hilabetez bederen. Hedabide nagusiek, gainera, horixe bera gertatzen ari dela sinetsarazi nahi digute, apenas ematen baitute Koparen aurkako egitasmoen informazio-irudirik, liskarrik sortzen ez bada behintzat. Protestek ez dute etenik izan, ordea.

Internet bilakatu da Nao tai ter Copa, Boycott Brazil 2014 edota Fifa go home lelopean egiten ari diren mobilizazioen bozgorailu. Han-hemen arrantzatutako irudiak jaso ditugu post honetan. Ugariak dira protesten zioak:

“Koparen ondarea: 250.000 lagun bizitokietatik kanporatuak. 2 bilioi xahutuak errepresio neurrietan”, dio atzo Rio de Janeiroko Copacabana hondartzan paratutako pankartak. (Argazkia: Enough is enough)

Garraio publikoaren garestitzearen aurkako manifestazioa, atzo Porto Alegren. (Argazkia: Enough is enough)

Manifestazioa atzo Sao Paulon. “Behera kapitalaren Kopa” dio pankartak (Argazkia: Enough is enough)

“Zapalkuntza, errepresioa”, dio favela batean jarritako pankartak. “Kopa gorrotatzeko arrazoiak” erakusten dituzte alboko argazkiek (Enough is enough)

Manifestazioa atzo, Rio de Janeiron (Argazkia: Ben Tavener)

Faveletako egoera salatzeko mezuak estadioetaraino heldu dira. Argazkian, Maracana.

Hilaren 12an Sao Paulon, Rafael Marques Lusvarghi ingeles irakaslea atxilotu zuten unea. Maes de Maio kolektiboak ohartarazi duenez, atzo berriro atxilotu zuten.

Irudi hau ere hilaren 12koa da. (Argazkia: Fábio Braga / Folha Press)

Irudi hau ere hilaren 12koa da. Maes de Maio elkartearen arabera, kalez jantzitako poliziek atxilotu zuten Marques atzo. (Argazkia: Fábio Braga / Folha Press)

Rafael Braga Vieira, de 26 anos,trabalhava como garimpeiro urbano, ou seja coletava antiguidades e objetos usados no lixo para vender nas feiras montadas por moradores de rua perto da Praça XV. No dia 20 de junho de 2013, por volta das 18 horas ele foi preso, voltando de seu garimpo para o sobrado abandonado que ele morava. Estava com duas garrafas de produtos de limpeza que pretendia levar para uma tia, quando foi abordado por PMs e conduzido à delegacia, onde as garrafas se "transformaram" em coquetéis molotovs. Ele foi condenado a cumprir pena de 5 anos e 10 meses no Presídio Bangu 5, em regime fechado. Não podemos esquecê-lo, não podemos deixar que esta injustiça seja mantida! Vamos pensar juntos o que fazer, mas uma coisa é certa temos que agir.

Rafael Braga Vieirak, Rio de Janairoko 26 urteko kale-saltzaileak, bi poto garbiketa-produktu zeramatzan iazko ekainaren 20an egindako manifestazio batean, Polizia Militarrak atxilotu zuenean, molotov koktelak zirelakoan. 5 urte eta 10 hilabeteko zigorra ezarri zioten. Espetxean urtebete egin duela-eta, manifestazioak egin dituzte Rion, “estatu terroristak” atxilotutakoei babesa adierazteko. (Argazkia: Maes de Maio)

Felipe Malavasik Facebook-en kontatzen du nola futbol partida bat ikustera zihoazenek manifestariak iraintzen zituzten. Azpialdetik erantzuna: “Ei burguês, a culpa é de vocês!” eta “Uh Patriota! Uh Idiota!” (sic)… Gurean ere aski ezagunak diren abestien leloak. (Argazkia: Molotov FOTO Independente)

Más de 800 personas ocuparon un pedazo de 200.000 metros cuadrados de terreno en el barrio de Morumbi, Sao Paulo, en las primeras horas del 21 de junio. La ocupación se completó en el transcurso de unas pocas horas, con ocupantes que llega en 14 autobuses de diferentes zonas de la ciudad y la construcción de más de 200 refugios hechos con palos de bambú y lonas.

Etxerik Gabeko Langileen Mugimenduak deituta, 200.000 metro koadroko eremua okupatu zuten asteburuan 800 lagunek Sao Pauloko Morumbi auzoan, Munduko Kopak areagotu egin duen espekulazioa salatzeko. (Argazkia: Oliver Kornblihtt / Midia Ninja)