Osasunari zorra “barkatu” dio Nafarroako Parlamentuak: politikarien erreakzioak

Atalak: Futbola

Nafarroako Parlamentuak –UPN, PSN eta PPren botoekin– onartu egin du Osasuna futbol taldeak Foru Ogasunarekin zuen zorraren –53 milioi euro– parterik handiena kitatzeko foru legea. Sadar estadioa eta Taxoareko instalazioak Nafarroako Gobernuari eman dizkio Osasunak. Gainerako alderdiek erabakia kritikatu dute.

Roberto Jimenez (PSN), Carlos Garcia Adanero (UPN) eta Alberto Cataán (UPN), artxiboko irudi batean (Argazkia: Nafarroako Parlamentua)

Deigarriak dira alderdietako ordezkariek esandako batzuk. PSNko bozeramaile Roberto Jimenez adibidez halaxe zuzendu zaie erabakiaren aurkakoei: “Dei nazazue demagogiko, baina zuek Osasuna EAEko futbol talderen baten filiala izatea nahi duzue”. Berria egunkariko kazetari Joxerra Senarrek bildu ditu erreakzioak:

Carlos Garcia Adanero (UPN): “Lege honekin agerian geratuko da nork nahi duen Osasuna salbatzea eta nork ez”.

Bikendi Barea (Bildu): “Europar Batasunak zazpi futbol talderi espedientea ireki bazien sozietate anomimo bihurtu ez zirelako, tartean Osasuna, pentsa zer gertatuko den orain”.

Patxi Zabaleta (Aralar-NaBai): “Etzi beste talde batek Osasunari fabore tratua egotzita salaketa aurkezten badu eta hemen hitzartutakoaren aktak eskatzen baditu, esango didazue Roberto Jimenezi entzuteko. Legea ez da komenigarria, eta Osasunari eta parlamentuari kalte egingo zaio”.

Txema Mauleon (Ezkerra): “Hemendik aurrera bi ogasun izango dira Nafarroan, bata zergadunentzat eta bestea Osasunarentzat. (…) Legearen esparruan balego, Osasunarekin hitzartuko litzateke eta kito. Legez kanpo dagoelako egiten da legea”.

Informazioa gehiago:

Osasunaren egoera finantzarioari eta foru legeari buruzko argibideak (2014-11-14)