FIFAko hainbat goi-kargu atxilotu dituzte ustelkeriagatik

Atalak: Futbola

Baur au Lac hotelean atxilotu dituzte FIFAko goi-karguak. (Pascal Mora / The New York Times)

[2015-12-21]

FIFAk zortzina urteko zigorra ezarri die Blatter eta Platiniri (El País)

[2015-05-27]

FIFA nazioarteko futbol federazioko zazpi goi-kargu atxilotu ditu poliziak Zurichen (Suitza), AEBetako Justizia Departamenduaren aginduz, FBIrekin elkarlanean. Iruzur, xantaia eta diru-zuriketa delituak leporatzen dizkiete, Suitzako Gobernuak jakinarazi duenez.

Joseph Blatter presidentea ez dago atxilotuen artean. Akusatuak “hamar baino gehiago” dira; guztiak ez daude uneotan Suitzan. 1990eko hamarkadaz geroztik 150 milioi euro baino gehiagoko sobornoak jaso izana leporatzen diete. Suitzako Gobernuko iturrien arabera, marketin enpresa eta telebista kateetatik heldu zen diru hori. Trukean, marketin, babesletza eta Ameriketako futbol partiden emisio eskubideak lortu zituzten.

AEBek, Suitzan atxilotutakoen estradizioa eskatu dute, leporatzen zaizkien delituak AEBetan hitzartu eta prestatu, eta ordainketak hango bankuen bitartez egin zituztelakoan.

The New York Times egunkariak akusatuen zerrenda plazaratu du:

– Jeffrey Webb: Ipar Amerika, Ertamerika eta Karibe uharteetako futbol Konfederazioko presidentea.

– Eugenio Figueredo: FIFAko presidente-ordea.

– Jack Warner: FIFAko presidente-orde ohia.

– Eduardo Li: Costa Ricako federazioko presidentea.

– Rafael Esquivel: Venezuelako futbol federazioko presidentea.

– José Maria Marin: Brasilgo futbol konfederazioko presidentea.

-Nicolás Leoz: Hego Amerikako konfederazioko presidentea.

– Julio Rocha eta Costas Takkas.

– Kirol-marketinarekin lotura duen hainbat enpresari: Alejandro Burzaco, Aaron Davidson, Hugo Jinkis, Mariano Jinkis eta José Margulies.

Akusatuak eta leporatzen zaizkienak, grafiko batean bilduta (The New York Times)

Informazio gehiago:

The New york Times

El País