Rio 2016: Joko Olinpikoetan zika birusa borrokatzeko neurri bereziak

Atalak: Joko Olinpikoak, Osasuna

Ameriketako hainbat herrialdek sufritu du zika birusaren eragina. Argazkian, fumigatze lanak El Salvadorreko Soyapango hirian. Fumigatzeen bidez eltxoak akabatzen diren arren, ez dira pentsatu bezain eraginkorrak, egun batzuen buruan eltxoak berriro agertzen direlako, eta erresistentzia gaitasun handiagoarekin gainera.  (Jose Cabezas / Reuters)

Eltxo baten (Aedes Aegypti edo Aedes albopictus) ziztadagatik transmititzen da zika birusa. Gogor zigortu du Brasil –Latinoamerika osoa oro har– azken hilabeteotan. Haurdun diren emakumeengan arreta berezia jarri dute agintariek, umeengan malformazioak eragin ditzakeelakoan.

Dengea, sukar horia edota chikungaña izeneko gaixotasunaren antzekoa da, baina ez da hain larria, Kolonbiako El Tiempo egunkarian irakurri dugunez.

Joko Olinpikoak abuztuaren 5ean hasiko dira, eta Rioko agintariek jakinarazi dute neurri bereziak hartuko dituztela, birusaren hedapena geratu aldera. Apirilaren hasieran instalazio olinpikoen gaineko kontrola areagotuko da, eltxoaren umealdi-guneak –ura geldirik dagoen putzuak batez ere– garaiz deuseztatu ahal izateko. Fumigatze masiborik ez dela egingo azaldu dute adituek, kirolari eta ikusleengan izan lezakeen eraginagatik.

Brasilgo Osasun Ministerioak adierazi duenez, abuztuan birusaren hedapena errazago geratzea espero dute, tenperatura baxuago eta hezetasun txikiagoa izango direlako.

Informazio gehiago:

Las medidas para combatir el virus zika en los Juegos Olímpicos de Rio (La Vanguardia)

El zika se ensaña con las embarazadas de Brasil (El País)

Zika: Olympics plans announced by Rio authorities (BBC)

Zika virus adding to long list of Brazil Olympics woes (CBS News)