Gizonezkoen “harmaila sakratuan” emakumerik ez esertzeko deia

Atalak: Futbola

Lazio futbol taldeko ultrek, Erromako estadio Olinpikoaren Curva Nord delakoan jartzen direnek, emakumeei zuzendutako panfletoak banatu dituzte asteburuan jokatutako partidan. “Guretzat leku sakratua da Curva Nord, idatzi gabeko kodea duen giroa behar da errespetatu”, irakur daiteke. “Lehenbiziko ilarak trintxera bat bailiran bizi izan ditugu beti, eta barruan ez dugu onartzen emakumerik, emazte edo bikotekiderik. Dei egiten diegu hamargarren ilaratik atzera esertzeko. Estadioa aukeratzen duena Villa Borghesesa egindako eskapadatxo erromantiko baten alternatiba moduan, eser dadila estadioko beste eremu batzuetan”.

Emakumeak hamargarren ilaratik atzera esertzera “gonbidatzen” ditu testuak.

Idatziak haserrea eragin du, baita harmaila horretan esertzen diren zenbait emakumeren artean ere. Erakundeetako ordezkariek, aldiz, garrantzia kendu diote. Lazio taldeko komunikazio arduradunak, esaterako, adierazi du “gutxiengo” baten ekimena izan dela; eta Italiako Futbol Federazioko komisario Roberto Fabbriciniren hitzetan, “udako broma” bat besterik ez da izan.

Agian, Lazioko ultrek Anne Frank irain bezala baliatu zutenekoa ere “broma bat” irudituko zitzaion…

(Batzuetan zalantza egiten dut horrelako panfletoei-eta oihartzuna eman beharko ote niekeen…)