Gabika: Txirrindularia izateko beharrezkoena, “amor propiua eukitzea”

Atalak: Uncategorized

Francisco Gabikagogeaskoa Ibarra, Patxi Gabika (Ispaster, 1937- 2014), 1961tik 1972ra izan zen txirrindulari profesionala, KAS taldean beti (1968-69an salbu). 21 garaipen lortu zituen, 1966ko Espainiako Vuelta tartean. Urte horretan, gainera, zazpigarren amaitu zuen Frantziako Tourra; eta urtebete geroago, Italiako giroan etapa bat irabazi zuen.

Patxi Gabikaren izena KAS taldeari lotua dago. Han eman zituen profesional bezala ia urte denak / @Urtekaria

1965eko ekainean elkarrizketatu zuen “Jarraiko Saizarbitoria” antzezle-kazetariak. Halaxe kontatzen du Zeruko ARGIA hartan: “Lekeition Ertzaiña etxean antzezten ari giñala, antzerkiaren atseden batean Gabika txirrindulari trebea ikusi nuan ta ezin noski izketaldi bat egiteko okasioa galdu…”

Hona elkarrizketako pasarte bat:

– Zer da beharrezkoena txirrindulari izateko?
– Amor propiua eukitzea.
– Gauz pozgarriren bat?
– Bai, Gipuzkoako txirrindulari onenakin probintzi orretako laisterketetan nabillelarik orko jendeak eskeintzen dizkidan txalo ta maitasun agiriak.
– Badakit txirrindularitza maite dezula ta onena izateko gogor saiatzen zerala; bainan txirrindularitza al da mundu hontan geien maite duzan gauza?
– Ez ta pentsatu ere. Txirrindulari baino lehen euskaldun naiz, ta geien maite dutana Euskal Herria da, ta amaren sabeletik ikasitako izkuntza: Euskera.

>>> Irakurri elkarrizketa osoa (1965-06-27)

Elkarrizketa guztiak:

Luis Otaño: ilusio aundiena, klasika bat irabaztea… eta ezkontzea (1963)

Txirrindulari trebia, Sagardui (1964)

Gabika: Txirrindularia izateko beharrezkoena, “amor propiua eukitzea” (1965)