Osasunako hainbat zalek boikota egingo diote Madrilen aurkako partidari, sarreren prezioaz kexu

Atalak: Futbola

Indar Gorri peñako kideak, Osasuna eta Real Madrilen arteko Ligako partidan.

Osasunak eta Real Madrilek Errege Koparen final zortzirenetako itzulerako partida jokatuko dute gaur Iruñean. Bazkideek sarreragatik 15-20 euro ordaintzea onartezina dela uste dute Indar Gorri, Eman Egurre eta Lizarra peñetako kideek, eta futbol zelaira sartuko ez direla jakinarazi dute.

“Real Madrilen aurkako Ligako partidan sarrerak oso garesti jarri zituen salgai Osasunako zuzendaritzak, jada abonua ordaindua zuten bazkideak babestu aldera, madrildarrak ikustea besterik nahi ez zuten bisitarien aurrean”, dio Indar Gorriren komunikatuak. Orain, ordea, abonua ordaindu dugunok ere sarrerak erostea nahi dute. Onartezina da, are gehiago krisi garai hauetan, bazkideen kontura euren diru-poltsak handitu nahi izatea. Konponbidea hori ez dela erakusteko, ez gara partidara joango”.

Dena den, partida hasi aurretik Osasunako jokalariak animatuko dituztela jakinarazi dute.

Nuestro compromiso con Osasuna es incuestionable pic.twitter.com/YYGjwj12gA

— C.A.O FIRM (@ederCarcastillo) January 13, 2014

comunicat d’Indar Gorri, aficonats Osasuna, contra el preu de les entrades del partit de Copa davant el Reial Madrid pic.twitter.com/ClWE7Ac9Um

— Carles Viñas (@CarlesVinyas) January 9, 2014

Indar Gorri peñako kideak, Real Madrilen aurkako Ligako partida hasi aitzin: