Neguko Joko Olinpikoak jarraitzeko gida –ez ofiziala–

Atalak: Kirola

Gobernuak propaganda homosexualaren aurkako legea onartu izana salatzeko manifestazioa (Argazkia: emeequis)

Historiako Joko Olinpikorik garestienak izango dira Sotxikoak. 36.000 milioi euroko kostua izan dute, Errusiako Gobernuak emandako datuen arabera. Dozena bat milioi gehiago eransten dituzte beste hainbat iturrik, Sochiko eta inguruko azpiegitura lan guztiak kontuan hartuta.

Giza Eskubideen Behatokiaren (HRW) hitzetan, ordea, kostu ekonomikoak ez ditu eskubide urraketak estali behar. Hala gerta ez dadin, kazetariei zuzendutako 30 orrialdeko gida plazaratu du, albistegai zer den jasotzen duena.

Besteren artean, azpiegiturak eraikitzen aritu diren immigranteen lan baldintza kaskarrak, azpiegitura horiek altxa ahal izateko Gobernuak egin dituen lur-desjabetzeak, gizarte ekintzaileen eta kazetarien aurkako jazarpena, LGBT mugimenduaren kontrako diskriminazioa, Kaukaso Iparraldeko gatazka eta pertsona desgaituek gainditu beharreko oztopoak mahai-gaineratu ditu HRW erakundeak.

Segurtasuna obsesio

Abenduaren 29an eta 30ean, 17 eta 14 hildako eta dozenaka zauritu eragin zituzten Volgograd hirian –Sotxitik 600 bat kilometrora– izandako bi atentatuk. Errusiako Gobernuak  islamisten aurkako errepresioa gogortu zuen, eta segurtasun neurriak zorroztu, obsesio bilakatzeraino ia.

Informazio gehiago:

Kaukasoko indigenez eta genozidioaz Twitterren: @NoSochi2014 [milesker erreferentziagatik @urtziurruti]

Webgune ofiziala:

Gaur arratsaldean hasiko dira Neguko Joko Olinpikoak. Kirol emaitzei buruzko informazio guztia webgune honetan kontsulta dezakezue: Sochi2014.com