Hernioko gurutzeak: argazki zaharrak

Atalak: Mendia

Mendizaleen kexek bultzatuta, eta inguruko udalen eta Erniozale kultur taldearen ekimenez, tontorra hartua zuten gurutzeak kentzen hasi ziren duela urtebete.

“Azken hamarkadan asko ugaritu dira eta Hernioko tontorra kanposantu itxura hartzen ari zen”, azaldu du Albizturko alkate Gregorio Iraolak Aiurri aldizkarian. “Oso zilegi da norbere familiartekoak gogoratu nahi izatea, baina hau ez da oroigarriak jartzeko toki egokia. Herri guztietan ditugu hilerriak eta jende gutxik dakien arren, jabetza publikokoak dira gainera, ez elizarenak. Hilerrietan gune zibilak jar litezke horrelako sentimenduak adierazteko”.

“Garbi esan nahi dut hau ez dela sinismenaren edo erlijioaren aurkako ekimena, ezta Herniorekin lotuta dauden usadio zaharren aurkakoa ere. Horregatik, kalbarioetako gurutzeak bertan utziko dira. Hamarkada luzetako usadioa da kalbarioena, eta gurutze horiek zaindu eta ahalik eta ondoen kontserbatzeko beharra ikusten dugu”, adierazi du Iraolak. Tontorreko gurutze handia ere dagoen tokian geratuko da.

Informazio gehiago: Eitb.com / Berria.info / Ser

GureGipuzkoa-ko artxiboa

Hernioko argazki zaharren bilduma polita osatu du Guregipuzkoa webguneak. Haietako batzuk ekarri ditugu hona:

Hernioko gurutze aurrean otoitzean. Polikarpo Elosegi, 1909.

Gailurra. Indalecio Ojanguren, 1920-30.

Gurutzeen aurrean otoitzean. Indalecio Ojanguren (data ezezaguna).

Gailurra. Indalecio Ojanguren, 1924.

Tontorrerantz. Jesus Elosegi, 1936.

Tontorra. Jesus Elosegi, 1936.

Gurutze berriaren inaugurazio eguna. Indalecio Ojanguren, 1947.

Aire zabaleko mezan. Indalecio Ojanguren, 1947.

Tontorra gurutzeekin. Juan San Martin, 1961.

Erromeria eguna. Indalecio Ojanguren, 1962.

Erromeria Zelatunen. Indalecio Ojanguren, 1962.