Palestinak eskatu du Israel FIFAtik kanporatzeko

Atalak: Futbola, Palestina

“FIFAren arauak errespetatzen ez dituen bitartean, palestinar kirola suntsitzeko ahaleginari eusten dion heinean, Israelgo futbol federazioa (IFA) kanporatu egin dezan eskatzen diogu nazioarteko erakundeari”, adierazi du Palestinako federazioko (APF) presidente Yibril Rayubek, Kairon emandako prentsaurrekoan.

Josep Blatter FIFAko presidenteari bidalitako gutunean (gaztelaniazko bertsioa / frantsesezko bertsioa), lurralde okupatuetako kirolarien eskubide urraketak nabarmendu ditu Palestinako federazioak: “Israelgo estatuak kontrolatzen du IFA. Israelen irudi positiboa promozionatzeko baliatzen du, herrialde demokratiko moduan aurkeztuz, non kirolari palestinarrek bermaturik izango luketen berdintasun eskubidea. IFAk ez du gezur hori sekula salatu. Israelek nazioarteko txapelketetan parte hartu eta FIFAko kide izateak, aditzera ematen du bere politikak onartuak direla; eta eraso militarrak inplizituki sarituak dira. Israelek apartheid politika, okupazioa eta garbiketa etnikoa gauzatzen dituela inork ez du zalantzan jartzen. NBEko adituek baieztatu dute. (…) FIFAri eskatzen diogu bere arauak bete ditzan. Arrazismoa eta diskriminazioa debekatzen ditu, joko garbia aldarrikatu, eta ez du onartzen kideetako batek beste bat zapaltzea”.

Hilaren bukaeran Israelgo ordezkariekin bilduko da FIFA, eta maiatzeko Kongresuan aztertuko du Palestinaren eskaera. Ebazpenak aurrera egiteko, beharrezkoa izango da Kongresuko 209 kideetako %66ak babesa ematea, gaur gaurkoz zail samarra dirudiena. Hainbat kolektibok deituta, Israel FIFAtik kanporatzeko manifestazioak egingo dira maiatzaren 28an eta 29an Zurichen, nazioarteko federazioaren Kongresua ospatuko den egunetan.

Informazio gehiago:

Israelek palestinar futbolaren aurka egindako erasoen zerrenda + gutunaren atxikimenduak (Boicotisrael.net)

“Azterketa FIFAri, palestinarren aurkako diskriminazioaren harira” (ElDiario.es)

“Israelen arrazismoa FIFAtik kanpora bidali” kanpaina (Facebook)

Gutuna FIFAri bidaltzeko:

Postaz:

Fédération Internationale de Football Association
Presidente Joseph S. Blatter
FIFA-Strasse 20. Boîte postale 8044 – Zurich. Suisse

E-postaz:

president@fifa.org / christine.botta@fifa.org / webguneko formularioa beteta