Kirol apustuak: Aragoik arriskua usaindu du; Carlos Soberak zabor gehiago bota du

Atalak: Gizartea

Helburuetako bat izanik “gizarteko sektore zaurgarrienak, gazteak esaterako, kirol apustuen mendera eror ez daitezen lortzea”, Aragoiko (Espainiako Estatua) Gobernuak lege berria onartu du, jokoaren sektoreko enpresen iragarkiak (kirol instalazioetan) eta babesletzak debekatzeko kirol-maila guztietan.

Codere enpresaren Arrasateko egoitza oihan pankartak jarri zituzten Jaiki taldekoek duela bi aste / GOIENA

Legea (2018ko abenduaren 19ko buletin ofizialean jasoa) urratzen duenak 6.001 eta 60.000 euro arteko isuna jasoko du, eta litekeena da kirol-lizentzia kentzea edota instalazioak ixtea, Ricardo Uribarri kazetariak azaltzen duen moduan CTXT webgunean plazaratutako artikuluan. Oraindik zehazteke dago legeak klub guztiei eragingo ote dien ala txapelketa profesionaletan –futboleko 1. eta 2. mailetan edota ACB saskibaloi ligan– salbuetsiak geratuko diren (badirudi hala izango dela); baita Aragoira jokatzera doazen talde aurkarien kasuan ere aplikatuko den ala ez (badirudi baietz).

Italiako ereduari jarraitzen dion lege honek aurre hartu dio Espainiako Gobernuaren (PSOE eta Podemosen) balizko araudi berriari, Palco123 agerkarian irakurri daitekeenez.

Carlos Sobera: “Publizitateak ez ditu ludopatak sortzen, utzi tontakeriak esateari”

Aragoiko legeaz idazten ari nintzela, txio hau topatu dut. Zera, Carlos Sobera jauna, utzi-utzi-utzi tontakeriak esateari, faborez.

Un amigo psicólogo que trata a ludópatas me contaba lo mal que lo pasan con algo que, para los que no lo somos, parece una chorrada: el "juega, juega, juega… gana, gana, gana" de @888sport_es es una auténtica tortura. Y @Carlos_Sobera un mierda. https://t.co/XIIAkx3Gir

— El Teleoperador (@teleoperador) February 9, 2019