Sagardui’tar Jon Joseba, txirrindulari trebia

Atalak: Txirrindularitza

Juan Jose Sagardui Ayastru (Zaratamo,1941 – Galdakao, 2010), Sagardui’tar Jon Joseba –1964an hari egindako elkarrizketa sinatu zuen Zeruko ARGIAko kazetari Basajaunek idatzi zuenez–, 1961etik 1969ra izan zen txirrindulari profesionala. 1963an Arrateko Igoera irabazi zuen, baita Euskal Bizikleta eta lasterketa horretako etapa bat ere. 1966an bigarren etapa bat irabazi zuen Euskal Bizikletan. Hark ere, Otañok bezalaxe, ez zuen Euskal Herriko itzulia lehiatzerik izan.

Ohean aurkitu zuen Basajaunek, elkarrizketatzera joan zitzaionean…

Beren etxeratu garenian oean aurkitu dogu, baña itandu dogunaz batera gure aurrera aurkeztu da, ta gure agurraz batera itandu dautsegu:
– Zer jazotenda JuanJo, (auetan esaten dautsegu adizkide guztiok) gaizorik al-zagoz ala?
– Ez, baña txirringutzan nabilenan goizetik bazkaldu ta oera juaten’naz atsedendu edo deskantzetan.
– Ederto dago ori kiroletik bizi dabenantzat.

Ondoren, sorlekuari buruzko galdera “tranpatia”…

– Ba, zure barri piskat ba’dakit baña zeuk esatia nayago dot: noz da nun jayo zintzan? Irri-barrez egoala berak baño lasterrago bere aitak erantzun dauskun: Orain ogetabi urte Zaratamo’ko Arkotxa auzumen.
– Orduban etsara galdakanotarra?
– Yayotzez ez, baña izatez bai. (…)
– Alantxe da, gizona ezta jayotsen dan errikoa, egiten danekoa baño. Guretzako bardin da Zaratamo’koa edo Galdakano’koa izatea, biskaitarra, Euskal_Erriko semea zera ta naikua da.
– Zenbat urte da txtrrindulari asi zintzala?
– Eztakit, gaztetxutan asi ta geyago nabil da.

>>> Irakurri elkarrizketa osoa: Txirrindulari trebia, Sagardui (1964-03-22)

Elkarrizketa guztiak:

Luis Otaño: ilusio aundiena, klasika bat irabaztea… eta ezkontzea (1963)

Txirrindulari trebia, Sagardui (1964)