Orduan, zerikusia du futbolarekin ala ez?

2014-12-02  //  Futbola  //  Iruzkinik ez

Madrilgo Atletico-ko zaleek aurtengo denboraldian egindako tifoetako bat.

“Noski futbola dela”, dio El Mundoko kazetari Manuel Jaboisek: “Manzanaresen gertatutakoak zerikusia du futbolarekin. Bateak, burdinezko makilak, amerikar ukabilak, botilak, hilotzak: futbolaren parte dira. Anputatu beharreko den parte ustel eta gangrenatua, baina futbola. Ez da gaurko kontua, eta ez da Espainian soilik gertatzen. Ez balitz futbola, albistea ez zen Madrildik aterako, mundu osoko egunkarietan azalduko. Noski futbola dela. (…)  Futbola da, ez da gizartearen arazoa, Simeonek dioen moduan, gizartearenak baitira arazo guztiak. Zure taldearen hintxa batek beste talde baten zalea hiltzea, eta “indarkeria adierazpen oro” kondenatzea, Simeonek egin bezala, arazo soilik futbolistikoa da”.

(gehiago…)

Faxismoaren aurkako elkarretaratzea gaur Bilbon

2014-12-01  //  Futbola  //  Iruzkinik ez

Ekintza Antifaxistak deituta, Kanpora faxistak kale eta harmailetatik lelopean elkarretaratzea egingo da gaur 19:00etan Bilboko Arriaga plazan, Frente Atlético talde neonaziak Deportivoko zalea hil eta biharamunean. (gehiago…)

Velon: txirrindularitza “zirraragarri, egonkor eta sinesgarriago” baten aldeko apustuaren argi-ilunak

2014-11-28  //  Txirrindularitza  //  Iruzkinik ez

Negozio-lerro berria da Velon, ziklismoaren egonkortasun ekonomikoa bermatzea xede duen proiektua. WorldTour kategoriako 11 egiturek (%60ak) jarri dute egitasmoa abian, adierazi duten arren zabalik dituztela ateak, bai gainerako taldeentzat, baita bestelako eragileentzat ere.

(gehiago…)

Osasunari zorra “barkatu” dio Nafarroako Parlamentuak: politikarien erreakzioak

2014-11-28  //  Futbola  //  Iruzkinik ez

Nafarroako Parlamentuak –UPN, PSN eta PPren botoekin– onartu egin du Osasuna futbol taldeak Foru Ogasunarekin zuen zorraren –53 milioi euro– parterik handiena kitatzeko foru legea. Sadar estadioa eta Taxoareko instalazioak Nafarroako Gobernuari eman dizkio Osasunak. Gainerako alderdiek erabakia kritikatu dute.

Roberto Jimenez (PSN), Carlos Garcia Adanero (UPN) eta Alberto Cataán (UPN), artxiboko irudi batean (Argazkia: Nafarroako Parlamentua)

(gehiago…)

Anoeta eraberritzeko obrak: datuak

2014-11-26  //  Futbola  //  Iruzkinik ez

Anoetako estadioa, atletismo pistarik gabe.

Berrikuntzak

Donostiako Anoetako estadio eraberrituak ez du atletismo pistarik izango, eta orotara 40.000-45.000 ikusle hartu ahal izango ditu –gaur egun 32.076 eserleku ditu–.

Estalkia berritu eta estadio inguruko kaleetan hobekuntzak egingo dira.

(gehiago…)

Futbola eta ustelkeria: atxiloketak Frantzian, irregulartasun salaketak FIFAn

2014-11-19  //  Futbola  //  Iruzkinik ez

Vincent Labrune eta Jean-Claude Dassier, Marseillako Olympique taldeko presidentea eta presidente ohia (Argazkia: Yahoo)

Frantzia aldetik datoz lehendabiziko bi albisteak. Batetik, Marseillako Olympique taldeko presidente Vincent Labrune atxilotu du poliziak, André-Pierre Gignac aurrelariaren fitxaketaren ingurumarian fondoak bidegabe erabiltzeagatik. Aurreko bi presidenteak (Jean-Claude Dassier eta Pepe Diouf) ere atxilotu ditu, baita taldeko gaur egungo zuzendari nagusi Philippe Pérez ere, banatutako balizko komisioak direla-eta, Le Monde egunkariak jakinarazi duenez.

Bestetik, ustelkeriagatik eta hainbat partidetan ustez iruzur egiteagatik, Frantziako 2. mailako (Ligue 2) hainbat agintari eta entrenatzaile atxilotu dituzte, Le Point astekariak plazaratu duenez. Tartean daude, besteak beste, Nimes eta Caengo Stade Malherbe taldeetako presidente Jean-Marc Conrad eta Jean-François Fortin; eta Dijon taldeko entrenatzaile Olivier Dall’Oglio.

Munduko Kopen hautagaitzak, erosiak?

Hirugarrenik, FIFA Nazioarteko Futbol Federazioak dio diru transferentzia susmagarriak topatu dituela 2018an Errusian eta 2022an Qatarren egingo diren Munduko Kopen egoitza-aukeraketen auzian. Suitzako Fiskaltzaren aurrean aurkeztu du salaketa FIFAk, susmatzen duelako hainbat lagunek diru kopuru handiak jaso dituztela bi hautagaitzak babesteagatik.

Albisteak harridura sortu du, FIFAk itxitzat eman zuelako balizko ustelkeria kasuen gaineko ikerketa. “Ez da inolako araudirik urratu”, adierazi zuen pasa den astean FIFAren Etika Batzordeko erabakitze organoko presidente Joachim Eckert-ek. Hark esandakoek haserrea piztu zuen erakunde barruan, bereziki diru-mugimendu irregularren inguruko txostena egin duen Michael Garciak gidatutako lantaldearen baitan.

FIFAren Etika Batzordeak bi ganbera ditu: Ikerketa-taldea, Garcia estatubatuarra buru duena; eta epaia ematea dagokiona, Eckert legelari alemaniarra buru duena.

Garcia txostena izenekoa egiteko urte eta erdi baliatu dute ikertzaileek; 500 orrialde inguru ditu, 75 lekuko baino gehiagoren adierazpenak bildu ditu eta 7,5 milioi euroko kostua izan du. Garciak berak eta FIFAko hainbat ordezkarik ikerketa itxitzat eman izana salatu eta txostena publiko egin dezatela eskatu badute ere, FIFAk ez du hura argitaratzeko borondaterik agertu.

Bestalde, Nazioarteko Futbol Federazioak adierazi du, salaketak salaketa, 2018 eta 2022ko Munduko Kopen egoitzak bere horretan mantenduko direla.

Ostegunean bilera egingo dute Garciak eta Eckertek, gauzak argitu eta  nondik jo erabaki aldera.

Bradley Wiggins, anime japoniar bateko izar gonbidatua

2014-11-18  //  Txirrindularitza, Zinema  //  6 iruzkin

Animaziozko film labur bitxia estreinatu du Japan Anima(tor)’s Exhibition proiektuak: Hill Climb Girl.  Azuma Tani, Mai Yoneyama eta Takeshi Miyagik sortua, 17 urteko neska baten –Hinako– istorioa du ardatz, gain batean dagoen ikastetxera bizikletan joaten dena, klasekide duen mutilarekin lehia bizian.

Sekula ez dio mutilari irabazten, harik eta egun batean Sky taldeko txirrindulari Bradley Wiggins bere alboan agertzen den arte… “Go, go!!”

(gehiago…)

Zorra kitatzeko ondasun guztiak eman ditu Osasunak

2014-11-14  //  Futbola  //  Iruzkinik ez

Askoren iritziz, Osasuna futbol taldeak sekula hartu duen erabakirik garrantzitsuena da hau: Foru Ogasunarekin pilatu duen zorraren parte bat kitatzeko –53 milioi eurotik 43–, Sadar estadioa eta Taxoareko instalazioak Nafarroako Gobernuari eman dizkio.

Krisi larria bizi du Osasunak. Aipatu 53 milioi euroko zuloaz gain, 22 milioi zor dizkie banku eta hartzekodunei : 75 milioi euro orotara.

(gehiago…)

Senyera Kopa: elastikoan hura daramaten futbol taldeak lehian

2014-11-13  //  Futbola, Herrialde Katalanak  //  Iruzkinik ez

Abenduaren 6tik 8ra bitartean Senyera Kopa jokatuko dute behe kategorietako hainbat futbol taldek Palau-solità i Plegamans (Bartzelona) udalerrian, hango futbol klubak antolatuta.

Kataluniako hainbat taldek darama senyera kamisetan.

(gehiago…)

Maroko, Afrikako Kopatik at, ebola dela-eta hura atzeratu nahi izateagatik

2014-11-12  //  Futbola, Maroko, Osasuna  //  Iruzkinik ez

Afrikako Futbol Konfederazioak (CAF) iragarri du Marokok ez duela Afrikako Nazioen Kopa jasoko, ebolaren birusa zabaltzeko beldurrak eraginda Rabatek txapelketa 2016ra arte atzeratzeko eskatu ostean. Halaber, Kopatik at utzi du herrialde afrikarra.

Boli Kostako futbol selekzioaren jarraitzailea, Afrikako koparako sailkapen faseko Sierra Leonaren aurkako partidan. (Argazkia: Getty Images)

(gehiago…)