Kontxan futbolean: Francoren yateak ez zuen Bilduk adina enbarazurik egiten

2014-11-05  //  Futbola  //  Iruzkinik ez

Onartu behar da Franco eta Bildu modu oso profesionalean lotu dituela El Confidencial agerkariko lerroburuak: “La Concha: del yate de Franco a la comuna del fútbol playero impuesta por Bildu” (Kontxa: Francoren yatetik Bilduk inposaturiko hondartza-futbolaren komunara).

Badaezpada ere, gauzak nahikoa argi geratu ez badira-edo, azalpena: “71 urteren ondoren, Gipuzkoako Futbol Federazioak uko egin dio Kontxako eskolarteko futbol txapelketa antolatzeari. Txapelketa berezi eta historiko honek, Realeko jokalari asko eman dituenak, Arconada edo Xabi Alonso esaterako, utzi egin dio lehengoa izateari, politikarien esku hartze eta inposizioagatik”.

Bilduri buruzko ohiko diskurtsotik haratago, eskola kirolak beharko lukeen funtzio hezitzailearen gainean Enrique Marín kazetariak agertzen duen axolagabekeria nabarmenduko nuke bereziki.

Lehendabizikoz ari dira nesken taldeak Kontxan. Egutegi-jokalekuak moldatzeak ez ditu guztiak ase… (Argazkia: Donostia Kirola)

(gehiago…)

Rayo-Eibar: Futbol modernoa jo-puntuan, harmailak Simpsondarren egongela bihurtuak

2014-11-04  //  Futbola  //  Iruzkinik ez

Ez da lehendabiziko aldia. Rayo Vallecano futbol taldeko zaleek ate atzeko harmaila hutsik laga zuten atzo, Eibarren aurkako partidan, negozioa ardatz duen futbol modernoaren aurka protesta egiteko. Zale euskaldunek ere bat egin zuten protestarekin, partidak astelehenetan jokatzearekin ados ez daudela adierazteko: “Izan asiar merkatua edo nahikoa kate ez dituen telebista operadorea asetzeko, zaleei –astean zehar harmailak erdi hutsik egoten dira– zein futbolari berari kalte egiten dioten erabakiak hartzen dira. Bien bitartean, inork ez du ahotsik altxatzen”, dio bi taldeetako zaleek plazaratutako oharrak.

Tira, ate atzeko harmaila huts hutsik ere ez zegoen. Simpondarrek euren egongela bilakatu zituzten aulki hutsak. Tarteka, marrazki bizidunetako pertsonaiek ordutegi duinen aldeko eta “futbol negozioaren” aurkako leloak erakutsi zituzten.

“Azken ordukoa Vallecanfieldetik. Futbol-negozioaren aurkako protesta berria” (Kent Brockman)

(gehiago…)

Ibai Ruiz (Iraultza 1921): “Futbola baliatzen dugu injustiziak salatu eta jendea kontzientziatzeko”

2014-10-30  //  Futbola  //  Iruzkin bat

Alaveseko zaleak biltzen dituen Iraultza 1921 kolektiboko kidea da Ibai Ruiz. Gasteizko Mendizorrotza zelaiaren 90. urteurrena dela-eta larunbaterako prestatu duten jaialdiaren harira elkarrizketatu dugu. Egitarauari heldu aurretik, dena den, taldearen ibilbidearen eta lan ildoen inguruan aritu gara solasean.

“Deportivo Alaves arrazakeriaren aurka”, dio graffiti erraldoia osatuko duen muraletako batek.

(gehiago…)

‘Cycling Party’ mahai-jolasa sortu dute bi arabarrek

2014-10-28  //  Txirrindularitza  //  Iruzkinik ez

Bi arabarrek, Leandro Perez ingeniariak eta Diego Hernando kimikan lizentziadunak, Cycling Party asmatu dute, txapa lasterketak [a ze oroitzapenak!] eta estrategia jokoak uztartzen dituen mahai-jolasa.

(gehiago…)

Eguna @irribarrez hasten jarraitzeko kanpaina abian

2014-10-24  //  Komikiak  //  Iruzkinik ez

Eñaut Aiartzaguena Bravok, egunari @irribarrez ekiteko gonbida luzatzen digun iurretarrak, komikiak argitaratzen jarraitzeko kanpaina abiarazi du Internetez.

“Komiki tirak erraz eta istant batean kontsumitzen diren arren, egiteak dezenteko lana eta dedikazioa eskatzen du”, dio aurreikusitako diru kopurua jada bildua duen Aiartzaguenak. “Horrekin batera webgunearen mantenuak eta komikien sorkuntzan erabiltzen diren materialek (margoek, Interneteko konexioak…) ere gastua dakarte. Halaber, komiki tira guztiak biltzen dituen liburuxka bat ere atera nahiko nuke”.

Ondoko irudiaren bidez azaldu du erabiltzaileek zein motako ekarpenak egin ditzaketen eta trukean zein opari jasoko duten.

Informazio gehiago:

Eñaut Aiartzaguenari elkarrizketa Anboto.org webgunean.

Ilustrazio iletsuak, depilazioaz eta beste

2014-10-23  //  Gizartea, Komikiak  //  Iruzkinik ez

Emakumeen ileen bueltan eraikitako ilustrazio eta iritzi artikuluak bildu dituzte Topatuko blogari Loinaz eta Maitanek Kontuz, ileak! goiburupean. Eurek egindako bi lan hauek daude tartean:

Ile onartuen mapa. Loinaz.

Besape IZUgarria. Maitane.

(gehiago…)

Ikur nazirik ez erakusteko eskatzea oraindik beharrezkoa denean

2014-10-22  //  Futbola  //  Iruzkinik ez

Real Madril eta Bartzelonak elkarren aurka jokatuko dute larunbatean Bernabeu futbol zelaian. Mundu osoa hara begira izango delako edo auskalo zergatik, Madrileko zuzendaritzak komunikatua (PDF) plazaratu du: zaleei eskatu die ikur eta bandera nazirik ez eramateko. Gogorarazi die Espainiako Estatuko eta nazioarteko hainbat erakundek ikur horiek erakustea zigortzen dutela. Agindua betetzen ez dutenei diziplinazko espedientea irekiko zaie.

Alegia, gaur egungo Espainian halako oharrak plazaratzea oraindik beharrezkoa dela. Eta beharrezkoa da, besteren artean, polizia eta epaileak ez direlako nahikoa gogor ari.

Real Madrileko zuzendaritzak zabaldu dituen irudietako batzuk.

(gehiago…)

Gaizka Garitano: “Euskal Herriaren independentziaren alde nago”

2014-10-20  //  Futbola  //  Iruzkinik ez

Gaizka Garitano, Bartzelonaren aurkako partidan (Argazkia: Mundo Deportivo)

Eibar futbol taldeko entrenatzaile Gaizka Garitanori elkarrizketa egin dio Alfredo Varona kazetariak Público agerkarian. Independentziaz galdetu dio, baita hura lortuz gero Eibar Espainiako Ligan gehiago arituko ez litzatekeela aditzera eman ere, Kataluniako erreferendumaren aurkako ahotsek Bartzelonako zaleei  zuzenduta hainbatetan errepikatu duten leloari –”Joka ezazue L’Hospitaleten aurka hala nahi baduzue!”– helduta.

(gehiago…)

Drone nazionalistak Belgradon eta Madrilen

2014-10-20  //  Kirola eta politika  //  Iruzkinik ez

Albania Handiko bandera zeraman droneak kalapita ederra sortu zuen duela astebete Belgradon, Serbia eta Albaniaren arteko futbol partidan. Bandera espainiarra zeraman paraxutistak, ordea, txalo zaparrada jaso zuen atzo Madrilen, Atletico eta Espanyol taldeen arteko partida hasi baino lehen. Identitate ikur diren banderak eta futbola… Arrazoi du espainiar prentsak, duela astebete zioenean politika (“nazionalismoa”) eta kirola nahasteak ezer onik ez dakarrela…

Stefan Mitrovic serbiarrak bandera albaniarra harrapatu zuen unea; eta Aire Armadako kidea Espainiako bandera lurreratzen, Atletico Aviación taldeari egindako omenaldian.

(gehiago…)

Hernioko gurutzeak: argazki zaharrak

2014-10-14  //  Mendia  //  Iruzkinik ez

Mendizaleen kexek bultzatuta, eta inguruko udalen eta Erniozale kultur taldearen ekimenez, tontorra hartua zuten gurutzeak kentzen hasi ziren duela urtebete.

“Azken hamarkadan asko ugaritu dira eta Hernioko tontorra kanposantu itxura hartzen ari zen”, azaldu du Albizturko alkate Gregorio Iraolak Aiurri aldizkarian. “Oso zilegi da norbere familiartekoak gogoratu nahi izatea, baina hau ez da oroigarriak jartzeko toki egokia. Herri guztietan ditugu hilerriak eta jende gutxik dakien arren, jabetza publikokoak dira gainera, ez elizarenak. Hilerrietan gune zibilak jar litezke horrelako sentimenduak adierazteko”.

(gehiago…)