Abiadurak izutzen duen txirrindularia

2013-07-09  //  Txirrindularitza  //  Iruzkinik ez

Thibaut Pinot frantziarra etsipenaren ateetan utzi du jaitsierei dien beldurrak. (Argazkia: La Depeche)

“Pertsona batzuek armiarma eta sugeei diete beldur. Nik abiadurari. Fobia diot”. Thibaut Pinot 23 urteko ziklista frantziarraren hitzak dira, iaz Frantziako Tourra 10. bukatu zuen baina aurten maldan behera zurrun, trakets eta geldo ikusi dugun ziklistarenak. (gehiago…)

UEFAk Gibraltar onartzen badu, Madril eta Barça Europatik ateratzeko mehatxua egin du Espainiak

2013-05-23  //  Futbola  //  Iruzkinik ez

UEFAk, Europako Futbol Elkarteen Batasunak, Gibraltar eskubide osoko kide bezala onartu ala ez erabakiko du bihar, Londresen egingo duen kongresuan. New York Times egunkariak plazaratu duenez, Espainiak mehatxu egin du: UEFAk Gibraltarren eskaerari baiezkoa emanez gero, Real Madril eta Bartzelona bezalako taldeak aterako ditu Europako txapelketetatik.

Gibraltarreko Futbol Federazioak 1997an egin zuen aurrenekoz UEFAn sartzeko eskaera.

Vilaweb.cat agerkarian irakurri du albistea, eta ondoren Twitterrez zabaldu, Axier Lopez futbolzale amorratuak (bere oskol alternatiboak bestelakoa erakusten duen arren).

Alain Orsoni, Ajaccio futbol taldeko presidentea: “Hil nahi banaute, erraz daukate, egunero ordu berean ateratzen naiz etxetik”

2013-05-09  //  Futbola  //  Iruzkinik ez

“Nire helburua da Errealaren antzeko taldea osatzea, nortasun indartsu eta familiaritate handikoa”
(Argazkia: Corsica Connection)

Alain Orsoni korsikarra eskuin muturreko militantea izan zen 1970eko hamarkadan, “neskak txunditzeko”, berak dioen bezala. Ekintzaile independentista izan zen ondorengo urteetan, eta 1990eko hamarkadan Nikaraguara egin zuen ihes. Duela bost denboraldi hartu zuen Ajaccio taldeko presidente kargua. Joachin Barbierrek eta Romain Canuttik Panenka aldizkarian egin dioten elkarrizketa euskaratu eta osorik jaso dugu blogean. ARGIAren 2.368. zenbakian argitaratutako Korsikako futbola: Nazionalismoaren suspertzeari helduta (pdf) erreportajearen osagarri da elkarrizketa hau. (gehiago…)

Eskalatzaileak eta sherpak, Everesten ukabilka

2013-04-30  //  Kirola  //  Iruzkin bat

Er(r)omeria munduko tontorrik garaienera.

Esaldiak ez du adiera bikoitzik. Antza, dozenaka sherpak hiru eskalatzaile europarri eraso egin diete Everesten, 7.000 metrora. (gehiago…)

Diputazioak Bilboko saskibaloi taldeari zorra barkatzea “eskandaluzkoa” da, oposizioaren arabera

2013-04-24  //  Ekonomia, Kirola  //  Iruzkinik ez

Bilbo Basketeko jokalariak burumakur, Eurokopako finala galdu ostean. Taldearen biziraupena bermatzea ei da Diputazioaren asmoa.

Jose Luis Bilbao Bizkaiko ahaldun nagusiak bazekien erabaki polemikoa dela, baina aurrera egin du: Uxue Bilbo Basket taldeari 5,2 milioi euro emango dizkio Diputazioak aurten. 1,5 milioi eskura jasoko ditu, eta gainerako 3,7 milioi euroak Ogasunarekin duen zorra kitatu ahal izateko erabiliko ditu Uxuek. “Taldearen biziraupena bermatzea” da helburua. (gehiago…)

Jainko dirua futbol armarrien diseinatzaile, erlijioaren izenean

2013-04-11  //  Kirola  //  Iruzkinik ez

Qatarreko petrodolarrek babestutako Europako futbol taldeei buruz hitz egin nuen pasa den astean, ohartu gabe talde horien armarrietan ere izan dutela eraginik jabe berrien desioek.

Eman begiratua Paris Saint Germain (PSG) taldeko armarri hauei. Ezkerrekoa 2002tik 2013ko otsailera bitartean erabili zuten frantziarrek, eta eskuinekoa datorren denboralditik aurrera erabiliko dute. Urdin tonalitateak desberdinak izatetik harago, diferentziarik sumatu al duzue?

(gehiago…)

Incal: galaxia paraleloetan katramilatua

2013-04-09  //  Komiki kritikak  //  4 iruzkin

Nahitaez irakurri beharreko komikia dela uste du jende askok. Liburua utzi zidanak ere gauza bera pentsatzen du. Laga zidanean, ordea, gomendio bakar baina “inportantea” eman zidan: “Irakurtzen hasi baino lehen erre ezazu peta bat”. Garesti ordaindu nuen jaramonik egin ez izana.

John Difool detektibeak nola, halaxe hasi dut komikia, buruz behera.

(gehiago…)

Euskal Herriko itzulia: Lehoi bihotza eta cannabis usaina

2013-04-03  //  Kirola  //  Iruzkinik ez

Gauza kuriosoak irakurtzen ari gara egunotan Twitterren, Euskal Herriko txirrindulari itzuliaren inguruan. (gehiago…)

Zergatik erosten dituzte arabiar boteretsuek Europako futbol taldeak?

2013-04-02  //  Ekonomia, Kirola  //  Iruzkinik ez

Abdullah ben Nasser Al Thani jekea, Malagaren bufandarekin; Leo Messi Bartzelonako jokalaria; eta Nasser Al-Khelaifi PSGko presidentea, Slatan Ibrahimovic fitxatu zuenean. Guztiek jokatuko dute Europako Txapeldunen Ligako azken fasea.

Europako Txapeldunen Ligako azken fasea jokatuko duten zortzi futbol taldeen artean, Qatarreko petrodolarrek babestutako hiru daude: Bartzelona, Malaga eta Paris Saint Germain (PSG). Al-Thani dinastia boteretsua eta Qatar Sport Investment inbertsio funtsaren adarrak ageri dira operazio guztien atzean.

(gehiago…)

“Sexia” naun, beraz lekutxoa dinat kirol prentsan

2013-03-08  //  Gizartea, Hedabideak, Kirola  //  Iruzkinik ez

El Mundo Deportivok ‘Bola rosa’ atalean paratzen ditu argazki-bilduma “sentsualak”. ‘Balón rosa’ atalean Sportek. Sarri egiten dute bat kirol prentsak eta prentsa arrosak, hartzaile ustez desberdinak dituzten arren.

Emakumezko kirolari “sexiek” aukera handiagoa dute kirol hedabideetan agertzeko, “sexiak” ez diren emakumezko kirolariek baino. Are gehiago, kirolariak ez diren emakume “sexiek” aukera handiagoa dute kirol hedabideetan agertzeko, emakumezko kirolari ez “sexiek” baino.

(gehiago…)