Ainhoa Murua: “Joko Olinpikoak irabaziz gero, lau urterako zara txapelduna”

2012-06-26  //  Kirol psikologia  //  Iruzkinik ez

Ainhoa Murua triatloilari zarauztarra hirugarrenez lehiatuko da Joko Olinpikoetan. Abuztuaren 4an egingo da emakumezkoen proba Londreseko Hyde Park-en. 1.500 metro igerian, 43 kilometro bizikletan eta 10 kilometro korrika. Atenasen (2004an) 24. bukatu zuen eta Beijingen (2008) 28.

(gehiago…)

Gurasoak, kirolari gazteen motibazio ala presio agente?

2012-06-21  //  Kirol psikologia  //  Iruzkinik ez

Kirol psikologiaren ingurukoak izan ditut hizpide hilabete honetako LARRUN aldizkarian. Gaurtik aurrera, paperezko edizioan sartzerik izan ez dudan materiala bilduko dut blogean, kirolari gaztetxoen gurasoek jokatzen duten rolari buruzkoak abiapuntutzat hartuta.

Espainiako saskibaloi liga profesionalak (ACB) 2010ean egindako film labur hau erabiliko dut sarrera moduan.

https://www.youtube.com/watch?v=3zfxFAKoZj8

Kontua da Eusko Jaurlaritzako Prospekzio Soziologikoaren Kabineteak iazko azaroan plazaratutako ikerketa batek emaitza nahikoa kezkagarriak eman zituela: elkarrizketatu zituen 820 lagunetatik %25ek esan zuen “gurasoen agresibitatea” dela eskolako kirol-lehiaketetan ekintza bortitzak (publikoaren eta kirolarien arteko hitzezko erasoak zein eraso fisikoak) egoteko arrazoi nagusietako bat. Apur bat gehiagok (%33ak) “heziketarik eza” bezalako kontzeptu askoz ere globalagoa aipatu zuen, %12ak gehiegizko lehiakortasuna, eta %10ak ingurukoek ekintzekin kutsatzea. Jokabide bortitzak saihesteko konponbideari dagokionez, %30ek erantzun zuen kirolarien guraso eta senideentzako kontzientziazio ekimenak bultzatzea ezinbestekoa dela, eta beste hainbestek esan zuen balioetan oinarritutako hezkuntza funtsezkoa dela.

Gutxi gorabehera elkarrizketatuen erdia joan zen azken urtean kirol-lehiaketaren bat ikustera, eta haietatik erdiak baino gehiagok esan zuen ikusi zuela publikoak kirolariei hitzez nola erasotzen zien. Datu bitxia da, lehiaketa horietan publikoaren ia %100 kirolarien senideek osatzen dutelako. Jaurlaritzaren galdeketa 15 urte edo gehiagoko 820 arabar, bizkaitar eta gipuzkoarrek erantzun zuten.

Informazio gehiago:

Kirola egiteko ohitura eta jokabide bortitzak kirol lehiaketetan (Eusko Jaurlaritzako Prospekzio Soziologikoen Kabinetea. 2011ko azaroa) [PDF]

Garraio publikoak emakume sentiarazten ninduenekoa

2012-03-02  //  Gizartea  //  Iruzkin bat

Iruñerrian, eskualde mailako garraio publikoa erabiltzen duten herritarren %78 emakumeak eta %22 gizonezkoak dira, Mankomunitateak emandako datuen arabera.

Ehuneko horiekin bat datoz zortzi urtetan lanera joateko erabili nituen tren (Renfe) eta autobusetako (TSST) datuak. Horregatik erosi nuen autoa. Nire maskulinitatea hain zegoen zartatua… (gehiago…)

Nazkatuta

2012-02-09  //  Dopina, Kirola  //  Iruzkinik ez

Ez neukan batere gogorik ‘Contador auziari’ buruz hitz egiteko. Nazka-nazka eginda nago (ziklismoaren jarraitzaile bezala). Sortu duen kalapita patriotikoari ordea ezin izan diot bizkarra eman (kazetari moduan).
(gehiago…)

Zergatik ez dago polizia-katurik?

2012-02-07  //  Uncategorized  //  Iruzkinik ez

Jaume Perich (1941-1995) marrazkilari kataluniarrak esaten zuen katuak gustukoago zituela txakurrak baino, polizia-katurik ez zuelako ezagutzen. “Perichek, agian, bestelako iritzia izango luke Mossoen erakustaldia ikusterik izan balu”, diote nobela beltzari buruzko Bartzelonako BCNegra asteko kideek. (gehiago…)

Susta dezagun euskaraaahh!

2012-01-31  //  Uncategorized  //  3 iruzkin

Ze demontre da hau? Euskararen erabilera sustatzea omen du xede bideo bero honek. Leizaola fundazioak egin du. Edonor plazerez urtzeko modukoa… Puf, bideoak gustu txarreko hainbeste txiste merke egiteko aukera ematen du, eta oso zaila da tentazioari eustea. Berriro diot, badaezpada ere: bideoan ageri diren bi film laburrek (Mendekua eta Euskaltegi bitxia izenekoek) “euskararen erabilera sustatzea” dute helburu, euskara aisialdirako ere baliagarria dela erakustea.

(gehiago…)

Igande bat ziklismoaren infernuan

2012-01-20  //  Kirola  //  Iruzkin bat

En Forårsdag i Helvede. Igande bat infernuan. Izenburu hori du Jorgen Leth daniarrak 1976an filmatutako dokumentalak. Askorentzat txirrindularitzari buruz sekula egin den filmarik onena da, eta urte hartako Paris-Roubaix klasiko handiaren ingurukoak biltzen ditu, ziklista, antolatzaile eta ikusleen ahotik. Iparraldeko infernua ere deitzen zaio galtzadarrizko zati, lokatz, matxura eta erorketek markatutako lasterketa horri, eta handik datorkio izena dokumentalari.
(gehiago…)

Euskal hiztunok ‘hispanoen’ iraultzarekin bat!

2012-01-17  //  Hizkuntzak, Uncategorized  //  Iruzkinik ez

Iluntzeko albistegietan ikusi nuen atzo: Antonio Banderas aktoreak Calderón de la Barcaren poesia bat errezitatu zuen Urrezko Globoen galan (Los Angelesen), gaztelaniaz. Apur bat geroago Sofia Vergara kolonbiarra hurreratu zen mikrofonora, Modern Family telesail sarituko aktoreetako bat: “Milesker Antonio, milesker Salma, sari hau nazioartekoa bilakatzeagatik. Bi hizkuntzatan jasoko dugu”, esan zuen, gaztelaniaz. Urrezko Globoen galako aurkezle Rick Gervaisek egindako txantxa bati erantzun nahi izan zioten. Ekitaldiko une batean, sari bat aurkeztera zihoazen Antonio Banderas eta Salma Hayek-en espainiar azentua eta ingeles maila kritikatu zituen.
(gehiago…)

Divac eta Petrovic: gerrak etsai bihurtu zituen anaiak

2011-11-22  //  Uncategorized  //  3 iruzkin

Vlade Divac eta Drazen Petrovic. Saskibaloi jokalariak ziren biak, serbiarra bata eta kroaziarra bestea. 1980-90eko hamarkadetan partida mordoa jokatu zuten elkarrekin, artean mutil koxkorrak ginenok jainkoturik geneukan Jugoslaviako selekzio mitikoan. Europako Txapelketa irabazi zuten 1989an, eta Mundukoa urtebete geroago. AEBetako NBA ligan jokatu zuten biek. “Anaiak” ziren, 1991n lehertutako Balkanetako gerrak “etsai” bilakatu zituen arte.
(gehiago…)

Ziklistak, naziak eta etorriko direnak

2011-11-10  //  Uncategorized  //  Iruzkin bat

‘Mezu gardena’ izeneko intoxikazio eta propaganda teknikaren erakusgarri dugu pasarte historiko hau:
 
“Juduak eta ziklistak dira Alemaniaren gaitz ororen errudun” dioen kartela erakutsi dio nazien propaganda ministro Goebbelsek Adolf Hitlerri.
– Zergatik ziklistak? –galdetu dio Hitlerrek.
– Horixe da, hain justu, kartela ikustean herritarrek galdetzea nahi dudana –erantzun Goebbelsek.
(gehiago…)