ETA

2011-09-14  //  Uncategorized  //  Iruzkin bat

Inportanteena argazki nagusian E-T-A hizkiak elkarren ondoan azaltzea da, posible bada hizki gaizto horien atzean jende are gaiztoagoa ageri dela. Hala egin zuten El Mundok eta La Razón egunkariek pasa den abuztuaren 26-27an, Twitterren-eta bolo-bolo dabilen artikulu honek erakusten duen moduan. Trikimailuak ez gaitu sobera harritu. Ia egunero aurki daitezke halako perlak egunkari batzuetan. Trebeenak, hori bai, El Mundokoak dira gure ustez. Begira bestela larunbateko artikulu honi. Titularra bera baino goiburu handi eta ponpoxoagoa fabrikatu dute guraize kolpe txiki batekin.

“kAHTeak txikitu” eguna Hernanin

2011-06-14  //  Azpiegiturak, Gizartea  //  Iruzkinik ez

Larunbatean (hilak 18) kAHTeak Txikitu eguna egingo da Hernanin (Gipuzkoa). 2010ean sortutako kAHTeak Txikitu kolektiboko kideen hitzetan, euren helburu nagusiak dira “Abiadura Handiko Trenaren proiektuak eragindako gertakari errepresiboak ezagutarazi eta salatzea, errepresaliatuen artean koordinazio minimo bat sortzea eta isunei aurre egitea mekanismo ezberdinen bitartez”. Hernaniko jaialdia (ikus egitaraua) da bultzatu duten egitasmoetako bat, eta han aurkeztuko duten dossierra beste bat. AHTren aurkako borrokan eman diren “kasu errepresibo (ia) guztiak” bildu ditu, eta 5 eurotan jarriko dute salgai.

Iturriak: Topatu.info / Gara

Nadal, jantzita batzuetan, biluzik besteetan

2011-06-06  //  Kirola, Uncategorized  //  Iruzkinik ez

Rafael Nadal tenislariak seigarren Roland Garros txapelketa irabazi zuen atzo. Gaur, Espainiar Estatuko egunkari ugariren azalean agertzen da haren argazkia, El Mundon adibidez. Eserita ageri da Nadal, eskuin eskuan txapeldunaren kopa eta bizkarrean Espainiako bandera dituela. Askok eraman dute azalera antzeko argazkia, baina bada desberdintasun handi bat, El Mundok berak deskubritu duen moduan: egunkari batzuetan espainiar banderarekin agertzen da, eta besteetan ez. Nadal jantzita erakutsi dutenak dira: La Razón, ABC, Marca, As eta El Mundo. Eta larrugorritan azaleratu dutenak: El País, Público, La Vanguardia, El Mundo Deportivo, Sport, El Diario Vasco eta El Correo. Milesker, El Mundo, internauta batek dioen moduan, argazkien “ñabardura ideologikoak” erakusteagatik.

Erroldatze susmagarriak

2011-04-20  //  Uncategorized  //  2 iruzkin

Espainia ia osoan izan dira erroldatze susmagarriak azken hilabeteotan, 1.000 biztanlez azpiko herrietan. Kasu bakarra dugu Nafarroan (Urraul Goiti); bakar bat ere ez Araban, Gipuzkoan eta Bizkaian. (gehiago…)

Hautagai zikinak

2011-04-19  //  Politika  //  Iruzkinik ez

Espainia osoko zerrendetan daude hautagai zikinak, salbu eta Katalunian, Errioxan eta Euskal Herrian.
(gehiago…)

Nora hoa, Mugipuzkoa?

2011-03-18  //  Uncategorized  //  Iruzkin bat

Zumarraga (hangoa naiz) eta Lasarte-Oria (han lan egiten dut) artean 48 kilometro daude. 120 kilometro orduko abiadura gainditzen duenean dardarka hasten zaidan autoan etorriz gero 35-40 minutu behar izaten ditut bidea osatzeko, eta garraio publikoa erabilita ordubete eta laurdenetik gora. Kontuan izan Renferen bi tren eta TSST konpainiako autobus bat hartu behar ditudala. (gehiago…)

Y272, Barcina gastronomiko-zoologikoa

2011-02-22  //  Uncategorized  //  Iruzkin bat

Y272: Yolanda en tu pueblo. Izen hori du Yolanda Barcina UPNko presidenteak hauteskundeetara begira abiarazitako kanpainak. “UPNko presidente izendatu nindutenean, erronka bat jarri nion nire buruari: Nafarroako Gobernuko presidentetzarako hautagai izan baino lehen, gure Komunitateko udalerri guztiak –272– bisitatzea”, dio Barcinak kanpainaren webgunean. Bere helburua ez omen zen “errekorrak haustea”, herritarrekin kalean aurrez-aurre hitz egitea baizik, nola bizi diren ezagutzea, euren kezkak zeintzuk diren jakitea… alegia, “entzun eta ikastea”. (gehiago…)

AStapotroak

2011-02-21  //  Hedabideak, Kirola  //  Iruzkinik ez

Ikusi bi argazki hauek.

Ezer arrarorik sumatu al duzue? Hala da: beheko irudian Athletic-eko atzelari bat –arrasto horiaren gainean egon beharko litzatekeena, behetik hasita bigarrena– desagertu egin da. Madrilgo As egunkariak publikatu du argazkia, Bartzelonak sartutako golean, Dani Alves jokoz kanpo zegoela argi uzteko. Zein majaderori bururatu ote zaio argazkia hala manipulatzea? Eta publikatzeko baimena ematea?

(Benetan, ez dakit kirol prentsak bezalako sentipen kontrajarriak inork sortzen dizkidan. Marca, As eta enparauak lotsagarriak iruditzen zaizkit sarri, baina batzuetan pentsatzen dut gustura arituko nintzatekeela horietako batean lanean, albisteei hankaburugabeko ekarpen originalak eginez).

Posdata: ASek barkamena eskatu du irudia aldatzeagatik.

Zikloturistak, ziklo asko, turismo gutxi

2011-02-16  //  Kirola  //  Iruzkinik ez

Ekainean Quebrantahuesos bizikleta martxa ezaguna egingo da Jaca (Espainia) inguruan. Ahal den moduan bukatzeko helburuarekin aterako dira batzuk, ahalik eta denbora onena egiteko asmoz besteak. Irabaztea izango dute batzuek xede. Quebrantahuesos martxa bat baita, baina (profesional frustratu batzuentzat) lasterketa izaera hartu duena, denbora eta sailkapen ofizialekin. (gehiago…)

Absolbitua

2011-02-16  //  Uncategorized  //  Iruzkinik ez

“Espainiako Federazioak ez du Contador zigortu, Rajoy eta Zapaterok presioa egin ostean”. Gara egunkariaren titularrak azaleratu ditu argien Alberto Contadorren absoluzioaren atzean egon daitezkeen arrazoiak, beste hedabide batzuek ere politikarien babesa hizpide duten arren. (gehiago…)