Guardia Zibila 2.0, droga saltzailea eta baserritarren kontuak

2010-09-23  //  Internet  //  2 iruzkin

Hauek ez zuten Facebook ezagutu, baina beserritarrekin luzez aritzen ziren euren gauzez solasean.

Bere bizilagunak droga saltzen zuen. Horregatik laga zuen mezua Facebook-en, Delitu Telematikoen Taldeko (GDT) guardia zibilek ikus zezaten: “Nire bizilagunak droga saltzen du”.
(gehiago…)

Vasco Aurrecochea atezaina, modaren ikono

2010-09-14  //  Kirola  //  2 iruzkin

‘Bat-goleiro’ deitzen diote Pablo ‘Vasco’ Aurrecochea atezain uruguaiarrari. Partida honetan jarri zioten ezizena gurekin poteatzera gustura eramango genukeen atezainari:

Ez da Batman, dena den, Vasco Aurrecochearen kamisetak apaindu dituen marrazki bizidunetako pertsonaia bakarra: Mickey Mouse, Hulk, Tasmaniako Deabrua, Tom eta Jerry… guztiek jokatu dute futbolean berarekin. Tipo xelebrea ‘vasco’ hori… zeren zain zaude, Caparros?

Vasco Aurrecochearen modeloetako batzuk. Besoetan harro erakusten du bere izena

Simpsondarren pailazaoarekin

Berdez, Hulk soinean.

http://damncoolpics.blogspot.com

Fernando Alonso, txalapartari

2010-09-09  //  Kirola, Musika  //  Iruzkinik ez

Fernando Alonso pilotu espainiarra txalapartari gisa ageri da bideo honetan, bera babesten duen marka batek antolatutako ekitaldi batean. “Alonso antzinako musika-tresna etniko bat jotzen ausartu da“,  titulatu du Marca egunkariak. Felipe Ugarte eta Beñat Iturrioz dira bi txalapartari anonimoak.

Anbotoko “Infernuko Zubiko” arrokak zartatuko dituzte

2010-09-06  //  Natura  //  Iruzkinik ez

Infernuko Zubia

“Infernuko Zubia” Anboto eta Alluitz mendien artean dago. Pasabide arriskutsu samarra da, alboetan 300 metroko bi amildegi dituena. Azken hamar urteetan, hamar bat lagun hil dira pasabide horretan eta Anbotoraino garamatzan ohiko bidean. Pasa den apirilean 58 urteko mendizalea zendu zen Infernuko Zubian, eta heriotza hark bultzatuta Bizkaiko Foru Aldundiak eta Mendizale Federazioak erabaki bitxia hartu dute: hango arrokak apur bat zartatzea.

(gehiago…)

Abertzaleak munduko txapeldunen aurka

2010-08-04  //  Kirola eta politika  //  Iruzkinik ez

Jose Manuel Calderon, Espainiako selekzioak Kanadaren aurka jokatutako partidan.

“Abertzales contra campeones del mundo”. El Mundo egunkarian irakurri dugu titularra, Lucha Antiterrorista goiburua duen orrialdean. (gehiago…)

Euskaltel-Euskadi “maldan gora” [mp3]

2010-07-06  //  Kirola, Musika  //  Iruzkinik ez

Etxe kantariak Euskaltel-Euskadiri kantu bat egin dio, txirrindulari taldearen eskariz, haren bidez girotzeko 2010eko Frantziako Tourreko mendiko etapak. Ziurrenik aurten ere Pirinioetara joango naiz lagunekin. Ohi bezala, kamiseta laranjarik ez dugu jantziko, ezta Etxek egindako abestia ozen kantatu ere. Euskaltel-Euskadiko txirrindulariak sutsuki animatuko ditugu, eztarria urratu arte, baina “marea laranjak” ez gaitu xurgatuko. Identitate kontuak.

Dena den, eta ereserki apur bat taberneroagoa gustukuago genukeen arren, abestia zentsuratzeko asmorik ez dugu inolaz ere. Hemen duzue entzungai: Maldan gora.

Euskal karperoak Euskal Herrira

2010-06-15  //  Kirola  //  Iruzkin bat

Igandea, arratsaldeko zortziak. Reala lehen mailan izango da. Jokalariak banan-banan atera dira zaleak agurtzera. Azkenetakoa izan da Mikel Labaka azpeitiarra. Mikrofonoa hartu du: “Eskerrikasko danai emandako laguntzagatik. Jaitsitako egunian esan gendun zaile izango zala.  Lortu deu, zorionak. Muxu bat kartzelan zaudeten Realzale guztioi. Ondo ospau ta segi burruken!”. [Ikusi ETBren bideoa, 12:35 minutuan]

Astelehena. Kronika Diario Vasco egunkarian: “También hablaron Ansotegi, Labaka –envió un abrazo a los que estaban en la carpa instalada en la explanada exterior–, Zubikarai y el lesionado Prieto”.

Yesteren ipurdiagatik, ‘El Correo’ popatik hartzera

2010-05-25  //  Hedabideak, Kirola  //  Iruzkin bat

Fran Yeste ipurdia agerian, Menorcan.

Larunbatean El Correo egunkariak Athletic-eko jokalari batzuen argazkiak plazaratu zituen. Menorcan zeuden, yate batean, Joseba Etxeberriaren agurra “ospatzen”. Lehenengo planoan Fran Yeste, biluzik, hauspez, yatearen aurrealdean etzanda. Yeste jada ez dago taldean, baina jokalari zurigorriei ez zaie gustatu argazki horiek aireratzea, eta El Correo “boikoteatzea” erabaki dute: “Onartezina iruditzen zaigu eremu pribatuko argazkiak publiko egitea. (…) Ondorioz, epe mugagabe batean, El Correo egunkariari elkarrizketarik ez ematea erabaki dugu”, jakinarazi dute ohar baten bidez.

Lankideek eskatuta, gauzak argitu aldera, eta Anjel Lertxundiri ikasitako bidetik:

OHARRA (Post scriptum)

“Popatik hartzera” horrek itsasontziaren atzealdeari egiten dio erreferentzia… ere bai.

Eskuina vs ezkerra, kirola ulertzeko modu bi

2010-05-21  //  Kirola eta politika  //  Iruzkinik ez

Manuel Vázquez Montalbán kazetaria.

1972an Manuel Vázquez Montalbán (1939-2003) idazle eta kazetariak Política y deporte saiakera (Andorra argitaletxea) plazaratu zuen. Liburu horretako hitzaurretik hartu ditugu lerro hauek. Vázquez Montalbanek berak idatzi zuen, hainbatetan erabili zuen Luis Dávila ezizenarekin. (gehiago…)

ANV eta “La furia española” (Kirola eta politika I)

2010-05-20  //  Kirola  //  Iruzkin bat

Belauste, ANVren fundatzaile eta espainiar indarraren eredu.

Kirolaren eta politikaren arteko harremanek nahi adina artikulu idazteko aukera ematen dute. “ANVko fundatzaileetako baten balentriak sorrarazi zuen Furia española titulua”, irakurri dugu Interneten, gure erreportajerako (PDF) informazio bila ari ginela. (gehiago…)