In your face… book

2009-11-08  //  Internet  //  Iruzkinik ez

Baditut bi lagun Facebook CIAk kontrolatzen duela diotenak. Duela urtebete-edo, sare soziala eta inteligentzia agentzia lotzen zituen albisteak irakurri genituen, baina aspaldian ez dut halakorik berriro entzun.

(gehiago…)

TAV Baskonia

2009-10-31  //  Azpiegiturak, Gizartea, Kirola  //  Iruzkin bat

Barrenak askatzera noa… Saskibaloia gustuko dut. Barçazalea naiz txikitatik. Caja Laboralekoak dira koadrilakoak, badakizue, TAU ohiaren aldekoak. “Barçak dirua du, TAUk borrokarako grina”, kokoteraino naukate Caracter Baskoniarekin.

(gehiago…)

Tortura musikala

2009-10-23  //  Nazioartea  //  Iruzkinik ez

Txisteak egiteko emango luke, gaia horren larria ez balitz. Kontua da AEBetako hainbat musikarik Etxe Zuriari eskatu diotela Guantanamoko presoei egindako galdeketetan erabili ziren kantuen zerrenda argitaratzeko.

(gehiago…)

“Caverna mediàtica espanyolista”

2009-10-03  //  Hedabideak, Politika  //  Iruzkinik ez

“Manipulazioaren profesionalek izorratu egin nahi gaituzte. Izorratu nahi gaituzte gure historiako unerik gozoenean gaudelako. Tira, ez naiz ezer berria deskubritzen ari, kobazulo mediatiko espainolistatik datorren prentsa delako”. Joan Laporta Bartzelona futbol taldeko presidentearen hitzak dira.

(gehiago…)

Laino guztien azpitik

2009-09-26  //  Internet  //  Iruzkinik ez

AEBetako Garraio Publikoaren Segurtasun Agentziak badu herritarren parte hartzea bultzatzea xede duen blog bat (www.tsa.gov/blog), itxura batean ezer arrarorik ez duena. Itxura batean diogu, ezkutuan bada ere, zerbait grandiosoa izan behar duelako.

(gehiago…)

Begi-niniari tiro

2009-09-19  //  Antzerkia, Gizartea  //  Iruzkinik ez

Bartzelonan bada plaza bat George Orwell izenekoa. La Mercé auzoan dago, Escudellers kalearen amaieran. Orwell, badakizue, 1984 nobela ezagunaren egilea da. Uneoro zelatan eta erasotzeko gertu dagoen arerio ikusezinaren aurkako gerra du hizpide liburuak. Guztia ikusten duen Anaia Handia terminoak Orwelli zor dio bere arrakasta. Tira, kontua da Orwellek bere izeneko plaza duela Bartzelonan, La Mercé auzoan, Escudellers kalearen amaieran. (gehiago…)

Warner-DC vs Disney-Marvel

2009-09-14  //  Literatura, Zinema  //  Iruzkinik ez

DC Comics-eko superheroiak.

Disney-ek Marvel konpainia erosi izanak entretenimenduaren industrian aldaketa handiak eragingo zituela genioen duela bi aste. Orduan ez genekien aldaketa horiek zeintzuk izango ziren, baina badirudi bi superpotentzien nagusitasuna indartzea besterik ez duela lortuko.

Disney-Marvel sozietateari kontra egiteko, Warner-ek DC Entertainment enpresa sortu du. Warner eta DC Comics elkarren eskutik zihoazen orain arte ere, baina enpresa berriarekin merkatu zabalagoa harrapatzea desio dute. DC-ko superheroiak pantailara eramateaz gain –Batman-ekin egin bezala–, bideojokoen merkatua eta Interneteko proiektuak ere bere gain hartuko ditu DC Entertainment-ek. Komiki aldizkarien kontrola ere izango du, noski.

Aldaketa ezezagunak, baina handiak

2009-09-01  //  Uncategorized, Zinema  //  Iruzkinik ez

Marvelen pertsonaiak.

Gehienok jakingo duzue jada Walt Disney erraldoiak Marvel konpainia erosi duela, 4.000 milioi dolarretan (2.800 milioi euro). Inor gutxi ausartzen da orain zer gertatuko den esatera, baina argi dago entretenimenduaren industrian aldaketa handiak izango direla.

Disneyren marrazki bizidunetako pertsonaiek (Mickey Mouse, Donald ahatea…) eta gaztetxoen idoloek (Hannah Montana, Jonas Brothers…) Marvelen super heroi boteretsuekin (Spiderman, Iron man, Hulk…) zerikusirik ez zutela uste genuen askok, Disney eta Marvel bi mundu ezberdinetako erreferentziak zirela. Arrosa kolorekoa lehena, ilunagoa bigarrena. Eta bat egin dute orain. Zergatik? Diruagatik, bai, baina zer aportatuko diote elkarri Marvelek eta Disneyk?

Disneyk 2006an erosi zuen Pixar animazio digitalaren ekoizpen-etxeak du giltzetako bat. Marvelek 3 D-ra salto egin nahi du, eta operazio honek izugarri erraztuko dizkio gauzak.

Bestalde, Hannah Montana eta Jonas Brothers bezalako pertsonaiek emakumezkoak erakartzen dituzte bereziki, eta Marvelen super heroiek gizonezkoak. Disneyk publiko hori ere harrapatuko du orain. Publiko hori, gainera, gaur arte izan duena baino helduxeagoa da.

Erosketak egitera autoan, faborez

2009-08-08  //  Gizartea, Uncategorized  //  Iruzkinik ez

Uste dut beste artikulu batean garraio publikoaren erabiltzaile tipoari buruzko lerro batzuk idatzi nituela. Laburrean, garraio publikoa –nik erabiltzen ditudan autobus eta trenak behintzat– bereziki ikasleek, etorkinek eta etxeak garbitu eta ume nahiz aiton-amonak zaintzen dituzten emakumeek erabiltzen dutela nioen. Zeharka bada ere, garraio publikoa-pribatua harremanari buruz esaten nuen, ñabardura batzuekin, ibilgailu bakoitza klase sozial bati lotu dakiokeela, adibide moduan jarriz Donostiako emakume batek nekez bidaiatuko duela bere etxean lan egiten duen emakumearen autobusean. (gehiago…)

Gurpilen gainean… gurpilpean

2009-08-01  //  Uncategorized  //  Iruzkinik ez

Istripua jasan duen bizikleta.

Datu bonbardaketa handia jasaten dugu egunero. Hedabideek zenbaki saltsa izugarriak eskaintzen dizkigute: Gerra-istripu-ezbeharretan hildakoak, zaurituak, ez dakit zein putrek lapurtutako euroak, Gibraltarreko tximu kopurua, krisiaren ondorioak, H1N1 sukarraren zabalkundea, immigrante gaiztoen eta delinkuentziaren arteko lotura objektiboki erakusten duten grafikoak… Hainbeste zenbakiren artean igeri egiten ikasi dugu, eta nekez sentitzen dugu itolarririk, zenbaki horien tentakuluak urrun sentitzen ditugun bitartean behintzat. Zenbaitetan, ordea, itsaso kolpeek bete-betean eman eta oreka gal dezakegu. Halakoxe zerbait gertatu zait, lau egunetik behin Espainiako errepide eta hirietan txirrindulari bat hiltzen dela irakurri dudanean. (gehiago…)