Sarkozy & Conroy, Internet with kondoi

2009-07-18  //  Hedabideak, Uncategorized  //  Iruzkinik ez

Strephen Conroy Australiako Gobernuko Komunikazio ministroa.

Nicolas Sarkozy, SGAE, Ramoncín… “egile eskubideen defendatzaile” ugari dugu inguruan, aliatuak batzuentzat, etsaiak besteentzat, guztiok entzun dugu noiz edo noiz eurei buruzko albiste edo komentariorik. Bada beste pertsonaia bat, Australiako Gobernuko Komunikazio ministroa, zerrenda horretan sartzeko meritu piloa egin dituena. (gehiago…)

“Oggi sciopero”, Berlusconiren aurkako blogogreba

2009-07-14  //  Hedabideak, Uncategorized  //  Iruzkin bat

Berlusconiren aurkako grebarekin bat egin duten blogariek paratutako oharra.

“Oggi sciopero”, gaur greba egingo dut. Italiako blogari ugarik paratu dute mezu hori euren web guneetan. “Questo blog alza la voce contro il bavaglio del DDL Alfano”. Blog honek ahotsa altxatzen du Alfano lege proiektuaren kontra. Besterik ez dute idatziko gaur. Silvio Berlusconi sex symbolaren latigazoei aurre egitea dute xede. Izan ere, Alfano izeneko legeak gartzela zigorra aurreikusten du intertzeptaturiko telefono deietako edukiak plazaratzen dituzten kazetarientzat. Eta “okerreko informazioa” 48 orduko epean zuzentzen ez duten blogarientzat, 13.000 euro arteko isunak. “Internet da Berlusconik kontrolatzen ez duen gauza bakarra, eta zentsuratu egin nahi du”, diote Enzo di Frenna, Marco Travaglio eta Alessandro Gilioli bezalako blogariek. Prentsa idatziko kazetariek ere grebarekin bat egiteko asmoa zuten, baina Alfano dekretuaren inguruko eztabaida parlamentarioa atzeratu egin denez, deialdia bertan behera utzi dute.

Grebaren web gunea: Diritto alla Rette.

Kaká eta Ronaldorekin, galegoz hobeto

2009-06-24  //  Hedabideak, Uncategorized  //  Iruzkinik ez

A Nosa Terra astekariaren azala.

Real Madrilek beherapenetan erosi dituen Kaká eta Cristiano Ronaldoren argazkiak ageri dira A Nosa Terra astekari galegoaren azalean. Eta titularrean: O galego é o máis útil para falar con Kaká e Cristiano Ronaldo. Alegia, bi futbolariekin hitz egiteko, galegoz zuzentzea dela hoberena. Azalpena, letra txikiagoz: Os dous novos xogadores do Real Madrid son as fichaxes máis caras da historia. Os dous falam portugués. Alegia, historiako fitxajerik garestienak portugesez mintzo direla. Hurbil bizi dira portugesa eta galegoa, espainola eta portugesa baino gertuago… futbolean, dena den, zerotan neurtzen den hizkuntza da nagusi.

Azal bitxia A Nosa Terrakoa. Onintza Irureta lankideak pasa den astean aipatutako beste hau ekarri dit gogora. Kazetariak idatz zezakeen: El euskera es lo más útil para hablar con Mikel Mindegia. Ez du horrenbesteko glamourrik, baina tira…

Coca-colaren iragarkia? Neska biluztu egin da eta!

2009-06-20  //  Zinema  //  Iruzkinik ez

“Wilbur Wright-en hegaldia, tranbian osteratxoa 1908ko Bartzelonan, eta Coca-colaren iragarkia, horiexek dira Europa Film Treasures filmoteka birtualean Internautek gehien ikusi dituzten hiru filmak”, dio Ciberpaís-eko albisteak. Grabazio laburrak dira, bitxiak oso, eta merezi du ordu laurden pantailaren aurrean emateak. Begientzat gozagarri, sorpresa atseginak eskaintzen dituzte hiru film horiek. Kolperik handiena Coca-colaren “iragarkiko” modeloak eman digu, soinekoa erantzi eta bular biluziak sagar batekin ferekatzen hasi denean. Apur bat geroago Coca-cola botila bat atera du poltsatik. Irudi freskagarriak direnik ezin uka baina…  “egitan Coca-colaren anuntzioa dela?” (gehiago…)

Twitter, kirolarientzako mesede ala kalte?

2009-06-08  //  Kirola, Zientzia eta teknologia  //  Iruzkinik ez

Duela astebete amaitu zen Italiako Giroa. Protagonista nagusiak txirrindulariak izan ziren, baina gonbidatu berezi batek ere eman zuen zeresanik. Twitter izeneko txoritxoaz ari gara. Italiako hedabideek zalaparta handia sortu zuten –horretan abilak dira– Lance Armstrong estatubatuarrak eta haren zuzendari Johan Bruyneel-ek ez zutelako prentsaurrekorik ematen, ezta elkarrizketak onartu ere. Twitter bidez zabaltzen zuten lasterketari buruzko euren iritzia. Bada, polemikak AEBetara egin du salto, NBA saskibaloi ligara. (gehiago…)

Shakespeare apur bat, eta odol tanta batzuk

2009-06-07  //  Komiki kritikak  //  Iruzkinik ez

'La tempestad' liburuaren azala

La tempestad. Santiago García / Javier Peinado
Astiberri (2008).
96 orrialde, koloretan. 16 euro. (gehiago…)

“Yes We Did” edo estrategia egokiaren arrakasta

2009-06-03  //  Hedabideak, Nazioartea  //  Iruzkinik ez

“Obamaren aldeko kanpaina ez da ongi atera soilik teknologia berriak erabili ditugulako, tresna horiek nola eta zertarako erabili argi geneukalako baizik. Kanpainak ez du medio sozialen indarra erakusten, estrategiarena baizik. Estrategia eraginkorra, hori da arrakastaren funtsa. Helburua ez zen Internet bidez jendea harremanetan jartzea, sarean zegoen mugimendua kanpoan, kalean islatzea baizik”. Rahaf Harfoush 25 urteko kanadarraren hitzak dira horiek. Barack Obama Etxe Zurira eraman zuen lasterketan parte hartu zuen, Internet bidezko kanpainaren arduradun bezala. Donostiako Kursaalen izan zen atzo, Yes We Can kanpaina Interneten nola garatu zen azaltzeko. (gehiago…)

Pedro Horrillok ARGIAn: “Pentsatzen ez duen txirrindularia ere ez da existitzen”

2009-05-18  //  Kirola  //  Iruzkinik ez

Pedro Horrillo.

80 metro. 80 metroko amildegi batetik erori zen larunbatean Pedro Horrillo txirrindulari ermuarra, Italiako Giroko 8. etapan [ikusi bideoa]. Hari laguntzera jaitsi ziren sorosleek uste zuten ez zutela bizirik aterako. Erratu egin ziren, baina Horrillok txikituta du gorputza. “Berriro bizikletan ibiliko da, baina ez profesional bezala”, esan du Rabobank taldeko medikuak. Izugarri gogorra da gertatutakoa. Putada latza. Horrillok, burua kaskoa eramateko soilik balio ez duela erakutsi digun txirrindulari-filosofoak, agur esan diezaioke bere ibilbide profesionalari. Ea behintzat bere onera etorri eta etxekoekin bizikletaz gozatzerik badaukan aurrerantzean. Albiste horren zain, 2004ean Amets Arzallusek ARGIArako egin zion elkarrizketa ekarri dugu hona. Txirrindularitzaz –bizitzaz– gogoeta interesgarriak laga zizkigun Horrillok.

Rodrigo Rosenberg-en bizikleta

2009-05-13  //  Nazioartea  //  Iruzkinik ez

Rodrigo Rosenberg abokatuaren gorpua,.

Munduari bira eman dio Rodrigo Rosenberg Marzano abokatuaren bideoak.  Igandean hil zuten Guatemalako Hirian, tirokatuta. Hil aurretik grabatu zuen bideoa. Bazekien arriskuan zegoela, eta berandu baino lehen, bera hiltzeko agindu zuten politikarien izenak kamera aurrean bota zituen: Alvaro Colom Guatemalako presidentea, Sandra Colom lehen dama eta Gustavo Alejos presidentearen idazkari pribatua. Guatemalako bankurik inportanteenaren (Banco Rural de Desarrolloren) ustelkeria eta diru-zuriketa azpijoko batean inplikatzen ditu hiruak. Gertatutakoa izugarria da, eta abokatuaren salaketak benetan larriak. Ni, ordea, haren “lasaitasunak” (nolabait deitzearren) harritu nau. Bazekien tirokatu egin zezaketela. Hala ere, akabatu zutenean, bizikletan zihoan, mountain bike miserable batean.

[Albistea Guatemalako Prensa Libre egunkarian eta Resistencia Bucare-Caracas webgunean]

Zinemara, futbola ikustera (falta zena…)

2009-05-13  //  Hedabideak, Kirola  //  Iruzkinik ez

Jaume Roures, Mediapro taldearen sortzailea

Geroz eta jende gutxiago joaten da zinema aretoetara. Sarrera + kokakola + palomitak = 10 euro. Gehi aparkatzeko arazoak-eta. DVDak nagusitu dira. Oro har, futbol zelaietara ere geroz eta jende gutxiago joaten da. Telebista nagusitu zaie. “Eta futbol zelaiko giroa zinemara eramaten badugu?”. Jaume Roures Mediapro taldeko akziodunaren ideia da: 2009-2010 denboraldiko Espainiako Futbol Ligako partida onenak zinema aretoetan eskainiko dituzte. (gehiago…)