Emakumezkoen futbol liga bertan behera: Txapelketa profesionala ez izatearen ajeak

2020-05-23  //  Uncategorized  //  Iruzkinik ez

Alemaniako emakumezkoen futbol liga maiatzaren 29an berrabiatuko den bitartean, beste herrialde batzuetako txapelketak bertan behera geratu dira, Espainiako Estatukoa kasu, gizonezkoen liga ez bezala.

Ainhoa Tirapu: “Ziurtzat ematen nuen ez ginela itzuliko. Guk ez dugu hainbeste diru mugitzen eta ez dauzkagu osasun-protokoloak betetzeko baliabideak” / Argazkia: @AthleticClub

(gehiago…)

Mendia ofizio duten langileek nola egingo diote aurre etorkizunari?

2020-05-02  //  Uncategorized  //  Iruzkinik ez

Aterpeetako langileak, ostatu eta tabernetakoak, mendiko gidak, salbamendu-taldeak… Makina bat pertsonak egiten du lan mendiari lotutako jardueretan. Bizi dugun egoera aintzat hartuta, nola egin aurre etorkizunari? Eta guk, alpinista trebatu zein noiz behinkako domingerook, berdin gozatu ahal izango ote dugu mendiaz epe ertainean?

Marmoladaren magalean, Dolomitetan / Argazkia: Lamochilademama.com

(gehiago…)

Osasuna auzia: Vizcay eta Archancorentzat, zortzi eta zazpi urteko espetxe zigorrak

2020-04-24  //  Osasuna  //  Iruzkinik ez

[2020-04-24]

Osasuna auzia: Vizcay eta Archancorentzat, zortzi eta zazpi urteko espetxe zigorrak

‘Osasuna auziarekin’ lotutako bederatzi lagun zigortu dituzte orotara, eta horien artean Angel Vizcay, Osasunako gerente ohia, izan da zigorrik handiena jaso duena (8 urte eta 8 hilabete). Miguel Archanco Osasunako presidente ohia eta haren zuzendaritza batzordeko kide izan ziren Juan Antonio Pascual eta Sancho Bandres ere zigortu dituzte.

Argia.eus

[2020-01-28]

Vizcay kasua: Mugikorrera deiak, itunak hoteletan eta garaje baten ordainketa (Diario de Noticias)

Tomás López, Osasunako kontulari ohia: “Zuzendaritzako kideek dirua eskatzen zidaten justifikaziorik gabe, 900.000 euro batzeraino”. (Diario de Noticias)

[2020-01-23]

Peraltak ere ukatu egin ditu Vizcay-ren salaketak

Osasunako presidente ohi Miguel Archancok epaiketaren bigarren egunean egin bezala, haren zuzendaritzako kide izan zen Txuma Peraltak ere Betisi 400.000 euro ordaindu izana soilik onartu du asteazkeneko sesioan. Gainerakoak ukatu egin ditu.

Iturria: Argia.eus

[2020-01-21]

Archancok partida bakarragatik ordaindu izana onartu du, Vizcay-k esandakoaren kontra

Miguel Archancok, 2012-14 artean Osasunako presidentea izandakoak, 2014an Betis taldeari 400.000 euro ordaindu izana onartu du, Valladolid mendean hartzeagatik. Esan du hori ez dela iruzur egitea, hirugarren bati irabazten saiatzeagatik ordaintzea ez delako “emaitza aurrez erabakitzea”. Gaineratu du ez zirela beste partida batzuen emaitzak adostu, Osasunako kudeatzaile ohi Ángel Vizcay-k baieztatu duen moduan.

Informazio gehiago: Argia.eus

[2020-01-20]

Hasi da epaiketa

Osasunaren zuzendaritzako sei kide ohi, Betis taldeko hiru jokalari ohi eta higiezinen sektoreko bi agente daude deklaratzera deituak, bi futbol partida erosi izanarekin lotuta. Ostegunera arte luzatuko da epaiketa, aurreikuspenen arabera.

Informazio gehiago: Argia.eus

[2017-03-21]

14 eta 12 urteko zigor eskaera Osasunako presidente eta kargudun ohientzat

Fiskaltzak 14 urteko kartzela-zigorra eskatu du Angel Vizcay Osasunako kudeatzaile ohiarentzat, eta 12na urtekoa Miguel Archanco presidente ohiarentzat eta Txuma Peralta zuzendaritzako kide ohiarentzat, klubeko diru-kontuetan aurkitutako irregulartasunak eta 2013-14 denboraldiko hainbat partidetako emaitza adostu izana ikergai dituen “Osasuna auziarekin” lotuta.

Informazio gehiago: Argia.eus

[2017-02-16]

Osasunaren auzian hemezortzi lagun inputatzeko zantzuak topatu ditu epaileak

Iruñeko 2. Instrukzio Auzitegiko epailearen arabera, Osasunaren kontuetatik 2,2 milioi euro atera zituzten azalpenik gabe 2012 eta 2014 bitartean, orduan presidente Miguel Artxanko zela. Ikertuetako hamaikaren kasuan, tartean Petar Vasiljevic egungo entrenatzailea eta Patxi Puñal jokalari ohia, epaileak artxibatu egin du horien aurkako auzia. Instrukzio fasea amaituta, epaileak uste du zantzuak daudela hemezortzi lagun epaitzeko.

Informazio gehiago: Berria

[2016-07-04]

Europako Batzordeak (EB) 5 milioi euroko zigorra eskatu du Osasuna eta Athletic taldeentzat, pribilegio fiskalak jasotzeagatik. Irabazi asmorik gabeko erakunde gisa tratatu zituen Estatuak, Espainian talde profesionalak elkarte anonimotzat hartzen direnean fiskalitate-mailan. Gainera, bi taldeek, baita Madrilek eta Bartzelonak ere, zerga-tipo baxuagoa (%25ekoa, gainerako klubena %30ekoa denean) izan zuten 20 urte baino gehiagoan, “justifikazio objektiborik gabe”, EBren arabera.

Informazio gehiago: Noticias de Navarra

[2016-03-01]

Patxi Izcok, 2002-2012 artean Osasunako presidente izan zenak, Fermin Otamendi epailearen aurrean deklaratu du astelehenean, 2003-2007 artean klubetik ateraz ziren 3 milioi euro zertarako erabili ziren argitu aldera. Esan du karguan zen bitartean ez zuela klubaren fondoetatik dirurik hartu. Aldiz, onartu du jokalariei beltzean ordaindu ziela zergak ekiditeko.

Izcok onartu du jokalariei beltzean ordaindu ziela zergak ekiditeko (Diario de Noticias)

Patxi Izco: “Kontzientzia oso lasai daukat” (El País)

[2016-01-28]

Osasunak 15,9 milioi eurotara iristen diren ordainketa irregularrak salatu ditu auditoretzan (Taxoareko Hitza)

Osasunako zuzendaritzak 2004tik 2013ra bitartean egindako 15,9milioi euroko gastu irregularrak salatu ditu Nafarroako Gobernuari aurkeztu dion auditoretzan. Patxi Izco eta Miguel Archanco presidente ohien kudeaketa garaiekin bat egiten dute beraz ordainketa irregular horiek guztiek.

[2015-12-02]

Kluba bera ere inputatzeko eskatu du LFP Espainiako Futbol Liga Profesionalak (Berria)

[2015-06-18]

‘Osasuna auziko’ sumarioaren atal bat argitaratu dute. Hainbat gauza argitzen hasita daude, besteak beste:

– Osasunak aurreko denboraldian 900.000 euro hiru partida erosteko erabili izanaren zantzuak daude.

– Zantzuak daude, era berean, ustez Portugalgo Flefield higiezinen enpresarentzat joan ziren 1.440.000 euroak beste zerbaitetarako erabili zirela.

– 21 lagun daude inputatuta. Besteren artean, Patxi Izco eta Miguel Archanco presidente ohiak, Angel Vizcay kudeatzaile ohia eta Patxi Puñal eta Damia Abella jokalari ohiak ikertzen ari da epailea.

Informazio gehiago:

Kontu ilunak, agerian (Aitor Manterola, Berria)

[EDITORIALA] Osasuna, kalte konponezina (Diario de Noticias)

Izcoren gastu ez justifikatuak. Bidaia, otordu, erosketa eta bestelakoen zerrenda. (Diario de Noticias)

[2015-03-25]

Kutz proiektuko kideek 1.500 sinadura aurkeztu dituzte. Auzipetuei bazkide txartela kentzeko eskatu dute (Javier Saldise, Diario de Noticias)

[2015-03-24]

10,2 milioi euroko fidantza zazpi auzipeturentzat (Gabriel González, Diario de Navarra)

[2015-03-23]

[ANALISIA] Osasuna auziko 19 auzipetuak (José Miguel Sánchez, Diario de Navarra)

[2015-03-16]

Kontuzek salaketa penala aurkeztuko du Sanz, Miranda, Vizcay eta Izcoren aurka (Jon Torner, ARGIA)

[2015-03-15]

[ANALISIA] Shakespearek baleki (Xabier Letona, ARGIA)

[ANALISIA] Diruaren arrastoan (Jesús Morales eta Patxi Cascante, Diario de Noticias)

[2015-03-14]

[ANALISIA] Osasuna-UPN elkar-hartzea: Horrela sortu zen Osasunaren zorra (Ramon Sola, Naiz.info)

Patxi Puñal: “Vizcay gezur mordoa esaten ari da” (E. Conde, P. Cascante eta U. Beroiz; Noticias de Gipuzkoa)

[2015-03-13]

Bertan behera utzi dute Osasunako bazkide konpromisarioen bilera (Ainhoa Oiartzabal eta Joxerra Senar, Berria)

Epaileak inputatu gisa deklaratzera deitu ditu hainbat jokalari (Diario de Noticias)

[2015-03-11]

Purroyren senide baten 600.000 euroko mailegua ere bai ikertzen ari dira (Diario de Noticias)

[2015-03-10]

“Yolanda Barcina isilik da orain, baina Izcok zuzendaritza utziko zuela iragarri zuenean, ondo goraipatu zuen bere lana…” (Xabier Letona, ARGIA.eus)

[2015-03-09]

Ogasuneko inspektore batek bazekien partiden emaitzak adostuak izan zirela. (Diario de Noticias)

[2015-03-08]

Epaileak espetxeratu egin ditu Peralta eta Archanco (Arantxa Elizegi, Berria)

[2015-03-07]

[ANALISIA] Bizkaik futbola astindu du (Joxerra Senar, Berria)

Eta Osasuna Frantziako Ligara joaten baldin bada? (Patxi Aranguren, Diario de Noticias)

[2015-03-06]

Patxi Izco Osasunako presidente ohia atxilotu dute (ARGIA)

[2015-05-05]

Osasunako Archancok eta Vizcayk komisaldegian pasako dute gaua (Xabier Letona, ARGIA.eus)

[2015-03-02]

[ANALISIA] Zalantza eta zor artean (Javier Saldise, Diario de Noticias)

[ANALISIA] UPNko hautagai Javier Esparza eta Osasunaren irregulartasunak (Aritz Intxusta, Naiz.info)

[2015-02-26]

Martxoaren 12an ezohiko batzarra egingo du Osasunak (Naiz.info)

Osasunak bere haserrea agertu dio Angel Vizcay-ri (Osasuna)

[2015-02-25]

[ANALISIA] Osasunak 32 milioi eurotan handitu zuen zorra CANekin 2009ko irailetik abendura (Joxerra Senar, Berria)

Langileek poliziaren aurrean deklaratu dute (Enrique Conde, Diario de Noticias)

[2015-02-24]

Osasunaren bulegoak miatu ditu poliziak (Noticias de Gipuzkoa)

Poliziak uste du zenbait dokumentu suntsituak izan direla (Enrique Conde, Diario de Noticias)

[2015-02-23]

[ANALISIA] CAN eta Osasuna: Hondoratze beraren bi aurpegiak (Aritz Intxusta eta Ramon Sola, Naiz.info)

375.000 euro joan ziren Osasunatik Flefield-era, Espanyolen aurka jokatu bezperan (Enrique Conde, Noticias de Navarra)

[2015-02-22]

Astebetean gertatutakoaren kronologia (Rafa Aguilera, @cafekutz)

[2015-02-18]

Osasunaren erreskateak eragin zuen zalaparta eta gero, Angel Vizcay kudeatzaile ohiak (erdian) partidak erosi zituztela salatu du orain. Miguel Archanko presidente ohia (ezkerrean) begi-puntuan du Ustelkeriaren aurkako fiskaltzak. Urak nahasi dira Sadar aldean (Argazkia: Diario de Noticias)

Osasuna futbol taldeak hainbat partida erosi zituen –2,4 milioi euroren truke– pasa den denboraldian, Angel Vizcay kudeatzaile ohiak SER irratian salatu duenez. Aitortu du, besteak beste, iazko maiatzean Betis taldeko bi jokalarirekin –Amaya eta Figuerasekin– bildu zela Madrilgo jatetxe batean, eta 250.000 euro eskaini zizkiela Valladolid taldeari irabazteagatik, eta beste diru kopuru bat hurrengo partidan Osasunaren aurka nahita galtzeagatik.

Maiatzaren 11ko jardunaldian Betisek 4 eta 3 irabazi zion Valladolidi. Osasunak, bestalde, bana berdindu zuen Espanyolen zelaian. Partida hori ere susmopean dago. Kataluniarrek mailari eustea lortu zuten, eta nafarrek esperantzari eustea. Ez zien balio izan. Osasuna bigarren mailara jaitsi zen. Baita Betis eta Valladolid ere. Osasunaren denboraldi amaierako beste norgehiagoka batzuk ere ari dira ikertzen Espainiako Liga (LFP) eta Ustelkeriaren aurkako fiskaltza, baita beste zenbait taldek azken hiruzpalau urteetan jokatutako partida gehiago ere, Marca egunkariak plazaratu duenez.

Artikuluan irakurri daitekeenez, fiskaltza Osasunako presidente ohi Miguel Archanco [2012tik 2014ra izan zen karguan] ikertzen ari da, ustez partidak erosten saiatzeagatik eta 2,7 milioi euro zertan gastatu zituen ezin argitzeagatik.

Osasunako gaur egungo presidente Luis Sabalzak onartu du “diru irteera arraroak” eman zirela, baina gaineratu du horrek ez duela esan nahi “irregulartasunak” gertatu zirenik. “Auditoriaren txostenaren emaitzaren zain gaude, erabakiak orduan hartzeko”.

Dena den, AS egunkariak adibidez jada plazaratu du informazio horren parte bat. Dioenez, 2.416.611 euroko diru-irteera du argitu gabe Osasunak. Honela banatuko litzateke: 900.000 euro higiezinen bi agenteri (Cristina Valencia eta Alberto Nolla), 1.440.000 euro Flefield elkarte portugaldarrari, eta 76.611 euro Lopez abizeneko jokalarien ordezkari bati.

Erreakzioak:

Zuzendaritzako kide ohi Txuma Peraltak adierazi du ezer ere ez zekiela. (Navarra Deportiva)

Kudeaketa Batzordeak eta haren aholkulariek ez zekiten deus (Navarra Deportiva)

Antonio Amaya, Betiseko jokalaria: “Taldea ez zen saldu. Hori gezurra da. Iker dezatela” (El País)

Eta erreskatearen puntu ilunak, oraindik argitzeke

Archancok, haren zuzendaritzako kideek, Vizcayk, Izcok [Osasunako presidentea 2002tik 2012ra], kudeaketa batzordeko ordezkariek… guztiek eman behar dituzte azalpenak, ez soilik partiden sal-erosketari dagokionez, baita Osasuna dagoen egoerara eraman duten gainerako kontuei buruz ere, Diario de Noticias-ek bere editorialean nabarmendu duen moduan. Auditoriaren txostena publiko egitea falta delako, baina baita UPNren Gobernuak Osasuna erreskatatzeko akordioaren alde ilun zenbait argitzea ere.

Espainiako Vueltak Euskal Herria abiapuntu… gauden egoeran?!

2020-04-23  //  Txirrindularitza  //  Iruzkinik ez

COVID-19 gaitza dela-eta, ekainaren amaieran hastekoa zen Frantziako Tourra bi hilabete atzeratu dute antolatzaileek (ASOk). Abuztuaren 29an abiatuko da. Intentzio hori dute behintzat. Ondorioz, beste lasterketa batzuk ere lekuz mugitu beharko dira, Espainiako Vuelta tartean. Abuztuaren 14an ez baizik eta urriaren 24an hasiko litzateke, nondik eta Irundik. Ez, hasiera batean ez zen handik ateratzekoa –4. etapa izan beharko luke Irungoak–, Utrecht hiritik (Herbehereak) baizik, baina Vueltaren “hasiera handia” hara eramatearen arduradun nagusietako batek, Cor Jansenek, adierazi du ez dela unerik egokiena aurreikusitakoari eusteko.

2020ko Vuelta 18 etapara murriztuko litzateke / Wikipedia

“Niri dagokidanez, urrian ez da Vueltarik izango Utrecht-en”, esan du RTV Utrecht kateak egindako elkarrizketan. “Vueltak festa folklorikoa izan behar du, jende guztiari zabalik dagoen ekitaldi publikoa”. Udazkenean egitea, baina, ez lizateke inbertsiorik onena izango. “Irudi benetan kaxkarra emango genuke, ez soilik publiko orokorraren aurrean, baita ziurgabetasun-egoeran dauden langileen aurrean ere, enpresa ugari erortzen ari diren garaiotan”. 2021ean Vuelta Burgosetik hasiko denez, Utrecht-era 2022an eramatea proposatu du, hiriaren 900. urteurrenarekin bat eginez.

Vueltaren antolatzaileen alternatiba zein den? Bada, itzulia urriaren 24tik azaroaren 15era egitea, Irundik hasita, Javier Guillén Unipublic-eko presidenteak SER irratian adierazi duenez. Lehen etapa hori Arraten amaituko litzateke. Ofizialki, baina, deus ez dakigu oraindik. Osasun agintariek zer erabaki zain daude Vueltaren antolatzaileak eurak ere, lasterketarekin zer egin jakiteko.

Une egokia al da?

Albo batera utzita “Espainiako” itzulia Euskal Herrian hasteak euskaldun zenbaitzuren barne-sistemetan eragin dezakeen karranka, une egokia al da hau diru publikoa kirol ekitaldi “handi” batera bideratzeko? Urria urrun dagoela esan dezake norbaitek, baina nork ziurta dezake ordurako COVID-19 kontrolpean izango denik, ez soilik Euskal Herrian, baita atzerrian ere, kontuan izanik dozenaka herrialdetako taldeak, babesleak, kazetariak eta ikusleak etorriko liratekeela? Ala ikuslerik gabe egingo lizateke, sare sozialetan hainbatek iradoki duen moduan?

Eta egin beharko litzatekeen inbertsioa… Ez dirudi unerik egokiena dirua Vueltara bideratzeko.  Agian, argintariek normaltasun irudia transmititu nahi dute, eta ziklismoa baliatu herriari poz bat emateko, komunitatea nolabait sendotzeko, kirola tresna eraginkorra baita zentzu horretan. Jokatu ez den Errege Kopa nola ospatu genuen ikustea besterik ez dago.

Ea jakinarazpen ofizialik heltzen den, Vueltaren balizko irteeraz balorazio zehatzagoa egiteko. Irungo Kirol zinegotzi Borja Olazabalek dioen moduan, Udalak ez du oraindik Vueltaren jakinarazpenik jaso. “Astero aldatzen dira gauzak; itxaron dezagun beraz”.

“Ilusioa”

AS egunkarian irakurri ditugu Olazabalen hitzak. Artikulu berean, lehenbiziko etapa litzatekeena amaituko den herriko –Eibarko– alkatearen, Miguel de los Toyosen, adierazpenak ere jaso ditu Javier Lekuona kazetariak: “Antolatzaileen esanetara gaude, eta data-aldaketari ez diogu trabarik jarriko. Lasterketa batzuk, Balentziaga edo Itzuliko lehen etapa tartean, bertan behera utzi edo atzeratu behar izan ditugu, eta ilusioa egingo liguke Vuelta hartzea, izan urrian zein azaroan”.

Vueltako beste etapa bat, hasiera batean hamargarrena behar zuena, Gasteizen hasi eta Gaubean amaituko da. Ana del Val Arabako Kirol diputatuaren hitzetan, “osasuna errespetatzeak du lehentasuna”, baina azkenean Vuelta egingo balitz, “pozik babestuko genuke, Arabarentzat oso garrantzitsua delako”.

Oso garrantzitsua? Ez dakit ba… Ramiro Gonzalez diputatu nagusiak jada esan du baliabide gutxiago izango dituztela, eta “behar berrien zerbitzura” jarri beharko direla. Vueltak hor zein paper jokatuko lukeen… Ausartuko ginateke esatera, egoera izugarri hobetuko ez balitz, lasterketa euren herrira ekartzea aurreikusten duten agintariek nahiago izango dutela bertan behera geratuko balitz. Ez baitirudi logikoena ziurgabetasun egoera honetan aurrera egiteak. Behin aztiarena egiten hasita, nire apostua da aurten ez dela Vueltarik izango.

Olinpiar Jokoak, 2021ean: Dopinagatik 2020ra arte zigortutako atletak, lehiatzeko moduan?

2020-04-22  //  Uncategorized  //  Iruzkinik ez

2020an egitekoak ziren Olinpiar Jokoak 2021era atzeratu dituztela-eta, bada atleta talde bat pozik egoteko motiboak dauzkana:  dopinagatik zigortuak izan eta 2021era arte lehiatzerik ez daukatenak. Dopinaren Aurkako Nazioarteko Agentziak (WADA) denbora-epeak aintzat hartuta ezartzen ditu zigorrak, eta ez kirol-ekitaldi konkretuen arabera, nahiz eta zigor horiek diseinaturik dauden, hain justu, positibo eman duen atletak ez dezan aukerarik izan Joko Olinpikoen edizio batean –zigortu osteko lehendabizikoan– parte hartzeko. Hori horrela, zigor “estandarra” lau urtekoa da, AIU unitateko buru Brett Clothier-ek dioen moduan The Guardian egunkariak plazaratutako artikuluan.

(gehiago…)

Txomin Perurena: “Marcos Eguizabal gure egoeraz baliatu zen”

2020-04-12  //  Txirrindularitza  //  Iruzkinik ez

Txomin Perurena Telletxea (Oiartzun, 1943) txirrindulari ohiak 158 garaipen lortu zituen profesional bezala, pistako eta ziklo-krosseko garaipenak kontutan hartu gabe, 1963tik 1979ra bitartean. Espainiako Vueltan 12 etapa irabazi zituen, eta Puntukako Sailkapena 1972 eta 1974an. Halaber, 1975ean 2. postuan amaitu zuen lasterketa. Italiako Giroan bi etapa irabazi zituen, eta Frantziako Tourrean bi bider Mendiko Sailkapena, 1966an eta 1974an. Txirrindularitza profesionala utzi ondoren, Teka, Orbea eta Euskaltel-Euskadiko kirol zuzendaria izan da. Bitan irabazi zuen Espainiako Vuelta: Marino Lejarretarekin Tekan eta Pedro Delgadorekin Orbean.

(gehiago…)

Miguel Indurain: “Aurtengo biretan maila handia eskatu eta eskaini da”

2020-04-11  //  Uncategorized  //  Iruzkinik ez

1991n, errenkadan irabazi zituen bost Tourretan lehenbizikoa amaitu ostean elkarrizketatu zuen Miguel Indurain (Atarrabia, 1964) ARGIAko kazetari Myriam Gartziak. Elkarrizketa osorik ekarri dugu hona, aste honetan ARGIAren hemerotekatik berreskuratu dugun seigarrena.

(gehiago…)

Unai Iturriaga: “Tira grafikoen bidez tiro egitean, errealitatea ezagutuz gero hobeto egingo duzu”

2020-04-11  //  Uncategorized  //  Iruzkinik ez

‘Tasio’ eta haren lekukoa hartu duen Iturriaga, 2019ko ekainean.

2019ko ekainaren 3an publikatu zuen Unai Iturriagak lehenbiziko tira grafikoa Gara egunkarian, Zugazart sinadurapean, amaren abizenetik (Zugaza-Artaza) hartua. “Eskerrik asko, Tasio!” mezuak hartzen zuen tiraren ia osoa. Javier Etayo, Tasio. Egin egunkarian  1991tik hura itxi zuten arte, Euskadi Información-en gero, eta Gara-n 1999az geroztik, egunero hutsik egin gabe, iaz erretiroa hartu zuen arte. “Zorrotz eta garratz merezi zutenekin. Maitasunez eta samurtasunez behar zutenekin”, zioen Tasioren lekukoa hartu zuen Unai Iturriagaren estreinako bineta hark. Eta, hilabeteotan Zugazart-en ibilerak jarraitu dituen irakurle gisa, esango nuke bere buruari ere aplikatzen diola Tasio-ri eskainitako esaldi hori. Iñigo Cabacas, Zaldibar, Covid19… horien inguruko tira grafikoek erakusten dutenez. Telefonoz egin dugu elkarrizketa. Ezin bestela, etxe-zuloan sartuta egonik.

(gehiago…)

Marino Lejarreta: “Hemendik kanpoko afizioan fanatismo gehiago dago”

2020-04-10  //  Txirrindularitza, Uncategorized  //  Iruzkinik ez

Marino Lejarreta Arrizabalaga,  Berrizko ihia (El junco de Berriz, gaztelaniaz), txirrindulari profesionala izana 1979tik 1992ra bitartean, Udaberriko Klasikoan sufritu zuen eroriko gogor batek erretiroa hartzera behartu zuen arte. Eskalatzaile fina, 52 garaipen lortu zituen guztira, hiru itzuli handietan etapak tartean. 1982an Espainiako Vuelta irabazi zuen, Ángel Arroyo deskalifikatua izan ostean dopin kontrolean positibo eman zuelako. Italiako Giroan laugarren sailkatu zen 1984an eta 1987an, eta Frantziako Tourrean bosgarren 1989an eta 1990ean. Halaber, Donostiako Klasikoa hirutan irabazi zuen Marinok.

Marino Lejarreta, alboan Stephen Roche duela, 1987ko Tourrean / Joanseguidor.com

(gehiago…)

Jesus Loroño: “Euskaldunei Tour bat irabazteko egurra falta zaie”

2020-04-09  //  Uncategorized  //  Iruzkinik ez

Jesús Loroño Arteaga (Larrabetzu, 1926-1998), Larrabetzuko lehoia, 1944tik 1962ra izan zen txirrindulari profesionala. Eskalatzaile trebea zen, eta 65 garaipen lortu zituen, 1957ko Espainiako Vuelta tartean. 1953an Frantziako Tourreko mendiko saria irabazi zuen, eta Espainiako mendi txapelketa 1954an. Eibarko Bizikletan (gerora Arrateko Igoera, eta Euskal Bizikleta ondoren) bitan nagusitu zen, 1956an eta 58an. Loroñok lehia estua –hitz gogorragoak ez erabiltzearren– izan zuen Federico Martín Bahamontesekin.

1987ko ekainean Loroñori egindako elkarrizketa mamitsua plazaratu zuen ARGIA aldizkariak,  1.157. zenbakian, N. Arrastoa eta L . Aristik sinatua. Osorik ekarri dugu blogera:

JESUS LOROÑO
“EUSKALDUNEI TOUR BAT IRABAZTEKO EGURRA FALTA ZAIE”

“Loroño Kanpazarren” / Sinaduran (?) “Txonco” irakurri daiteke

(gehiago…)