Ikerketa baterako laguntza eske
Soziolinguistika Klusterrak hizkuntza ohituren aldaketari
buruzko ikerketa bat egin nahi du. Euskara familia bidez transmititzeak duen
garrantziarekiko adostasunetik abiatuta, familia transmisioaren
testuinguruan, hizkuntza-ohituren aldaketan eragiten duten faktoreak
aztertzea dute helburu. Horretarako, hizkuntza-ohitura aldatu duten
bikote batzuen azterketa burutzea proposatu da.
Ikerketa hau burutzeko
ezinbestekoa da jendearen borondatezko laguntza, eta hauxe da eskatzen dutena: gaur egun Gasteiz,
Laudio,Irun, Arrasate, Donostia, Hernani, Lasarte-Oria, Beasain,
Tolosa, Zarautz, Igorre, Bilbo, Durango,Balmaseda, Bermeo, Lekeitio eta
Mungia herri/hirietan bizi diren
eta bikoteko hizkuntza ohitura “aldatu” duten bikoteen erreferentziak
pasatzea (telefonoa, emaila…). Bikotea edozein “motatakoa” izan
daiteke: ezkonduta daudenak / ez daudenak, seme-alabak dituztenak / ez
dituztenak…, baina ezaugarri hori behar dute, beraien arteko
harremaneko hizkuntzan aldaketa bat gertatu dela: lehenago beraien
arteko harremana erabat edo nagusiki erdaraz zen, eta gaur egun,
beraien arteko harremana erabat edo nagusiki euskaraz da.
Horren bikoteen berri izanez gero, jar zaitezte harremanetan Soziolinguistika Klusterreko kideekin.
Imaginatzen dut familia-transmisioarekin lotutako gauza dela eta horretarako beharko direla familia-estiloko bikoteak eta horixe izango dela ikerketa honen esparrua. Dena dela, edozertariko harreman-sareetan geratu diren aldaketak aztertzea ere ondo egongo litzateke, ezta?
Lankideak, adiskideak, ikasle-irakasleak, bezeroa-zerbitzu emalea…
Nik ere suposatzen dut familia transmisioari buruzko ikerketa izango dela. Baina tira, zurekin guztiz ados, hizkuntza ohiturak aldatzeetan eragiten duten faktoreak identifikatzea ez legoke bat ere txarto egongo, ez horixe. Eta horren ostean (edo batera) sektorez sektore, eta arloz arlo.