Aipatzen eta aipatzen

Atalak: Aipuak

“Kontzientzia soziolinguistiko kritikoa garatzeak aukera ematen die hiztunei hizkuntzen arteko botere-harremanez jabetzeko, euskararen minorizazioaren arrazoiak ulertzeko eta ordena soziolinguistiko horrek haien hizkuntza-hautuetan, hizkuntzei buruz dituzten ideietan zein hiztun moduan duten autopertzepzioan zer modutan eragiten duen ulertzeko”.

Jone Goirigolzarri

“Argi dago galiziera mehatxua zaiela, euren eukaliptoentzat, euren baliabideak saltzeko estrategiarentzat, euren gizarte zibila deusezteko lanarentzat. Galiziera lurralde batera, iragan batera eta, batez ere, etorkizun batera lotuta gaudela gogorarazten digun balioa delako. Galiziera defendatzen dugunok beste eskubide batzuk defendatu behar ditugu, neure bizitza garatu nahi dudan hizkuntza, oztopoak oztopo, zaindua eta mantendua izan zelako klase sozial umilenengatik. Kritiko mantentzen gaitu, kapitalismoaren balioen kontrako herritartasun berezia ematen digu. Horrek ez du esan nahi galiziera ezin denik izan balio kolonial eta esplotatzaileen konplize, ez, baina hizkuntza honek maila sinbolikoan ordezkatzen du jaun hauek izorratzen dituen arantza”.

Maria Reimondez

“Euskal kulturgintzak, euskal hedabidegintzak, euskalgintzak ez du lekurik matematikatan eta kopuruetan oinarritutako logika baten barruan. Kultura minorizatua gara, milioi bat hiztun ere ez, eta horietatik kultur kontsumitzaile aktiboen portzentaia marginal bat, mundu osoan ehunka milioika partaide dituzten beste bi hizkuntza eta mundu mailan lingua franca moduan asentatu den beste hizkuntza erraldoi baten artean. Kontestu horretan ezin dugu matematikatik lehiatu. Big data, influentzerrismoa eta algoritmoak bateraezinak dira euskaraz jardutearekin”.

Joxe Rojas

“Hemen politikoki aurreratzen da hizkuntzarekin aurrera egiten den neurrian”.

Iñaki Uria

“Gizakioi, arapesh, hopi edo norvegiera berba eginda ere, aspergarri egiten zaigu beti gauzei modu berean deitzea. Beti egingo dugu jolas, gutxi bada ere. Eta jolas egite honek izango ditu beti eragin biderkatzaileak. Ez dago gramatikarik gabeko hizkuntzarik, ez. Baina ez dago hizkuntzarik non dena, gramatika barne, aldatzen ari ez denik”. 

David Graeber

“Utopiak epe luzeko etorkizun desiragarriak sortzeko tresna linguistikoak dira: kontakizunak. Aldaketa politiko orok behar du lehenik errelatoa, helburu politikoak finkatu behar baititu hizkuntzaren bidez, eta helburu horiek lortzeko estrategiak zabaldu: estrategia ekonomiko-sozial, zientifiko, artistikoak. Utopiek aldaketa politikoaren norabide estrukturala marrazten dute”

Jule Goikoetxea