Pasai Donibanen Atez Atekorako kubo eta materialak banatzen ari dira

2013-08-21  //  Atez atekoa, Udalak  //  Iruzkinik ez

Aste honetan ari da Pasaiako udala banatzen hondakinen gaikako sistema berrirako balde eta gainerako materialak Donibaneko herritarren artean, herriko parte zaharretik hasita. Udalak adierazi duenez, lehen bi egunetan parte zaharrek biztanleen %80 inguruk jaso ditu materialok. Berriak gaiaz “Donibanen etxeen %77k jaso dute atez atekorako materiala” plazaratu du. Diario Vascok, “Comienzan a repartir los cubos del PaP en Pasaia” eta “Retiran en Donibane el 80% de cubos del PaP“.

Mexiko: errausketaren aurkako ekintzailearekiko elkartasun deia

2013-08-20  //  Errausketa, Zero Waste Europe  //  Iruzkinik ez

Errausketaren aurkako mundu mailako GAIA koordinakundeak elkartasun deia zabaldu berri du, Mexikon hondakinak kiskaltzearen kontrako borrokan ezaguna egin den Jorge Tadeo Vargas Juveraren elkartasunez. Batik bat Mexiko eta Hidalgo estatuetan zaborrak zementu fabriketan erretzearen kontrako kanpainaren arrakastaren ostean Vargas Juverak mehatxuak jaso ditu. “Amedrentamientos a activista social y ambiental mexicano / Social and environmental activist threatened” oharrean GAIAk eskatzen du Mexikoko agintariei idatziz eskatzea ekintzailearentzako babesa.

GHKk teknikari bat salatu du informazioa ostu duelakoan

2013-08-19  //  Partzuergoa  //  Iruzkinik ez

Berriak “GHK-ko irregulartasunei buruzko informazioa ostu dutela salatu dute” albistean (Mikel Peruarena Ansaren eskutik) eta Garak “GHK denuncia a una técnico por sustraer datos ‘muy relevantes’” zabaldu dute albistea: Gipuzkoako Hondakinen Kudeaketa partzuergoak Hernaniko ertzain-etxean joan den astean salatu du erakundearen langile bat ustez informazio garrantzitsuak eduki ditzakeen ordenagailua eta beste osagaiak lanpostutik desagertarazi dituelako.

Kazeta horiei GHKko arduradunek kontatuaren arabera, teknikariak aurrez aurreko elkarrizketan aitortua zien badirela informazio garrantzitsuak –ekainean GHKko arduradunek auzitegian aurkeztutako kereilaren haria osatuko luketenak- erakundearen sare informatikoan ez baina teknikarien ordenagailu eta bestelako diskoetan gorderik. GHKko agintariek langile horri eskaturik bere ordenagailuaren kopia osoa, langilea desagertu egin zen lanpostutik, berehala gaixotasunagatik baja hartzeko. GHKko arduradunak beldur dira ekintza horrekin erakundearen aurreko zuzendaritzak erabilitako politika okerren frogak desagertarazi nahi ote diren.

Bestalde, Mikel P. Ansak informazio horren osagarri, beste xehetasun hau ere aurreratu du: GHK enpresaunipertsonal gisa antolatu zutenez, langileak deialdi publikorik gabe zuzenean eta “hatzez” izendatu izan dituela.

Egia esaten al dugu birziklapenari buruzko inkestetan?

2013-08-09  //  Birziklajea, Gaikako bilketa, Udalak  //  Iruzkinik ez

Debakolore hondakineen kudeaketaren inguruan hausnartu eta lanketa egiten duen taldea da. Deban hondakinen birziklapenean zein parte-hartze maila dagoen jakin nahian, galdeketa egin dute.

Herritarren erantzunaren arabera, gehiengoak birziklatzen du. Baina, datuok kontrastatu nahian, esperimentu bat egin dute edukiontzi berdetik zabor poltsak atera eta barruan duten edukia birzkilagarria ote den egiaztatuz.

Emaitzak ikusita, inkestak ez dira uste bezain fidagarriak. Pauso guztiak azaltzen dituen ikus-entzunezko hau sortu dute:

Hondakinen bilketa sistema berria aukeratu aurretik egungoa aztertu dute Tolosan

2013-08-07  //  Gaikako bilketa, Udalak  //  Iruzkinik ez

Irailetik aurrera hondakinen bilketa sistema berria erabakitzen hasiko dira Tolosan. Horren aurretik azterketa egin du Idema enpresak egungo sistema ezagutu eta beste eredu batzuekin alderatzeko.

Txosten osoa www.tolosaingurumena.net webgunean irakur daiteke. Ez du azaltzen bilketa eredu berriaren nondik norakorik, baina oraingo sistemak hobetzeko dauzkan zenbait puntu aipatzen dira beste zenbait konturen artean.

Helburu bezala jarri dira errefusa ahalik eta gehien murriztea, gaika hasiera batean %60-70 artean biltzea eta bi urteren buruan zifrak %70-80raino igotzea. Auzo eta autokonpostaren garrantzia seinalatzen dira, eta eredu horiek izandako arrakasta aipatzen da.

Diario Vasco: “Presentado el informe previo al estudio sobre la recogida de residuos”

Hondakinen kudeaketarako sistema aldatzeko prozesuan “oinarri sendoak” adostu dituzte Azkoitian

2013-08-06  //  Gaikako bilketa, Udalak  //  Iruzkinik ez

Azkoitiako Udal Gobernuak hondakinen kudeaketaren inguruan lortutako akordioen balorazioa egin du, eta pozik azaldu dira. Alderdien arteko adostasuna azpimarratu du Bilduk.

2014rako %70eko birziklatze tasara iristeko helburuan bat egin dute herri horretako hondakinen mahaian eta hortik abiatuta, bi urteko epean %80-85eraino birziklatzea.

Xede hori lortzeko, irailean hasiko dira Azkoitian bilketa sistema berria jartzen, eta herriko eragile, norbanako eta talde politikoei dei egin die antolatuko diren bileretan parte har dezaten “Azkoitiko errealitatera ondoen egokituko den sistema adostera”.

Hitza: “Hondakinen kudeaketaren inguruan lortutako akordioaren garrantzia azpimarratu du Bilduk”.

2016rako derrigorrezkoa izango da hondakin organikoa biltzea New Yorken

2013-08-05  //  Konpostaketa  //  Iruzkinik ez

New Yorken komunitate pilotu batzuetan hondakin organikoa biltzen hasi dira. Michael Bloomberg alkateak ondorengo bi urteetan programa honetan sartuko diren etxeen kopurua igotzeko asmoa agertu du. Helburua, 2016rako sukalde guztietan hondakin organikoaren bilketa nahitaezkoa izatea, bai konpost bai energia garbiaren iturri moduan.

2030erako, sortzen den hiriko hondakinen kopurua %75 gutxitzeko planaren barruan sartzen da proiektua. Egun, New Yorkek 14 milioi tona hondakin bidaltzen ditu Hego Carolinan, Ohion edo Pennsylvanian kokatuta dauden zabortegietara.

Naiz: “Nueva York reaprovechará hasta las peladuras de patata”.

Zarauzko hondakinen mahaia bilketa sistema definitzeko fasean sartu da

2013-08-01  //  Gaikako bilketa, Udalak  //  Iruzkinik ez

Udalean ordezkaritza duten alderdi guztiak, auzo elkarteak eta Birziklapena Bai Atez Ateko Bilketa Ez plataforma biltzen dituen Zarauzko Hondakinen Mahaia bilketa sistema definitzeko fasean sartu da. Lau hilabete daramatza martxan mahaiak eta EHUren laguntza teknikoa dauka bi alorretan: Arkitektura fakultateko talde batek proposatutako bilketa sistemak aztertuko ditu; eta Zientzia Politikoen fakultateko Parte Hartuz taldeak herritarrekin egin beharreko prozesu parte hartzailea diseinatu eta koordinatuko du.

(gehiago…)

“Errauskailuaren ondorengo eszenatokian” adostasuna nahi du Gipuzkoako Aldundiak

2013-07-30  //  Aldundiak, Atez atekoa, Iritziak / Adierazpenak, Konpostaketa, Politikariak  //  Iruzkinik ez

Iñaki Errazkin Gipuzkoako Ingurumen eta Lurralde Antolaketarako diputatuak dei egin die alderdiei hondakinen kudeaketan adostasunak bilatzeko. Errazkinen aburuz, gaiari buruzko eztabaida gorabehera “gutxitan aipatzen da gai gehienetan bat gatozela”.

Adostasuna bilatzeko eremuak bi dira Errazkinen ustez: hondakinen bilketa, batetik, eta azpiegiturak, bestetik.

(gehiago…)

EAJk Eskoriatzako hondakinen mahaia utzi du

2013-07-29  //  Atez atekoa, Gaikako bilketa, Udalak  //  Iruzkinik ez

Eskoriatzako EAJk hondakinen mahaia uztea erabaki du. Alderdiak jakinarazi duenez, ez daude ados mahai horretan Bilduk, PSE-EEk, Ezker Anitzak eta Zero Zabor plataformak adostu dutenarekin. Uztailaren 9an sinatu zuten akordioak dioenez, kuboen bidez jasoko dituzte hondakinak, organikoa salbu, hura kontainer marroian bilduko baitute. Bi auzotan, San Pedron eta Intxaurtxuetan probatuko dute hiru hilabetez. EAJk adierazi du “onartezina” dela proposamen hori kuboen bidezko edozein sistema atez atekoa bihurtzen delako.

Diario Vasco: “EAJ/PNV se sale de la mesa de residuos”.