Donostiako fantasiazko eta beldurrezko zinemaren asterako proposamenak

Atalak: Fantasiazko eta beldurrezko zinemaren astea, Gomendioak, Pelikulak

Hementxe daukagu, iritsi da aurtengo Donostiako fantasiazko eta beldurrezko zinemaren astea. Urteko genero-film onenak, erakusketak eta bestelako jarduerak elkartzen dira Donostian eta kaleak kolorez, dibertsioz eta fantasiaz betetzen dira. 1990eko Urrian, Antzoki zaharrak lehen aldiz ireki zizkion ateak ekitaldi honi , beraz aurtengoa 25garrena izango da. Hementxe doaz aurtengo ediziorako proposamen batzuk:

V/H/S: Viral

(2014, Marcel Sarmiento, Gregg Bishop, Nacho Vigalondo, Justin Benson, Aaron Moorhead.)

 
Aurreko bi filmen ostean hementxe datorkigu hirugarren zatia. Lehen biek istorio eta momentu basati eta bikainak utzi zizkiguten eta ziur nago hirugarren hau ere ez dela atzean geratuko. Zale amorratu eta porrokatuenek beren webgune, facebook, horma, twitter kontu eta blogen bidez han eta hemen aitortu dute ez dagoela hirugarren atal honi kritika txikiena ere egiterik.

 
 
 

Tusk

( 2014, Kevin Smith)

Kevin Smith zuzendari ezagunaren film berria. Azken urte hauetan genero aldaketa batekin datorkigula dirudi ( ikusi ez duzuenoi, Red State bikaina). Oraingoan planteamendu oso bitxi batekin. Harritu egingo gaituen pelikula izango dela ziur nago.

 
 
 

Aux yeux des vivants

( 2014, Alexandre Bustillo, Julien Maury)

Alexandre Bustillo eta Julien Maury zuzendarien hirugarren filma. Izugarri, basatia eta ezinbestekoa À l’intérieur . Beldurrezko film serio eta bikainak egiten dituzten zuzendari bakarrenetarikoak.

 
 
 
 

What We Do in the Shadows

( 2014, Taika Cohen , Jemaine Clement)

Torontoko zinema jaialdian pelikula onenaren saria jaso zuen film onek. Banpiroak tartean direla, dokumental faltsu gisa grabaturiko beldurrezko komedia. Dudarik gabe Antzoki zaharreko aretoan sortzen den giroarekin ikusi beharreko film horietakoa.

Alleluia

( 2014, Fabrice Du Welz)

Fabrice Du Welz belgikarraren lan berria (bikaina batez ere Calvaire). Bere filmak, atmosfera astun, ilun eta klaustrofobikoez itsatsiak egoten dira eta badirudi oraingoan ere hala izango dela.  Urrezko Méliès saria jaso zuen (Europar film fantastiko onena).

 
 
 

It Follows

( 2014, David Robert Mitchell)

80garren hamarkadako “Haloween” edo “A Nightmare on Elm Street” bezalako slasherren kutsua duen filma. Sitges eta Cannes zinema jaialdietatik igarotakoa. Aux yeux des vivants filmarekin batera  beldurrezko beste film serio eta interesgarria.