Europara bira 12 telesailetan

Äkta människor (Suedia) (2012-…)

Zeri buruzkoa da?
Robotak gure egunerokoan erabiltzen ditugun gizartean kokatzen da.  Umeak zaintzeko,etxea garbitzeko, erosketak egiteko…Dilema etiko ugari azalarazten ditu, eskubideak, nortasuna, askatasuna…Asimoven liburuen estilokoa baina gure gaurkotasunera ekarria.
Zergatik ikusi?
Androideekin egin den telesailik onena, Blade Runner ikusi genuenetik. Lehen minututik harrapatzen zaituena. Oso entretenigarria eta teknikoki bikaina.  Thriller eta misterio puntuak dauden une askotan, beldurrezko momentuak pasaraztea lortzen dute. Ezinbestekoa.

2 denboraldi /20 atal.
 
 

Forbrydelsen (2007-2012 Danimarka)

 

Zeri buruzkoa da?
Sarah Lund detektibeak, telesail bikain honetako 3 denboraldi bakoitzean kasu bati egiten dio aurre.  Hilketak, bahiketak, korrupzioa eta abar. 2011ean AMC kateak remake bat egin zuen AEBtan “The Killing”
Zergatik ikusi?

Salamander (2012 Belgika)

Zeri buruzkoa da?
Bruselaseko banku batean 66 segurtasun kaxa desagertzen dira . Geraldi inspektoreak kasua ikertzen duen bitartean, inplikatuak dauden hainbat pertsonai beraien buruaz beste egin edo hilik azaltzen dira. Biktima horiek guztiak Salamander erakunde elitista eta ilun bateko partaideak dira.
Zergatik ikusi?
Oso erraz ikusten den telesail horietako bat da. Oso ondo estrukturaturiko trama eta gidoia.  Akzio eta misterio ugarikoa.  Europako telesail askotan gertatzen den bezala sinesgarritasun handikoa. Bukaera aldera maila pixka bat  jaisten duen arren merezi duen produkzio belgikarra.

Les Revenants (2012-…Frantzia)

 
Zeri buruzkoa da?
Annecy izeneko herrixka baten, adin eta klase sozial ezberdineko hainbat pertsona orientazioa guztiz galdua dutelarik beraien etxe eta familien bila dabiltza, urteak hilda daramakitelaren ez jakintasunean.
Zergatik ikusi?
Gustu eta elegantzia handiz eginiko serie bikaina delako. Pertsonaia desberdinen arteko lotura eta erlazioa modu ezin hobean deskribatzen ditu. Musika zoragarria (Mogwai talde eskoziarra). Erritmo motela baina oso eraginkorra. Atmosfera astuna eta itogarria.

Denboraldi bat (momentuz) /12 atal
 
 

Borgen (2010-… Danimarka)

Zeri buruzkoa da?
Drama politikoa. Boterearen bila dabilen lehen ministro baten borroka eta honek nola aldatzen duen bere izaera eta jokatzeko modua betirako.
Zergatik ikusi?
Danimarkar politikaren “gaztelua” isladatzen duen thriller politiko bikain eta ausarta delako. Produktu zentzuduna, entretenigarria eta  egungo gizartearen kritika bikaina egin daitekeenaren erakustaldi paregabea. Politika gustuko izan ala ez ikusi beharreko telesaila. Kontuan hartu beharreko gauza bakarra, istorio onak gustuko dituzun ala ez.

3 denboraldi/30 atal

Roma Criminal (2008-2010 Italia)

Zeri buruzkoa da?
Romazo criminale nobela famatuaren adaptazioa. Magliana bandaren historia kontatzen digu. 70. hamarkadan Erroman drogaren munduaren kontrola zuen gazte talde bat, Mafiarekin, italiako polizia eta Batikanoarekin harremanak izan zituen.
Zergatik ikusi?
Aldo Grasso, Italiako zine kritiko errespetatuenetariko batek esan zuen: “Italiarrak harro sentiaraziko gaituen telesail bakarra “. Mafiaren mundua gustatuz gero derrigorrez ikusi beharrekoa. Kalitate handiko produktua lehen minututik harrapatuko zaituena. Goi mailako genero beltza AEB kanpo egin daitekeenaren froga.

2 denboraldi/22 atal
 

Naeturvaktin (2007 Islandia)

 

 
Zeri buruzkoa da?
Reikiavijkeko gasolindegi baten hiru langileen egunerokoa kontatzen digun umorezko telesaila.
Zergatik ikusi?
Dudarik gabe zerrenda osoko telesailik umil eta “xumeena”. Soiltasun hori da hain zuzen bere xarma nagusia, “The Office” seriearen umoreakin lotu genezakeena. Hiru pertsonaiak dira zalantzarik gabe euskarri nagusiak: Georg Bjarnfreðarson ikuskatzaile eszentriko eta komunista (Jon Gnarr, Reikiavikeko alkatea), Suedia eta suediar kulturaz guztiz maitemindua. Ólafur Ragnar intentzio oneko langile sinple eta zintzoa.  Eta Daniel medikuntza ikaslea izandakoa.

denboraldi bakarra/12 atal
 

Hořící keř (2013 Txekiar errepublika)

 
Zeri buruzkoa da?
Jan Palach, bizitzaren adaptazioa,  1969an Txekoslobakian Sobietar okupazioa zela eta protesta moduan bere buruari su eman zion Pragako ikasle bat.
Zergatik ikusi?
True Detectivekin batera 2014ko ezinbesteko telesaila. Drama gogor eta bizia, oso ongi egina eta karga historiko handikoa. Lehen plano zoragarriz beterikoa.

Denboraldi bakarra/3 atal
 

Braquo (2009 Frantzia)

 
Zeri buruzkoa da?
Beraien kide zen polizia batek bere buruaz beste egiten du, epaiketa bidegabe baten ondorioz. Hori dela eta hiru protagonistak “marra gorria” zeharkatzea erabakitzen dute mendeku bila.
Zergatik ikusi?
Thriler poliziako bizia, gogorra eta errtimo handikoa. Poliziaren alde ustel eta zikinena isladatzen duena. Tentsiodun telesaila beraien protagonisten interpretazioagatik batez ere.

2 denboraldi /16 atal (hirugarren denboraldia aurten estreinatuko dela dirudi)
 

Unsere Mütter, Unsere Väter (2013 Alemania)

Zeri buruzkoa da?
Berlin, 1941.Udarako gau batean, bost alemaniar lagun elkar geratzen dira agur esateko, hurrengo goizean gerrarako bidea hartuko baidute. Gerra amaitzean elkartu egingo direlaren agintza egiten dute beraien artean.
Zergatik ikusi?
“Band of brothers” alemaniarra. Birsortze bikaina eta bigarren mundu gerrako irudi ikusgarriak ikus ditzakeguna, kalitate historiko eta beliko itzelekoa azken finean. Gidoi borobila eta aktuazio paregabeak. Sentimendu asko eta hausnarketa ugari. 2013ko beste ezinbesteko telesaila.

Denboraldi bakarra/3 atal