Ez galdu datozen 10 telesail hauek!

2015-05-29  //  Albisteak, Telesailak  //  Iruzkinik ez

Proiektu berri ugari iragarri dituzte maiatzetik hasi eta urtea amaitu arte, batzuk jada estreinatu dira, baina udaratik aurrera lan interesgarri ugari datorrela susmatzen dut. Ekoizpen guztien zerrenda goitik behera aztertu eta gero, telesail hauek nabarmenduko nituzke guztien gainetik, gidoia deigarria egin zaidalako, zuzendari ezagun baten izena ageri delako ala besterik gabe, hainbeste telesail ikusteak piztu didan sen-friki horrek “klik” egin duelako nire garunean:

(gehiago…)

Nor da "Mad Max" filman azaltzen den gitarra-jotzailea?

2015-05-26  //  Albisteak, Pelikulak  //  Iruzkinik ez

Film basati, zirraragarri eta harrigarri honek irauten dituen bi ordu horietan zehar, hainbat pertsonaia eta elementu bihurtzen dira deigarri. Baina filma ikusi baduzue, ziur guztien gainetik, batek harritu zaituztela gehien:  Coma, the Doof Warrior, hau da, gitarra-jotzailea.
Eta nor da zehazki tipo hau? Sugarrez inguraturik eta gitar-golpeka, ikuslea hipnotizatua uzteko gaitasuna duen pertsonaia bitxia. Inspirazio iturria AC/DC, Sepultura eta SoundGarden bezalako musika taldeetan aurkitu duen tipoa. Maskara eta hauts guzti horren azpian ordea, iOTA musikari Australiarra aurkitzen da, Great Gatsby filmaren remake-an ere ikusi ahal izan genuen berbera.

Suzko gitarra-jotzaile horri buruz galdezka, Iota-k berak esan zuen ” George Miller zuzendariak esan zidan, Inmortal Joe-k, kobazulo baten barruan aurkitu zuela Coma “  baina hori kontakizunaren zati bat besterik ez da “bere amaren burua esku artean zuela aurkitu zuen kobazulo horren barruan, aurpegia atera eta horrekin maskara bat egin zuelarik, guda eremuan dagoen bakoitzean omenaldia eskeintzeko helburuarekin” hunkigarria eta zoragarria ezta?
 

 
 

Nire izena "Argi" da eta luzemetraia izan nahiko nuke

2015-05-20  //  Albisteak, Crowdfunding-a, Pelikulak  //  Iruzkinik ez

Crowdfunding-a, orain urte batzuk guztiz ezezaguna zen kontzeptua eta gaur egun etengabe entzuten ari garena. Baina zer da zehazki? Pertsona talde batek dirua edo bestelako baliabideak biltzeko burutzen duen kooperazio kolektiboari deritzo. Norbanakoen ekarpenen bidez proiektuak finantzatzeko zuzeneko modu bat da. Euren ideiak gauzatzeko finantziazioa bilatzen duten sortzaile independenteengana zuzenduta dago . Haien publikoak, mezenas bihurturik, sari bereziak jasotzen ditu ekarpenen truke.

Sortzaileek euren obren gaineko eskubide guztiak mantentzen dituzte, eta sariak eskaintzen dizkiete euren proiektuak finantzatzen lagundu dieten mezenasei: sorkuntza edo produktu esklusiboak, esperientzia bakanak, argitalpen mugatuak, merchandising-a, deskargak..

Azken urteetan, hainbat lan interesgarri ikusi ahal izan ditugu sistema honi esker. Hori dela eta, astero,  blog honetan, tartetxo bat eskaintzea erabaki dut. Gaur aurkeztuko dudana, Argi izeneko proiektua. Verkami web orrialdean sartuz gero, hauxe da topatuko duzuena:

(gehiago…)

2015eko (orain arteko) 10 telesail onenak

2015-05-15  //  Gomendioak, Telesailak  //  Iruzkinik ez

Lehenik eta behin, barkatu. Bai, barkatu. Urtea hasi denetik bost hilabete besterik ez direlako pasa eta hemen nator berriz, nire ditxosozko zerrenda hauekin. Ez dakit nire kasua gaixotasuna den, ala besterik gabe blog hau terapia gisa erabiltzen dudan, baina asuntoa da, harribitxiak pilatzen ari zaizkidala eta urte hasierako telesail onenak aipatzeko beharra sentitu dudala, premia kontrolaezina. Barkatu benetan nire frikismo xelebre hau jasateagatik, baina buruko presio hau lehenbailehen askatu behar dut, bat,bi eta hiru.. 2015eko lehen hilabete hauetan, galdu ezin dituzuen telesailak!
(gehiago…)

"Goodfellas": 25 urte beranduago, berriz ere elkarrekin

2015-04-28  //  Albisteak, Pelikulak  //  Iruzkinik ez

New York hirian ospatzen den Tribeca film festival, hori izan da “Goodfellas” film zoragarriaren protagonistek, 25 urte beranduago elkartzeko aukeratu duten agertokia. Nicholas Pileggi gidoilaria, Ray Liotta, Lorraine Bracco, Robert De Niro eta Paul Sorvino aktoreak azaldu ziren, De Niro berak bultzaturiko ekitaldira, pelikularen 25. urteurrena ospatzeko asmoz.

Nabarmena oso, bi izen propioren hutsunea: Joe Pesci handia eta Scorsese erraldoia. Lehenengoak, gutun bat idatzi zuen bertakoek irakur zezaten, De nirok irakurri zuen zehazki eta hauxe zioen eskutitzak: “Fuck, fuck, fuckity fuck fuck”. Bigarrenak aldiz, Taiwandik hainbat bideo bidali zituen  (“Silence” filma grabatzen ari baita bertan) horien artean,  “Goodfellas” filmaren momentu kuttunenetarikoa, “bere benetako ama, Catherine, (pelikulan Pesciren ama), protagonistei, gauaren erdian “spaguethi” plater bat prestatzen dien momentua”.
Ekitaldiaren amaieran,  filmaren kopia-digital berriaren proiekzioa eskaini zuten.

Bide batez, ez dakit noizbait aitortu dudan baina, ziurrenik hau izan liteke zinemaren historiako nire film gustukuena.

Barrez lehertzeko 20 telesail onenak

2015-04-23  //  Gomendioak, Telesailak  //  Iruzkinik ez

Nola liteke, orain bi urte zabaldu nuen blog honetan, umorezko telesailei aipamen berezirik ez egotea? Berandu, baina unea iritsi da. Ikusten ditudan ehunka telesailen artean, kosta egin zait genero honekin loturiko fundamentuzko zerrenda bat egiten;  estreinatzen diren gehienak sitcom-ak baitira eta egia esan ez naiz azpigenero honen oso zalea -salbuespenak daude noski-
Irizpidea? oso erraza, barrea gustura egiteko telesailak, baina beti ere kalitatezko ekoizpenak izatea, hau da, umoreaz haratago, bere osotasunean telesail onak izatea. Eta ez, sentitzen dut baina Friends ez da zerrendan azaltzen, bakarra izango naiz munduan, baina ez dut telesail hau gustuko– How i met your mother eta Big Bang theory ere, ez dituzue aurkituko-.
Jarraian, barrez lehertzeko 25 telesail aproposenak:
(animaziozkoak alde batera utziz eta inongo ordenik ezarri gabe, besterik gabe hogei telesailak bata bestearen segidan)
(gehiago…)

Zinemari eskerrak emateko eskutitza

2015-04-22  //  Sailkatugabeak, Zinemari eskutitza  //  Iruzkinik ez

Kaixo Zinema!

 
Badirudi zure barne mekanismo hori koipeztatzeko ardura dutenek, dirua eta etekina besterik ez dutela buruan. Originaltasun falta dela eta, makina bat egur jasotzen ari zarela ere, badakit. Baina momentuz, hau aldera batera utzi behar dut , eskutitz honen asmoa, zuri eskerrak ematea baita. Urte guzti hauetan zehar, nire alboan egon zarelako. Bidelagun fin hori, nirekin batera hezi eta hazi zarelako. Zuri buruz galdetzen didaten bakoitzean, zuregatik zer sentitzen dudan alegia, horretarako hitzik ez dela sortu erantzuten dut, erabat irrazionala, logikatik askoz haratagoa doana alegia.
Umea nintzela ezagutu zintudan. Aparatu karratu baten bitartez, zure unibertso zoragarri horretara gonbite zuzena eskaini zenidan. Beste planetetan izaki miragarriak zeudela eta horiei esker bizikleta baten gainean egan egiteko aukera zegoela irakatsi zenidan. Edo kuadro zaharkitu baten kristala deskuiduz hautsiz gero, barruan , pirata maltzur baten altxorra aurkitzeko aukera zegoela. Baita, kapela eta zartailua hartuz gero, abentura izugarriak bizi zitezkeela. Bertako pertsonaiekin sentitzen nuen zirrara, deskribaezina zen. Beldurra hezurretaraino sartzen zitzaidan eta maitasun istorio horiek, gorritu egiten ninduten lotsaren-lotsaz burua beste alde batera biratuaraziz. Cinema paradiso filmaren “Totó” bezala ikusten nuen nire burua.
Gizon txiki bat sentzitzen hasi nintzen momentuan, abentura zoragarri horiek, ipuin bortitzetara testigua pasa ziezaieten erabaki zenuen, prest nengoela mundu erraldoi horietako beste atetxo batzuk irekitzen. Genero eta pasadizo ezezagun horietara sarbidea erakutsi zenidan. Zirrararen-tren horren bidaia mugagabeak nahi nituen, ez nuen inoiz jetsi nahi. Bideoklubeko bazkide txartela iritsi zen orduan nire eskuetara, a ze garaiak! Orduan deskubritu nuen, mundu horiek, VHS deituriko plastikozko aparatu batzuen barruan kabitzen zirela. Gurasoek ematen zidaten 500 pezetako aste-saria inbertitzeko, enion helburu hoberik aurkitzen. Scarface, The Goonies, The Big Lebowski, Seven, Taxi Driver, Pulp fiction…guztiak pasa ziren nire esku eta begietatik. Fantasia, drama, suspentsea…zuzen zuzen barneratu nintzen atmosfera harrapakor horietan. Saltzailea despistatua zegoenean, zeharka begiratzen nien beldurrezko film odoltsuen karatulei, “The Exorcist, The Shining, The texas chainsaw masacre“. Ezin nuen ihesik egin, lehiotxo bakoitzean ikusten nuena, txunditurik uzten ninduen: Iraganerako bidaia delorean izeneko auto batean, gartzela barruko kontu beldurgarriak, akzioa, odola, ezpatak, gansterrak, hiltzaileak.
Nerabetasuna igarotzearekin batera, pastazko betaurreko imaginario horiek jantzi eta intelektual plantak eginez, behin betiko zinezale etiketa zintzilkatu nuen lepotik “ni zinezalea naiz!“ esaten nuen, tonu nahiko jasanezin baten kiratsak, inguratzen ninduen bitartean. Etxeko egongelara, askotan azaltzen ziren zure tren horren gidari trebeenak, Hitchcock, Billy wilder, Spielberg, Peckinpah, Tarantino, Fincher edo Scorsese. Hauek, kuadrilakoak bihurtuz, familiakoak zehatzago izateko. Beraien elkarrizketa, tiro, azpijoko, humore eta istorioekin orduak eta orduak pasatzen nituen.
Hortik aurrera nire bizitzako ardatz nagusia bilakatu zara, zure unibertso zabal hori menperatzeko edo barrutik ezagutzeko nahi horrek, zine zuzendaritza ikastera bultzatu ninduen. Pantaila aurrean egotetik, pantaila atzean egotera. Izugarri ikasi nuen zugandik garai hartan. Travelling-ak, Steady cam-a, Script-a, errodaje planak, musika, kolorea edo planu zenitala bezalako kontzeptuek, guztiz irentsi ninduten eta urte ahaztezinak bizitzera eraman. Zeinen zaila den mundu hori menperatzea eta ze erraztasunarekin kritikatzen den, esfortzu, sakrifizio eta askotan bidegabeko lan hori.
Amaitzen joan behar dut. Eskerrik asko, nigan izan duzun eragin horrek , nere nortasuna, izaera, jokabidea eta gustuak film horietan isladatzen direla ohartu naizelako -edo alderantziz-. Eta eskerrik asko, batez ere, nigan piztu duzun pasio deskribaezin horri esker, lerro hauek idazteko beharra sentitu dudalako. Zuri esker, mundu honetan gehien gustatzen zaidana egiteko bidean nagoelako, maite dudan hizkuntza erreminta gisa erabiliz, zinemari buruz idaztea. Hemendik 30 urtetara, ikusi ditudan film guztien errepasoa egiteaz gain, zuri buruz idatzi ditudan artikulu guztien zerrendatxoa egiten, imaginatzen dut nire burua. Aurpegiak, irribarre handi baten dizdirak estaltzen duen bitartean. Berri txarrak-en diska nirera moldatuz: Jaio. Zinema. Hil.
 
Adeitasunez
Gaizka
 

 

"Star Wars: The Force Awakens": hementxe da trailerra!

2015-04-16  //  Albisteak, Pelikulak  //  Iruzkinik ez

Iritsi da, labetik irten berria, “Star Wars: The Force Awakens”en trailer berria. JJ. Abrams zuzendari lanetan, gidoia aldiz, Lawrence Kasdan eta Abrams bera. Aktoreen artean  Harrison Ford, Carrie Fisher, Mark Hamill, Anthony Daniels, Peter Mayhew, y Kenny Baker eta azken momentuan batu diren John Boyega, Daisy Ridley, Adam Driver, Oscar Isaac, Andy Serkis, Domhnall Gleeson, eta Max von Sydow. Gogoratu estreinua 2015eko Abenduaren 18an izango dela. ( 1:33 min “Chewie we’re home”)

The Asylum: zentzugabekeriak, film baten izena duenean

2015-04-16  //  Albisteak, Pelikulak  //  Iruzkinik ez

Sharknado, Mega Shark Versus Mecha Shark, Abraham Lincoln vs. Zombies, Mega Python vs. Gatoroid, Crocosaurus… Ziur azkenaldian eta behin baino gehiagotan entzun dituzula izenburu xelebre hauek. Interneten gora eta behera dabiltzan pelikulak eta bertako trailer eta bideoak sare sozialen bitartez, izugarri biralizatzen direnak. Jakin, izenburu zentzugabe hauen atzean izen bat aurkitzen dela: The Asylum.
(gehiago…)

True detective: bigarren denboraldiko lehen trailerra!

2015-04-10  //  Albisteak, Telesailak  //  Iruzkinik ez

 
Edozein irudi, datu, albiste edo bideo izugarrizko irrikarekin itxoitea; hori da True detective telesailak lortu duena. Urteak ez nuela horrelako “biraltasuna” telesail batean ikusten (Game of Thrones izan liteke gaur egungo beste adibidea). Alde onak  zeintzuk diren argi eta garbi, baina sortzaileek gainean duten presioa eta zaletuei huts-egitearen beldur horrek pikutara bidali dezake, lehen denboraldi zoragarri horren bigarren zati hau.

Hementxe trailerra, lehen denboraldian bezala, musikak ere pisua handia izango duenaren susmoa pizten duen bideoa. Bitxikeria moduan, mundu mailan TT izatea lortu zuen atzo Twiterren, bertan azaltzen den abestia Shazam bidez jendeak ezin zuelako “harrapatu”, ez baita beraien datu basean azaltzen. Beraz trailerrarekin batera, abesti-zati hau ere biral bihurtu zen: