Breaking bad telesailaz ezagutzen ez zenituen 28 bitxikeria

2014-08-27 // Making of, Sailkatugabeak, Telesailak // Iruzkinik ez

Astelehenean izan ziren Emmy sarietan 5 garaikur jaso zituen, amaiera ezin hobea azken urteetan egin den telesail onenarentzat. Guztia nabarmendu daiteke Vince Giliganen ekoizpen honetatik: aktoreak, argazkia, musika, gidoia, planoak eta abar. Baina gaurkoan telesail bikain honen beste alde bat azaldu nahi dizuet, ezagutzen ez zenituen 28 bitxikeria:

(gehiago…)

Emmy sariak 2014: Breaking badek merezitako agurra

2014-08-27 // Albisteak, Irratiko saioak, Telesailak // Iruzkinik ez

Euskadi irratiko Hiri Gorrian saioan, Emmy sariei buruzko balorazio txiki bat egin nuen, hementxe audioa entzungai:

Emmy sariak 2014: apustuak martxan!

2014-08-22 // Albisteak, Telesailak // Iruzkinik ez

Seth Meyersek aurkeztuko duen AEBko telebistako Emmy sariak iristear daude (gaur gauean izango dira). Izendapen gehien jaso dituzten telesailak, Fargo eta Game of thrones izan diren arren, benetako borroka, duelua eta desafio bortitza Breaking bad eta True detectiven artekoa izango da.
Sorpresarik egongo al da? nork irabaziko du eta nork irabazi beharko luke? Hona hemen sari garrantzitsuenekin eginiko nire kiniela, egin apustu zuek ere! (gehiago…)

Pelikulen eszena mitikoak, Otomandar Inperioaren arte bihurturik

2014-08-14 // Albisteak, Pelikulak // Iruzkinik ez

Mural Paltak, pelikulen fotograma mitikoak hartu, eta Otomandar Inperioaren erdi aroko kodex erara birsortzea erabaki zuen. Ustekabeko estilo artistiko originala lortuz.
Imajina dezagun Star Wars bezalako film ezagun baten sekuentzia identifikagarri bat, baina modu ezberdin batean. Ez da fotograma bat. Ez da komiki ilustrazioa. Ez da koadro hipererrealista bat. Ezta karikatura bat ere. Imajina dezagun erdi aroko islamiar arte-tankeran irudikatua, Otomandar Inperioan konkretuki, XIII eta XVII mende bitartean. Bizantzioren aurkako borroka garaian eta kultura musulmanaren ondorengo hegemonian. Arte Otomandarra oso bereizgarria da: kolore eta xehetasun ugarikoa eta mugimendu gutxikoa.
Imajina dezagun orain turkiar ikasle gazte bat, Murat Palta, arte ederretako amaierako proiektu gisa, ideia oso interesgarri bat bururatu zitzaiona: aintzinako otomandar estiloa eta mendebaldeko zinema nahastea. Eta horrela jaio zen “Ottoman Star Wars”.
(gehiago…)

Aho zabalik uzteko moduko 20 dokumental ilun eta sinestezin

2014-08-12 // Dokumentalak, Gomendioak // 6 iruzkin

Orain hilabete batzuk “Azken hamarkadako ezinbesteko dokumentalen” zerrenda batekin aritu nintzen, beraz ez errepikatzearren hortik kanpo dauden dokumentalak aipatuko dizkizuet gaurkoan. Sekulako lan pila aurki ditzakegu eta ia egunero aritzen naiz sarea goitik behera miatzen bitxikeria edo ekoizpen harrigarrien bila. Ez naiz inoiz nekatuko, zuei dokumentalen munduan murgiltzearen ahalegina egiten. Ezin duzue imajinatu ere egin zer nolako harri bitxiak topa ditzakezuen, irudikatu ezinak diren gai eta istorioak jorratuz. “Azken hamarkadako ezinbesteko dokumentalak” eta Azken hamarkadako ezinbesteko dokumentalak (bigarren zatia)ren ostean, gaurkoan: Aho zabalik uzteko moduko 20 dokumental ilun eta sinestezin; bai istorioarengatik, bai kontatzeko moduagatik edo baita bertan azaltzen diren protagonista xelebre, nazkagarri, krudel, beldurgarri, sinestezin eta harrigarriengatik; hori bai, ohar gisa, gehienek gai eta irudi gogor eta lazgarriak dituzte, beraz ongi irakurri sinopsia ikusten hasi baino lehen.

(gehiago…)

Siesta egiteko moduko telesailak

2014-07-29 // Gomendioak, Irratiko saioak, Telesailak // Iruzkinik ez

Euskadi irratiko #udagorrian saioan siesta egiteko moduko telesailei buruz egon ginen hizketan. Azken urteetako ezinbesteko lau telesai ere aipatu nituen; hementxe saioa entzungai:

Euskarazko azpitituluekin ikus ditzakegun film onenak

2014-07-22 // Gomendioak, Pelikulak, Sailkatugabeak // Iruzkin bat

Pelikulak jatorrizko hizkuntzan ikustearen defendatzaile amorratua nauzue (INFO7 irratian ere hitz egin nuen honi buruz) eta orduak eta orduak igarotzen ditut sarean azpitituluen bila. Orokorrean erdaraz edo ingelesez topa ditzakegu (edo film konkretu horren jatorrizko hizkuntzan), baina gure hizkuntza maitean ikusi nahi izanez gero, biziki konplikatua suerta dakiguke.
Zorionez azkeneko esaldi hori okertzat hartu behar dugu, azpitituluak.com web orrialdeari esker.
(gehiago…)

Ambiancé: 720 ordu irauten dituen filma

2014-07-17 // Albisteak, Pelikulak // Iruzkinik ez

Ausartuz gero, jarraian 74 minutu irauten dituen Anders Weberg zuzendariaren Ambiancé filmaren trailerra ikusteko aukera izango duzue. Ongi irakurri duzue bai, 74 minutu. Ezer gutxi, filmak 720 ordu irauten dituela jakiten duzuenean, modu honetan historiako pelikularik luzeena bilakatuz.

Harrituta? ba itxoin..filma 2020ko Abenduraren 31 ean mundu osoan eta era sinkronizatuan zabalduko dute. Jarraian suntsitua izango da eta ez da sekula berriz ere emitituko. Ariketa surrealista eta urratzailea? beste era batera esanda “sekulako txorakeri galanta”.
Hurrengo trailerra, 2016an aurkeztuko da, 7 orduko iraupenarekin eta 2018an azkena 72koa. Bere web orrialdean jarrai ditzakezue albiste guztiak.
Modu honetan 240 orduko iraupena zuen, superflex danimarkarren Modern Times Forever zinta esperimentalaren errekorra hautsiko dute.
Jarraian aipaturiko trailerra…ANIMO!

Boyhood: 12 urteetan zehar grabaturiko filma

2014-07-14 // Albisteak, Pelikulak // Iruzkinik ez

Lehen aldia da nire blogean film bakar bati artikulu oso bat eskaintzen diodala, baina kasu nahiko berezi eta deigarriarekin natorkizue, Richard Linklater zuzendari amerikarraren Boyhood filma. Grabaketa 2002ko udaran hasi zen eta 2013an amaitu, bertan Ellar Coltrane aktore gaztearen haurtzarotik hasiz, bere eboluzio pertsonala irudikatzen delarik. Hona hemen trailer zoragarria:
(gehiago…)