Oinarritzen diren liburuan baino hobeak diren 11 pelikula

2014-07-08  //  Gomendioak, Pelikulak  //  Iruzkinik ez

Oso urduri jartzen nauen esaldi tipiko bat: “pelikula? bah…liburua askoz hobea da” Liburua gauza bat da eta filma beste bat. Hau da, ziur nago gehienetan liburuak eskaintzen digun aberastasun hori ezinezkoa dela pantaila baten aurrean isladatzea, baina horretan datza nire ustez gakoa. Pelikulak liburuetan oinarritzen  dira eta pertsonaiak garatzeko era, istorioak, kontakizunak beste kode edo modu batera kontatu behar dira, ezinezkoa litzateke liburu baten mamia 100% ean film batean itsastea, baina niri pertsonalki ez zait batere axola. Film bat ikustera noanean hori da hain zuzen egin nahi dudana, film bat ikusi, berdin zait liburu batean oinarritu den, edo antzerki batean edo Amezketako pernandoren eguneroko bizitzan.
Denok identifikatuko dugun egoera tipiko bat, Game of thrones telesailarekin gertatzen den zerbait da . Bada beti gure inguruan liburu guztiak irakurri dituen friki horietako bat, eta astero-astero komentario berdinak egiten dituena: “puf! atzoko atala? kaka zaharra! liburuan beste 3 pertsonaia azaltzen dira, eta gainera ez zuen esaldi hori esaten, eta gainera…….”  Nahikoa!!! berdin zait liburuan zer gertatzen den…berriz errepikatuko dut: BERDIN ZAIT LIBURAN ZER GERTATZEN DEN!!! telesaila ikusten ari naiz, eta istorioa modu honetan bizi eta sentitu nahi dut. Gauza asko eta asko galtzen ari naizela liburua ez irakurtzegatik? ziur asko baietz, baina nik erabakiko dut noiz irakurri eta noiz ez,  istorio bat kontatzeko bi modu desberdin direlako eta nik hori aukeratu dut.
Hori dela eta, 11 pelikulaz osaturiko zerrendatxo batekin natorkizue, non nire ustez, pelikula hauek oinarritzen diren liburuan baino hobeak diren eta bertan aurki ditzakegun elementuak ez ditugu orrien artean aurkituko:
(gehiago…)

Making of..”The Grand Budapest Hotel”

2014-07-05  //  Making of, Pelikulak  //  Iruzkinik ez

(gehiago…)

Dragoi bolako gaizkileen benetako itxura

2014-07-03  //  Albisteak, Telesailak  //  4 iruzkin

Kolby Jukes artistak Dragoi bolaren gaizkile nagusien bertsio errealista batzuk diseinatu ditu, ikusi dezakezuen bezala emaitza harrigarriarekin:
(gehiago…)

Udarako igandeak freskatzeko 6 film, 6 telesail eta 6 dokumental

2014-07-01  //  Dokumentalak, Gomendioak, Pelikulak, Telesailak  //  4 iruzkin

Abuztua, igande arratsaldea eta kalean 30 gradutik gora. Atzoko parrandaren ondorioek zonbi galdu eta gosetxu batean eraldatu zaitu. Hondartzak  jendez gainezka eta ez duzu batere gogorik kalera ateratzeko. Etxean “bunker operazioa” martxan jarri duzu eta pertsiana guztiak beheraino jetsiz zure kobazulo ilunean geratu zara eguzki izpiek harrapa ez zaitzatenaren itxaropenez. Helburua? krispeta “bol” erraldoi bat esku artean hartu eta erosi berria duzun pantaila erraldoi eta zoragarri horri etekina ateratzea. Hauxe da nire gaurko helburua, udarako egun “ergel” horiek freskagarriagoak  bilakatzea: 6 film, 6 telesail eta 6 dokumental gomendatuz.  Baldintza bakarra? entretenigarriak izatea baina era berean kalitatezkoak.
(gehiago…)

Munduko 7 (+1) zinema areto ikusgarrienak

2014-06-24  //  Albisteak, Gomendioak, Sailkatugabeak  //  Iruzkinik ez

Film Rocks Yao Noi

Yao Noinen (Tailandia) aurkitzen da . Urtero Film Rocks Yao Noi  enpresak bertara joateko aukera eskaintzen du. Informazio gehiago.


(gehiago…)

Making of.."True detective"

2014-05-08  //  Making of  //  Iruzkinik ez

 
(gehiago…)

Amarauna irrati saioan elkarrizketa

2014-04-20  //  2013ko blogari berriaren sari berezia, Gomendioak  //  Iruzkinik ez

Blogari berriaren sariaren inguruan “Amarauna” irrati saioan atzo egin zidaten elkarrizketa.

Donostiako fantasiazko eta beldurrezko zinemaren asteak, 25 urte

2014-04-09  //  Albisteak  //  Iruzkinik ez

Udazkenero Antzoki Zaharra eta bere inguruak festa bilakatzen dira fantasiazko eta beldurrezko zinemazaleentzat. Egun batzuetan zehar, urteko genero-film onenak, erakusketak eta bestelako jarduerak elkartzen dira Donostian, eta kaleak kolorez, dibertsioz eta fantasiaz betetzen dira.
1990eko Urrian Antzoki zaharrak lehen aldiz ireki zizkion ateak ekitaldi honi , beraz aurtengoa 25garrena izango da. “Jende gaztea erakartzea” ideia horrekin sortu zen astea, 21 urtez jarraian jaialdiaren zuzendari izandako José Luis Rebordinosen esanetan. Baina bertan proiektatzen diren pelikula eta egiten diren jarduerez gain, hitz batek definitzen du ospakizun hau: GIROA.  Bertan sortu den goiburu antzeko batek esaten du “Filma oso txarrak eta oso onak ekarri behar dira ekitaldira. Oso onak, daukaten kalitateagatik, eta oso txarrak ikusleen artean sortzen den juerga paregabearengatik.”
Guzti hau ezin hobeto deskribatzen duen pasadizo batekin laburbildu daiteke. Orain urte batzuk, Sitgestik zetorren pelikula bat proiektatzen ari ziren Donostian, eta kazetari batek esan zuen ” Sitgesen ikusi  eta izenburu bera duen pelikula bat ikusi dut hemen, baina guztiz desberdinak dira beraien artean. Sitgesekoa oso aspergarria zen eta Donostian ikusitakoa ordea, urte guztian ikusi ditudanen artean dibertigarriena”
Beraz, ekitaldi honen ohiko ikusle friki horietako bat naizenez, omenaldi txiki bat eskaini nahi nioke; anekdota, datu eta bideo batzuekin. Har ezazue esku tartean bokata eta garagardo katxi bat eta sartu barrura:
(gehiago…)

%100 Eusko Label: azken urteetako ezinbesteko euskal film laburrak

2014-04-02  //  Film laburrak, Gomendioak  //  2 iruzkin

Laburmetraia, 30 minutu baino gutxiago irauten duen ikusentzunezko pieza eta orokorrean oso jende gutxik ikusten duena. Azkeen urteetan biraketa bat egon da neurri batean, gaur egun mundu guztiak eskura dauzkagun grabatzeko hainbat eta hainbat sistemekin: kamera merkeak, mugikorrak eta abar. “Wikipediara” joanez gero hau irakurri dezakegu:” Teknologia digitalei esker gaur egun ia edozeinek film labur bat ekoiztu dezake. Horren ondorioz benetako iraultza eman da. Film labur bat egiteko nahikoa izan daiteke smartphone bat izatea eta horrelako lehiaketak ugaritu egin dira. Internet sareak ekoizpenak zabaltzeko aukerak erraztu egin ditu. Horri esker film laburrek planteatzen zuten arazo nagusia, zabalkundearena, konpondu da.”
(gehiago…)

Making of…”DJANGO Unchained”

2014-03-31  //  Making of, Pelikulak  //  Iruzkinik ez

(gehiago…)