“Oletakorta”, ekonomia soziala zer den ulertzeko komikia

Atalak: Ekonomia, Komikiak

Amaia Ballesterosek egin ditu gidoia eta marrazkiak.

Oletakorta, ekonomia solidarioko abentura bat komikia plazaratu dute Alboan Fundazioak eta REAS Euskadi sareak, ekonomia soziala zer den azaltzea helburu duena.

Bost lagun ageri dira lehendabiziko binetan, mahaiaren bueltan eserita: “Proiektu bat jarri nahi dute martxan, gizartea eraldatzeko asmoz. Nekazaritza-turismoko baserri bat ireki nahi dute Mendatan (Gernika). Bertan, animalia batzuk, ortu ekologiko bat eta gozogintza eta ogi lantegi bat jarri. Funtsean, ekonomia solidarioko proiektu bat jarri nahi dute martxan”.

“Ekonomia solidarioak ez du irabazi asmorik, eta honako irizpide hauen arabera jarduten du: ekitatea, lankidetza, ingurumen-iraunkortasuna, lanaren aitortza eta inguruarekiko konpromisoa”.

Bidezko merkataritzaz mintzo da komikia, kontsumo arduratsuaz, elikadura burujabetzaz, software libreaz, banku etikoaz, aseguru-etxe eta energia-konpainia alternatiboez eta abar. Komikiaren amaieran ekonomia solidarioa ardatz duten talde eta erakundeen zerrenda ageri da, gaian sakondu nahi duenarentzat lagungarri.

– Komikia (pdf)