Ortzadar koloreko sokak, homofobiarik gabeko futbolaren alde

2015-02-20  //  Futbola, Gizartea  //  Iruzkinik ez

Rayo Vallecano futbol taldeko jokalariek ortzadar koloreko sokak eramango dituzte euren zapatiletan, igandean San Mamesen jokatuko duten partidan, Espainiako Estatuko Gay, Lesbiana, Transexual eta Bisexualen Federazioaren (FELGTB) Homofobiarik gabeko futbolaren alde kanpainaren baitan.

(gehiago…)

Euskal selekzioko mendi korrikalariekin saio irekia Zumarraga-Urretxun

2015-02-19  //  Mendia  //  Iruzkinik ez

Areizaga-Kalebarren plazatik abiatuko dira korrikalariak, 8:45ean.

Datorren igandean, otsailak 22, mendi lasterketetako Euskal Selekzioko kideak Zumarraga eta Urretxun izango dira. Entrenamendu gisa, maiatzaren 23an egingo den UZTRAIL lasterketaren ibilbide eraberritua osorik beteko dute, edonorentzat irekia dagoen korrika saioan.

(gehiago…)

Offside Fest: futbola tresna politiko gisa [Trailerrak]

2015-02-12  //  Futbola, Uncategorized, Zinema  //  Iruzkinik ez

“Futbola erabat loturik dago politikarekin, kulturarekin eta gizartearekin”, dio Joan Maria Pou kazetari eta Offside Fest futbolari buruzko zinema dokumentalaren jaialdiko epaimahaikideak. Bartzelonan egingo da Pouren hitzak berretsiko dituen festibala, martxoaren 12tik 15era bitartean.

Ikusgai izango diren dokumentalen trailerrak ekarri ditugu hona:

SAIL OFIZIALA

Democracia em preto e braco (Pedro Asbeg, Brasil)

Herrialdearen patua musika, futbola eta demokraziarekin aldatzea erabaki zuten brasildarren historia, Sócrates jokalari mitikoaren Corinthians taldea ardatz.

(gehiago…)

Anoeta eraberritzeko obrak: lehiaketa hutsetik hastera behartua?

2015-02-12  //  Azpiegiturak, Reala  //  Iruzkinik ez

Anoeta estadioa, atletismo pistarik gabe. Eraberritze proiektuak 42.000 lagunentzako tokia izatea aurreikusten zuen.

[2014-02-13]

Donostiako alkate Juan Karlos Izagirrek “erabateko desadostasunoa” agertu du OARCren erabakiarekiko. Kexu agertu da Anoeta eta ingurua hobetzeko obrak atzeratu egingo direlako, baina estadio berria errealitate bihurtzeko lanean jarraituko dutela gaineratu du. Alkateak defendatu egin du lehiaketa deitzeko prozesua, alderdi politiko guztien oniritzia izan eta “gardentasunez” jokatu dutelako. “Pleguek Europaren oniritzia ere bazuten”, nabarmendu du. Emango dituzten urratsez galdetuta, zerbitzu juridikoak lanean ari direla esan du. “Oraindik garaiz da erantzun bat emateko”.

[2014-02-12]

Donostiako Anoeta estadioa eraberritzeko lehiaketa bertan behera –geratu da. Optima Sport Media Madrilgo kirol azpiegitura enpresak eta Fernando Goñi abokatuak helegitea jarri zuten Udalak deitutako lehiaketaren aurka, haien iritziz lehiaketan “erraztasun guztiak” jarri dizkiotelako Realari irabazlea bera izan dadin. Kontratuko Helegiteen Administrazio Organoak (OARC) onartu egin du helegitea.

Eta orain zer? Lehen hipotesien arabera, Anoeta eraberritzeko lehiaketa arautuko duten plegu berriak erredaktatu beharko ditu Udalak. Hala balitz, lehiaketa hutsetik hasiko litzateke berriro. Horrek esan nahi du Realak –lehiaketara aurkeztutako erakunde bakarrak– aurreikusitako epeak ez direla beteko. Realaren nahia zen obrak aurtengo udazkenean hastea, baina ez dirudi hala izango denik.

Donostiako Udaleko alderdi guztiek (Bildu, PSE, EAJ eta PP) onartu zituzten lehiaketaren pleguak, Anoeta Kiroldegia sozietate publikoko administrazio kontseiluko kide bezala.

Iturriak:

Izagirre: “Aurrera segituko du Anoetako proiektuak, era batean edo bestean” (Berria)

Juan Karlos Izagirre: “Trabajaremos para que la remodelación de Anoeta sea posible” (El Diario Vasco)

Anoeta eraberritzeko lehiaketa, bertan behera (Berria)

Aceptan el recurso que invalida el concurso de la reforma de Anoeta (El Diario Vasco)

Un conflicto de intereses retrasa una resolución sobre la reforma de Anoeta (El País)

Gaiari buruz blogean:

Anoeta eraberritzeko obrak: datuak

Izkiko golf zelaiaren zuloa Diputazioak estali du… urtero bezala

2015-02-06  //  Ekonomia  //  Iruzkinik ez

@GorkaOrt_Guinea Arabako Batzar Nagusietako Bilduko bozeramailearen txioak ohartarazi gaitu: “358.000 euro bideratu ditu Arabako Diputazioak Naturgolf sozietatera, [2015eko] galerak konpentsatzeko. Urtero berdin”.

Urtero urtero milaka euro bideratzen du Arabako Diputazioak Izkiko golf zelaira, haren defizita estaltzeko.

Lagran eta Urturiko golf zelaiak kudeatzen ditu Naturgolf sozietate publikoak. Bi zelai horiek “Complejo Izki Golf” delakoa osatzen dute. Lagranekoa, dena den, itxi egin dute.

(gehiago…)

Black is argi-iluna

2015-02-03  //  Komiki kritikak  //  Iruzkinik ez

– Eta, gustatu al zaizu Ferminen komikia?

– Fermin, Cano eta Alder…

– Bai, tira… Gustatu al zaizu? Ni ez nau guztiz ase. Ez dakit komikien lengoaia kontrolatzen ez dudalako den edo zer, baina… Erreferentzia historiko gehiegi ditu, eszenatoki askotxo. Ez da sinesgarria tipo batek bere bizitzan Harlem, Malcolm X hil osteko protestak, Pantera beltzak, Velvet Underground, Che Guevara eta abar ezagutzea.

– Black is Beltzak sentsazio berarekin utzi nau ni. Erreferentzia zaparrada handiegia, eta istorioari “zerbait” falta zaio. ARGIAko blogean horri buruz idatziko dut…

Istorioaren abiapuntua: erraldoi beltzak New Yorkeko portuan kieto, desfilatzeko debekua jasota.

(gehiago…)

‘Thinking Football’: Futbola eta zinema soziala elkar helduta Bilbon

2015-01-30  //  Futbola, Zinema  //  Iruzkinik ez

Gizarte gaiak ditu ardatz Thinking Football jaialdiak, futbola eta zinema uztartzen dituen egitasmoak. Athletic Club Fundazioak eta BBK aretoak antolatua, otsailaren 9tik 15era bitartean ospatuko da 3. edizioa.

Brasil, Frantzia, Alemania, AEB, Polonia edo Erresuma Batuko hamar dokumental proiektatuko dituzte. Lan horietan futbolariaren eta kluben paper soziala eta politikoa aztertzen da, futbola gizarteratzeko tresna gisa, agintari politikoek futbolaz egiten duten erabilera, eta abar.

Urtero bezala, film onena sarituko dute ikusleek. Sariak ekarpen ekonomikoa du, eta diru hori kirolarekin zerikusia duen proiektu sozial bati eman beharko dio zuzendariak. Aurreko urteetako irabazleak hauek dira: Les rebelles du foot (Gilles Pérez eta Gilles Rof, Frantzia, 2012), Next Goal Wins (Mike Brett eta Steve Jamison, Ingalaterra, 2014).

Emanaldi guztietarako sarrerak doakoak izango dira.

Klima aldaketaren eragina tenisean eta beste kirol batzuetan

2015-01-27  //  Kirola  //  Iruzkinik ez

Teniseko lau txapelketa handienak –Grand Slam delakoa osatzen dutenak– hartzen dituzten hirietako tenperaturak geroz eta altuagoak dira. 1968az geroztik, batez besteko tenperatura beroenak gorantz egiten ari dira etengabe, klima aldaketaren adierazgarri dena, AEBetako Climate Central erakundeak ohartarazi duenez. Plazaratu dituen grafikoek argi erakusten dute igoera, Parisen jokatzen den Roland Garros edo Frantziako Irekiaren kasuan bereziki.

[55º F = 13º C inguru / 70º F = 21º C / 85º F = 30º C]

(gehiago…)

Marcelo Bielsaren merezitako zaplaztekoa kazetarien gremioari

2015-01-26  //  Futbola, Hedabideak  //  Iruzkin bat

Marcelo Bielsak, Marseillako Olympique futbol taldearen entrenatzaileak, Athleticen ibilitakoak, kazetari frantziar batekin eztabaidatu zuen asteburuko partida aurreko prentsaurrekoan. Kazetariak esan zion taldeari gehien kostatu zaion jokalarietako bat zelairatu beharko lukeela. Bielsak ezetz, egokienak ikusten dituenak aterako dituela.

Latza 25. segunduan ematen dion erantzuna 😀

Kazetariak: “Guk ez dugu deus pentsatzen; galderak egiten ditugu, besterik ez”.
Bielsak: “Bai, horretan ados nago”.

“Horregatik dago futbola dagoen bezala; futbolariari aitortzen zaizkiolako futboletik harago lortutako eskubideak”.

Pasa den astean Mark Cavendish ziklistak, orain Bielsak… kazetariok tentuz ibili beharko dugu…

[Milesker Bielsaren adierazpenen berri emateagatik, McArra]

Ziklistak prentsaurrekoan, dopinaz galdetzean: “Ziur al zaude gainerako kazetarietako inork ez duela zure emaztearekin txortan egin?”

2015-01-20  //  Txirrindularitza  //  3 iruzkin

WhatsApp bidez heldu zait sare sozialetan bolo-bolo dabilen pasadizoa:

Kazetariaren galdera Mark Cavendish ziklistari, San Louiseko (Argentina) itzulia hasi aurretik:

– Ziur al zaude itzulian parte hartuko duten ziklista guztiak garbi eta dopinik gabe daudela?

Cavendishen erantzuna:

– Ziur al zaude lasterketa honetan dagoen kazetarietako inor ez dela zure emaztearekin larrutan egiten ari? Biotako inor ez gara sekula gauza batzuez seguru izango.

Informazio gehiago: Mirror

[Milesker erreferentziagatik, Cadelevans]

@jtorner bai noski, dopina eta emakumeak, zein fiatu lieteke? #maromadaederra

— Kattalin Miner (@MinerKattalin) January 20, 2015

@jtorner HOMBRE, egokia ez izateaz harago, andrearen erabilera horrek nabarmen matxismo normalizatu bat uzten duelakoan nago

— Kattalin Miner (@MinerKattalin) January 20, 2015