Benvenuti to East Belfast! (Edo Italiako Giroak auzo katolikoak nola saihestu dituen)

2014-05-08  //  Nazioartea, Txirrindularitza  //  Iruzkin bat

Mural loialista Belfast ekialdean, Upper Newtownards kalean, ziklistak pasako diren errepide bazterrean. (Argazkia: Paul McErlane / The Guardian)

Belfastetik abiatuko da bihar, ostirala, Italiako Giroa. Txirrindulariek hiru egun emango dituzte Irlandan, iparraldetik hegoalderako bidean. Herrialdea turistikoki promozionatzeko estrategia egokia dela uste dute agintariek; baita, Ostiral Santuko akordioa sinatu zenetik 16 urte igaro direnean, gatazka armatuaren zauriak apurka-apurka desagertuz ari direla erakusteko ere, bi etapa jasoko dituen Belfast “eraberrituaren” kasuan bereziki, hainbat politikarik nabarmendu duenez.

(gehiago…)

Arrazismoa futbolean: zaleek jaurtitako banana jan du Alvesek

2014-04-28  //  Futbola  //  Iruzkinik ez

Hainbatetan ikusia dugu, nola futbol jokalari beltzei tximu imintzio eta soinuak zuzentzen dizkieten beste taldeko zaleek. Batzuetan bananak ere botatzen dizkiete, gauzak argi utzi nahian-edo. Jokalariek, normalean, ez ikusiarena egiten dute.

Igandean, ordea, Dani Alves Bartzelonako jokalariak Villarrealeko zale batek jaurtitako banana hartu, zuritu eta jan egin zuen.

https://www.youtube.com/watch?v=ylMfERo60jc

“Halaxe hartu beharra dago. Ez dago hau aldatzerik. Hamaika urte daramatzat hemen eta guztiak berdin jarraitzen du. ‘Atzeratu’ hauez barre egin behar da…”, adierazi du jokalari brasildarrak. Alvesek arrazismoa jan zuela esan dute hedabide batzuek. Gehiegitxo da hori esatea, baina gaia azaleratu du behintzat…

Guardiola katalanez mintzatzearen alde, UEFAk kazetariari errieta egin arren

2014-04-24  //  Futbola, Hizkuntzak  //  Iruzkinik ez

Municheko Bayern futbol taldeko entrenatzaile Pep Guardiola prentsaurrekoa ematen ari zen atzo iluntzean Madrilen, Catalunya Radio irratiko kazetaria gaztelaniaz hasi zitzaionean: “Atzo UEFAk katalanez galdetzeagatik errieta egin zidanez, gaztelaniaz galdetuko dizut gaur”. Guardiolaren erantzuna: “Oker zaude, katalanez egin diezadakezu”.

Ziur badela entrenatzaile katalanaren erreakzioa baztertzailetzat joko duenik. Kontuan har dezala, baina, Guardiolak gaztelaniaz, alemanez eta ingelesez ere hitz egin zuela prentsaurrekoan, inolako arazorik gabe.

Bestalde, Alemaniako ZDF telebista kate publikoak Guardiolari buruz emititutako erreportajeaz mintzo da gaur Ara.cat agerkaria.  “Katalunia da nire aberria; eta Katalunia ez da Espainia” esaldia bota du Twitterren kate alemaniarrak.

Guardiola: „Katalonien ist meine Heimat & Katalonien ist nicht Spanien.“ Pep & die Politik gleich im auslandsjournal: http://t.co/z8TRl9easU

— ZDF Sport (@ZDFsport) April 23, 2014

Selma eta Anya, Maite eta Vera

2014-04-16  //  Komiki kritikak, Komikiak  //  Iruzkinik ez

Maite Gurrutxagaren ‘Habiak’ eta Vera Brosgolen ‘El fantasma de Anya’ komikiak, bi irakurgai gomendagarri.

Balkanetako gerra atzean utzita, Euskal Herrira heldu den erizain bosniarra da Selma, Habiak komikiko protagonistetako bat. Abiadura Handiko Trena haren lurretatik pasatzen dela-eta baserria galdu duen Simon zaharra zaintzera etorri da.

Anya gazteak institutua ez du oso gustuko. Begiko duen mutilak ez dio jaramonik egiten, bere abizen errusiarra ahoskaezina da eta, pentsatzen duenez, soberan dauzka kilo batzuk. Eskolatik bueltan zulo batera erori eta Emily izeneko mamua ezagutu du… Halaxe abiatzen da El fantasma de Anya komikia.

(gehiago…)

Pisua galdu eta hegan egiten duten ziklistek, anorexiari bide?

2014-04-10  //  Osasuna, Txirrindularitza  //  Iruzkinik ez

Deigarria iruditu zait Joaquim Rodriguez ziklista kataluniarrak Sky taldeari buruz esandakoak: “Tentuz jokatu behar dute, haien txirrindulariek ‘pisua galdu eta hegan egiten dut’ diotenean; ume anorexiko belaunaldia sortzen ari dira”, dio Puritok, Sport egunkariak plazaratutako elkarrizketan.

(gehiago…)

San Mames Barriak diru publikoa jaso badu, guk zergatik ez?

2014-04-09  //  Futbola  //  2 iruzkin

42.300 ikuslerentzako lekua izango du Anoeta estadioak.

“Realak egin duen fitxaketa onena”. Hala definitu du Realeko presidente Jokin Aperribayk, Anoeta estadioa birmoldatzeko proiektu berria.

(gehiago…)

Espainiako futbol jokalaria, Homer erosteko ahaleginetan

2014-04-07  //  Futbola, Hedabideak  //  Iruzkinik ez

Iragan astean simpsondarrek Iruñeko entzierroa korritu dutela genioen, 25. denboraldiko 16. kapituluko sarreran, hain justu. Bada, ez ginen ohartu kapitulu berean futbolaren inguruko pasadizo mordoa agertzen zela, Brasilgo Munduko Txapelketa aitzakia. Eszena batek dezenteko zalaparta sortu du Espainiako Estatuan:

Brasilgo eta Espainiako futbol selekzioen arteko partida ari da arbitratzen Homer Simpson. Espainiako jokalari bati txartel gorria erakusten dionean, jokalariak billete-sorta bat ematen dio, trukean barkatu egingo diolakoan. Homerrek bigarren txartel gorria aterako dio, eta atzera dirua jasoko du berriz ere…

Ez da ustelkeriari keinu egiten dion eszena bakarra, dena den. FIFAko goi-karguak ere nahasten ditu topiko ugari erakusten duen kapituluak. Garai berrietara egokitu diren topikoak ezbairik gabe, Espainiaren kasuan olé-olé eta paelletatik harago doazenak. Hori bai, arbitro estatubatuarra zintzo demonio…

Futbol zelaiko publizitate iragarkiak ere latzak dira. Haietako batek hala dio, gaztelaniaz: “Bienvenido a Brasil. Aficionados británicos: Aquí tenéis otro país donde vomitar”.

The Simpsons, Iruñeko entzierroan giriz mozorrotuta

2014-04-01  //  Hedabideak  //  Iruzkinik ez

Hala da, simpsondarrek Iruñeko entzierroa korritu dute, 25. denboraldiko 16. kapituluko sarreran. Eserleku-zezen batzuen aurrean aritu dira lasterka.
[Erdiko play ikonoa sakatzean pantaila beltza jarri eta publizitate leiho berria irekiko zaizue. Itxaron hamar segundo bideoa hasi arte. Publizitate leihoari dagokionez, blokeagailuren bat instalatuta ez baduzue…]

(gehiago…)

1 Formula: Dirua, ospea, emakume ederrak… abiaduraren erreinuan kodizia erregai

2014-03-14  //  Automobilismoa  //  Iruzkinik ez

Krisia? Zein krisi? lelodun pankarta zintzilikatu zuten iazko apirilean Bizi mugimendu altermundialistako kideek Ferrari etxearen Baionako saltokian. Barruan, Pacman ultra-aberats batek Lurra irudikatzen zuten pilulei jarraitzen zien luxuzko auto artean. Kanpoaldean, golf jokalariek eta jet-set zaleek xanpaina edaten zuten, enpresa italiarrak 2012an irabazi historikoak lortu zituela “ospatzeko”.

Ferrarik irabazi ponposoak lortu izana ganoraz ospatu beharra zegoen…

(gehiago…)

Zein ederrak diren jokalari errusiarrak (emakumezkoak, noski)

2014-03-14  //  Gizartea, Saskibaloia  //  Iruzkinik ez

Izugarria hemerotekatik berreskuratutako kronika hau. TVEk plazaratu zuen teletestuan, 2008ko Pekingo Olinpiar Jokoetan, Espainiako eta Errusiako emakumezko saskibaloi taldeen arteko partida amaitzean. Twitterren aurkitu dugu:

Aho bete hortz (Argazkia: @atletista1989)