Donostiako gazteak atxilotzeko agindua eman dute eta 24 orduko herri harresia deitu dute
Gaur goizean gazteak atxilotzeko agindua jaso dute hauen abokatuek, Info7 irratiari adierazi diotenez. Irratian mezua zabaltzearekin batera, AskeGunera joateko deia luzatu diete herritarrei, euren babesa adierazi eta modu baketsuan erresistentzia jartzera. Astearte goiza izan arren, denbora gutxian ehunka pertsona bertaratu dira bertara.
Gazte zigortuek esker ona adierazi dute beste behin eta hemendik aurrera atxilotze aginduarekin euren etxeetara sar daitezkeela jakitun, AskeGunea 24 orduko planteamentu batera pasatzea erabaki dute. Zigortuetako sei ez direla hemendik aurrera bananduko adierazi dute, ez direla bakoitza bere etxera joango. Hortaz, herritarrei lo ere egitera joateko deia luzatu dute, beraz lotarako zakuarekin joateko gonbidapena luzatu diete. Sirena hotsa ere prestatu dute ertzaintza joaten denean jartzeko.
Bideo arrakastatsua sarean.
Gaur aste bat beteko du Aske Guneak eta egun hauen laburpen bideo bat jarri zuten atzo sarean. Auzolanean zazpi hizkuntzatan azpititulatu dute erabiltzaileek: euskaraz, ingelesez, gaztelaniaz, frantsesez, katalanez, italianoz eta portugesez. Hemen ikus daiteke:
Sarean mugimendu handia eragin du albisteak, horren adibide dira #herriharresia etiketa eta #askegunea etiketek darabilten mugimendua. Ideia zaparrada ere egiten ari dira erabiltzaileak, sarean egin daitezkeen ekintzak adostu asmoz.
“askegunea”(r)i buruzko Txioak
// “herriharresia”(r)i buruzko Txioak
//
Iruzkinik ez
Trackbacks/Pingbacks