Hizkuntza ardatza galegoa izango duen ‘Avoaescola’ sareko lehen haur eskola sortu dute
Ferrolgo gazteenek hezkuntza galegoz jaso ahal izango dute datorren ikasturtetik aurrera.
6 urte arteko Galiziako haurrentzat hezkuntza galegoz emango duen Avoaescola proiektuko lehen eskola aurkeztuko dute bihar Ferrolen. Galicia co Galego (GcG) plataformak bi urtetan egindako lanaren emaitza da. Datorren ikasturtean irekiko ditu ateak, Praza Pública-k argitaratu duenez.
Galiza co Galego proiektua 2010ean aurkeztu zuten eta beren buruari hezkuntza sare “herrikoi eta pribatua” bultzatzea ezarri zioten lehen helburu gisa. Ferrolgo Avoaeskola da sare honetako lehen emaitza.
Orain arte galescola-k ziren funtzio pedagokiko hau betetzen zuten eskolak, BNG eta PSdG-ren gobernuak bultzatuta. Hala ere, PP 2009an botetera itzuli zenean, galescola programa ordezkatu egin zuen A Galiña Azul programagatik, eta egun ez dago gazteenentzat hezkuntza galegoz ziurtatuta.
Galicia co Galego-ko kideek adierazi dute PP gobernura itzuli denetik hizkuntzaren aurka “eraso bortitzak” egin dituela eta horrengatik sortu behar izan dutela hezkuntza sistema “laikoa, plurala, demokratikoa, baloreetan oinarritua eta kalitatezkoa”, eta galegoa hizkuntza ardatz duena.
Galizian martxan jarri nahi duten eredu honek estaturik gabeko beste hainbat naziotako hezkuntza proiektuekin antzekotasunak ditu, hala nola, Ipar Euskal Herriko Seaska, Ipar Kataluniako Bressola, Occitaniako Calandreta edo Bretainiako Diwan ereduekin.
Iruzkinetan Txerra Rodriguezek jakinarazi digunez, lehendik bada galegoz irakasten duen eskolarik: Semente izenekoa Santiagon. Bertan izan ziren gainera Euskal Herritik joandako hainbat pertsona, esperientzia bertatik bertara ezagutzeko (hemen kronika). Ferrolgo honen berezitasuna da Avoaescola sarea izan nahi duenaren lehen fruitua dela.
Bideoa ez da beste munduko ezer, baina gaian interesa duenarentzat, bertan informazio gehiago.
Galiziera ardatza duen lehen eskola orain dela bi urte ireki egin zuten Santiagon: Semente (http://sementecompostela.com/). Hala ere, oso berri pozgarria da: Galizian gauzak mugitzen hasi dira hizkuntzaren irakaskuntzaren alorrean, eta ez da gutxi.
Orain dela astebete, gainera, han izan ginen hainbat euskaldun Sementeko proiektua ezagutzen: http://sementecompostela.com/index.php/2013/cronica-da-viagem-de-porrotx-e-marimotots-a-galiza-e-a-semente/ Proiektu ikaragarria da, ilusionantea eta zoragarria.
Aupa Txerra, eskerrik asko oharragatik! Izenburuan sartu dut Avoaescola-ko lehena dela eta testuan ere gehitu dut parrafo bat.
Segi fuerte ta milesker berriz ere!