Eskratxea Garzon epaile ohiari Argentinan, Euskal Herriarekin elkartasunez

Atalak: Euskal Herria

Argentinako Euskal Herriaren Lagunek Baltasar Garzon epaile ohi espainiarrak eman behar zuen hitzaldi bat moztu zuten Buenos Airesen. Giza eskubideak eta emanzipazio prozesuak gaur egungo Latinoamerikako eraikuntzan eztabaidan parte hartzekoa zen epaile ohi espainiarra. Dozena bat ekintzailek Euskal Herriko tortura kasuetan izan duen ardura azaldu zuten, Filosofia eta Letretako fakultatean zeuden entzuleei esku-orriak banatzen zizkioten bitartean. Garzonek eguraldiagatik, ezin izan zuen bertan egon, eta ekintzaileek baliatu zuten behin eta berriz errepikatzeko ez zezatela gehiago gonbidatu.

Garzon “torturen arduradun” eta “zapaltzailea” dela adierazi zuten, eta onartezin jo zuten epaile polemikoa giza eskubideei buruz hitz egitera gonbidatzea. “Naziei gertatu zitzaiena gertatuko zaizu, zoazen lekura zoazela, zure bila joango gara” abestiaren bitartez abisua eman zioten. Ziur gerora mezua jaso duela.