‘Catalonia Calling: Munduak jakin behar du’ kanpaina arrakastatsua

Atalak: Aktibismoa sarean, Estaturik gabeko nazioak, Herrialde Katalanak

Inork ez du kausa bat defendatzen hau ezagutzen ez badu. Hori diote Catalonia calling: el mon ho ha de saber kanpainaren sustatzatzaileek. Kataluniako prozesuari buruz oinarrizko liburu bat hainbat hizkuntzatan egin eta munduan eragin gehien daukaten 10.000 pertsonatik gorari bidaltzen ari dira. Dagoeneko 10.000ko muga gainditu eta 5.000 pertsona berri ari dira zerrendan gehitzen. Historia jorratu ohi duen Sapiens aldizkaria arduratu da liburua egiteaz.

Bideo honetan laburbildu dute ekimena.

Esparru ezberdinetako jendea da: Idazleak, presidenteak, zinemagileak, enbaxadoreak, aktoreak, zientzialariak, kazetariak, kirolariak, enpresariak, epaileak, nazioarteko erakundeetako kideak… Hauen artean dira Dilma Russeff, Woody Allen, Christine Lagarde edo Tiger Woods, lau aipatzearren. Zerrenda oso ongi pentsatuta dago. Abizenen arabera, herrialdeka edo esparruka zerrendatuta kontsulta daiteke zerrenda.

“Katalunia porrot baten hirugarren mendeurrena oroitzeko prestatzen ari da (…) Horrenbeste belaunalditan hainbesteko sufrimentua eragin ostean, hirurehun urte eta gero hau garaipen bat bezala baino ezin da ulertu. Izan ere, 1714ko desastretik hiru mende igaro ostean, Kataluniak ez du bere kontzientzia nazionala galdu, kontrakoa baizik, hau sekula baino biziago dago. Zentzu honetan, gure herria askatasunetik sekula baino gertuago dago,  gure etorkizuna erabakitzeko gaitasuna, era libre eta demokratiko batean (…) Munduak jakin behar du Kataluniaren etorkizuna ez doala inoren aurka, eta bere askatasunak mundua pixka bat askeago egiten lagunduko duela”.

Kausa kataluniarraren enbaxadore izatea oso erraza dela diote. Hemen liburua.

Behin liburua erosita, ausaz nori bidaliko dion erakusten du. Bitxikeria gisa, nirea AEBetako Grizzlies Memphis saskibaloi taldeko presidente Robert Perarentzat da. Ea gustatzen zaion.

Robert Perarentzat da liburua.