Bi pertsona hil eta 79 atxilotu ditu Kurdistanen Turkiako poliziak

Atalak: Estaturik gabeko nazioak, Kurdistan

Bi langile kurdu tiroz hil ostean, gutxienez 79 pertsona atxilotu ditu Turkiako poliziak azken lau egunetan.  Batari sei tiro jo zizkioten, eta besteari bi, autopsiaren arabera eta Firat berri agentzia kurduak jakitera eman duenez.

Bi gazteon omenezko hiletako argazkia.

Firaten irakur daitekeenez, Hakkari herrian hilerrira martxa egin zuten ostiralean, ezezagun batzuek PKKko kide batzuen hilobiak hautsi ostean. Hauek konpondu eta PKKko banderak jarri zituzten berriro, debekatuak Turkiako legearen arabera (Kurdistango bandera bera ere debekatuta dago). Honen ondoren sortu ziren istiluak, poliziak jendea inguratu eta tentsioa igo zenean. Azkenean, poliziak bi gazteak hil zituen.

Ondoren, manifestazioak deitu zituzten Kurdistango beste puntuetan ere. Bi gazteon hiletetan parte hartu duten herritarrei eraso egin die poliziak gerora. 19 urteko hirugarren gazte bati tiro bat jo diote buruan eta ospitalean da.

Istiluak Kurdistanen.

Istiluak Kurdistanen.

Poliziari su artifizialak bota dizkiote manifestari kurduek Istanbulen, bi gazteen heriotza salatzeko.