Apurtu.org inpunitate osoz itxi zuten, Ateak Ireki bezala?

Atalak: Adierazpen askatasuna, Aktibismoa sarean, Estaturik gabeko nazioak, Euskal Herria, Komunikazioa

Apurtu.org-en logoa.

Honela gertatu zen:

Apurtu.org atari digitala itxi zuen Espainiako Auzitegi Nazionalak 2011ko urtarrilean. Lau pertsona espetxeratu zituen, eta horietako bat (Miguel Angel Llamas Pitu) 18 hilabetez izan zuten kartzelan. Askatasunaren propagandarako tresna izatea egotzi zioten. Orain, sumarioa artxibatu dute.  Lau inputatuen aurkako karguak erretiratu egin dituzte.

Pozik eta haserre daude: “Ikusten dugu komunikabide bat ixteko ez dela deus behar Espainiako estatuan”.

Apurturen ondoren, Nafarroako kazetari talde batek Ateak Ireki sortu uzten 2011n. Herri mugimenduekin sintonizatzen jakin zuen eta bestela isilean pasako ziren hainbat gai deseroso lehen lerrora ekartzen lagundu zuen. 2013ko azaroan Espainiako Auzitegi Nazionalak itxi egin zuen. Herriraren parte izatea egotzi zioten. Uneotan itxiera aginduaren aurkako helegitea jarria dute.

“Ez badago froga nahikorik frogatzeko Apurtu.org delitua zela, nola frogatuko dute Ateak Irekirena? Gure susmoa da ez dutela hori inoiz frogatuko”.

Datorren ostiralean Ateak Ireki irekitzeko eskatuko dute beste behin.

Eta Ateak Irekirekin gauza bera egiten badute, beste hedabide herrikoi bat sortuko dute. Seguru.

Apurtu.org was closed with total impunity, just like Ateak Ireki? Artikulu honen ingelesezko bertsioa Euskal Pen klubaren gunean.