2014an nazioartean zentsuratutako albiste nagusiak

Atalak: Aktibismoa sarean, Komunikazioa

Argitaratu dute Censored 2015 urtekaria, albistegietara heldu ez diren albisteak jasoz. 2013-2014 artean Mendebaldeko hedabide nagusiek isildu dituzten albiste garrantzitsuenak bildu dituzte. AEBei oso zuzendua egon arren (Kalifornian egiten dute 1976tik), albiste potoloak dira. Batzuk ekarri ditugu hona, informazio eskubideari ekarpena egin asmoz:

· Ozeanoen azidifikazio azkarra itsasoko bizitza arriskuan jartzen ari da.

Gauza jakina da erregai fosilen erabilerak CO2a jaurtitzen duela airera. Ez horrenbeste gas horren %25a ozeanoek xurgatzen dutela. (Info+)

· AEBen laguntza ekonomiko handiena jasotzen duten gobernuek tortura praktikatzen dute.

Israel, Afghanistan, Egipto, Pakistan, Nigeria, Jordan, Iraq, Kenya, Tanzania, Uganda… dira herrialde horiek. (Info+)

· Sarearen neutraltasuna arrikuskuan Internet hornitzen duten korporazioen erruz.

Interneteko trafikorako arau berriak erabakitzen ari dira hornitzaile handiak. (Info+)

· Occupy mugimenduko liderren aurkako hilketa planari kasurik ez zion egin FBIk (Info+)

· AEBetako hedabideen hipokresia Ukrainako krisia jorratzean.

AEBetako hedabideek Europa ekialdeko gudari buruz informatzean, Errusia Ukranian sartu dela informatu dute aztoratuta. Erabat alde batera utzi dute AEBek azken hamarkadatan zenbat herrialde inbaditu dituen, horietako askotan hauteskunde demokratikoen bidez haututako agintariak izan arren. (Info+)

· Hedabide nagusiek ez dituzte lotzen muturreko eguraldiak eta klima aldaketa

Muturreko eguraldiak geroz eta ohikoak diren honetan, ez dira berotegi efektua eta klima aldaketa aipatzen. Kasu bakoitza ezohiko gertaera gisa azaltzen dute hedabideek. (Info+)

· Irakeko minbizi eta malformazio kasuak ezkutatu ditu berriz ere Munduko Osasun Erakundeak.

AEBetako militarrek uranioa eta bestelako armak erabili izanak Iraken milaka zibil hil ditu. Horrez gain, ondoren hainbat gaitz sortu ditu, minbizia kasu. Defektuekin jaiotzen diren haurren kopuruak nabarmen egin du gora, eta datua ezkutatuz Munduko Osasun Erakundea AEBetako militarrak eta gobernua babesten ari da. (Info+)

· Lege proposamen batek Industria nuklearraren inmunitatea borrokatu nahi du istripu nuklearren kasurako.

1.415 pertsonaren izenean abokatu talde batek jarritako demandak (Fukushimako 38 herritar barne eta Japoniatik kanpoko 357),  TEPCO, Toshiba, Hitatchi eta General Electric konpainiak izendatu nahi ditu Fukushiman gertatu zenaren arduradun. (Info+)

· Geroz eta froga gehiago daude: haririk gabeko egungo teknologia kaltegarria da osasunarentzat.

Haririk gabeko telefonoek irrati frekuentzia elektromagnetikoak emititzen dituzte. 2011ko maiatzean, Munduko Osasun Erakundeak gizakiarentzat minbizi sortzaile “posible” izendatu zuen. (Info+)

· 2016rako Gazan ez dute ur edangarririk izango.

Gazan bizi diren 1,7 milioi pertsonak akuifero bakarraren menpe bizi dira. Hori kutsatuta dago eta gaitz askoren iturburua da. 2016an egoera muturrera helduko da. (Info+)

· Herbiziden osasun arriskuez aurkikuntzak egiten dituzten zientzialariak isilarazi eta desakreditatzen dituzte Monsantok eta beste hainbat enpresak. (Info+)

· AEBetan bizi osoko zigorra duten presoak inoiz baino gehiago dira.

160.000 pertsona daude bizi osorako kartzelan, horietatik laurdena Kalifornian. Horrez gain, 3.000 pertsonatik gora daude bizi osorako preso, baldintzapeko askatasunik gabe, ekintza ez biolentoengatik. (Info+)