Israelek 15 urtetik beherako 1.266 haur palestinar atxilotu ditu 2014an, PLOk salatu duenez
Haur preso palestinar bat.
Israelgo indar armatuek 15 urtez azpiko 1.266 palestinar atxilotu zituzten iaz Zisjordanian. Palestinaren Askapenerako Erakundeak (PLO ingelesezko siglekin) eman ditu datuak.
Atxiloketa hauen gehiengo zabala urtearen bigarren erdian gertatu zirela adierazi du Abdul-Nasser Farawnak, PLOren Presoen Autoritateen buruak.
Haur bat atxilotua den unea.
1.266 haurretatik 200 oraindik atxilotuta daudela jakinarazi dute. Salbuespeneko lege israeldarraren arabera, 12 urtetik gorako haur palestinarrak atxilo ditzake polizia israeldarrak. Judua bada, 16 urte da gutxieneko adina. Hala ere, ez dute legea errespetatzen, eta gazteagoak ere atxilotu izan dituzte.
“Haurrek salatu dute era ezberdinetan torturatu dituztela eta beren oinarrizko eskubideak urratu dizkietela”. Farawnak nazioarteko eragileei esku hartzeko dei egin die, “haurrak atxiloketetatik eta torturatik babesteko”.
Beste hainbat datu beldurgarri
Aurreko prentsaurreko batean, PLOk jakinarazi zuen 2014an 6.000 palestinar atxilotu zituztela Israelgo armadak eta poliziak. (Iturria)
7.000 preso palestinar inguru daude Israelgo kartzeletan sakabanatuta. (Iturria)
Israelen okupazioa hasi zenetik 1967an, 800.000 palestinar atxilotu dizute. (Iturria)
Israelek 2000. urteaz geroztik 10.0000 haur palestinar atxilotu ditu. (Iturria)
2013an 5 eta 9 urte bitarteko lau haur palestinar atxilotu zituen Israelgo armadak. 2013ko bideo hau oso ezagun egin zen, Hebronen 5 urteko haur bat atxilotu zuten unea ikusten da. Armadari harri bat bota izana egotzita atxilotu zuten.
Eta Europako gainerako ia komunikabide guztiek ez dute ‘jarduera’ hauek terroristatzat joko… Israelgo gobernuak, sionistek gaur egungo naziak dira. Nazien astakeri berak egiten dituzte.