Lau urteko kartzela zigorra berretsi dio Gorenak Alfon gazteari, herri harresia Madrilen?

Atalak: Desobedientzia zibila, Herri mugimenduak

Alfon gaztea, asteartean egindako prentsaurrekoan. (Arg: Diagonal / Álvaro Minguito)

Espainiako Auzitegi Gorenak “Alfon” gisa ezaguna den Alfonso Fernandez gaztearen aurkako lau urteko kartzela zigorra berretsi du. 2011ko greba orokorrean leherkariak zituela egozten diote. Berak dena ukatu eta guztia muntaia dela salatzen du. Alfonen abokatuek azpimarratu dute fiskaltzak ez duela frogatu akusazioa. Berehala kartzelan aurkeztu behar duela ebatzi dute.

Gaztearen kasuaren inguruan babesa antolatzen ari den koordinadorak gaur arratsaldean Vallekaseko San Carlos Borromeo elizan urgentziazko bilera deitu du protesta ekintzak prestatzeko. Larunbaterako manifestazioa deitu dute Madrilen.

Sare sozialetan #LibertadAlfon traola indar handiz dabil, eta #MuroHumanoAlfon iradokitzen ehunka mezu ari dira bidaltzen erabiltzaileak.

Tras la sentencia montaje, y a no ser que por otras razones alfon no quiera, es tiempo de practicar la desobediencia. #MuroHumanoAlfon

— osec (@osec) June 17, 2015

En Madrid debemos tomar ejemplo d #AskeGunea y montar #MuroHumanoAlfon para conseguir #AlfonLibertad #AlfonAbsolucion pic.twitter.com/GBAycYPgUQ — xpresando (@xpresando_) June 17, 2015

Babes zabala duen gaztea

Astelehenean hamarnaka kolektiboren izenean prentsaurrekoa egin zuten Alfoni babesa adieraziz. Diagonalen irakur dezakegunez, oinarriko sindikatuak, No Somos Delito gisako herri mugimenduak, M15eko asanbladak, osasun eta hezkuntza publikoaren borrokarekin lotutako kolektiboak edo Ahora Madrid eta Podemoseko kideak zeuden bertan.

Epaiketan izandako irregulartasunak salatzen dituzte defentsatik. “Hau epaiketa politikoa dela eta Alfon bere militantzia antifaxistagatik jazarria dela argi geratu da”. Fiskalaren galdera gehienak, ustez egozten dizkioten gertaeretan baino, bere militantzia politikoan eta Bukaneros taldearekin duen harremanean oinarritu dira salatzen dutenez.

Alfon Vallekas auzoko gaztea da, ezaguna Euskal Herriko hainbat zirkulutan, Madrilen Auzitegi Nazionalera deklaratzera joan behar izan duten auziperatuei babesa antolatzen ibilia delako.

Abrazos a @Alfon_libertad amigas y familiares. La solidaridad seguirá tumbando barreras. #alfonlibre #AlfonLibertad pic.twitter.com/VxX4E2zr8l

— Xalba (@Muller_jauna) June 17, 2015

Euskal Herritik bidalitako elkartasun mezuak ez dira gutxi, eta Ernaik ere bere babesa adierazi dio.
#MuroHumanoAlfon Tweets//